[᭘᭒ 82B]
᭘᭒
ᬰ᭄ᬭᬷᬭᬦ᭄ᬢᬚᬵᬗᬦ᭄ᬥᬶᬓᬭᬶᬂᬧᬸᬦ᭄ᬭᬗ᭄ᬕᬵ᭞ᬢᬓ᭄ᬭᬶᬲᬶᬗ᭄ᬲᬸᬦᬶᬓᬶ᭞ᬩᬬᬓ᭄ᬭᬶᬲ᭄ᬲᬂᬧᬜ᭄ᬚ᭄ᬬ᭞ᬫᬮᬢ᭄ᬭᬰ᭄ᬫᬶᬦ᭄ᬓᬧᬸᬢ᭄ᬭ᭞ᬲᬶᬭᬗᬸᬭᬸᬧᬦᬓ᭄ᬭᬶᬲ᭄᭞ᬢᬸᬃᬳᬶᬗᬸᬦᬸᬲᬦ᭄᭞ᬫᬸ
ᬭᬸᬩ᭄ᬳᬲᬹᬭᬵᬢ᭄ᬮᬶᬗ᭄ᬳᬶᬃ᭟ᬫᬸᬦᬶᬭᬵᬚᬦᬸᬱᬧᬢᬶᬓᬗᬦᬫᬵ᭞ᬦᭂᬩᬄᬚᬚᬪᬹᬧᬢᬶ᭞ᬓᬓᬶᬳᬭᬶᬦᬶᬗ᭄ᬯᬂ᭞ᬤᬸᬄᬫᬗ᭄ᬓᬾᬳᬶᬗ᭄ᬲᬸᬦ᭄ᬯᬶᬓᬦ᭄᭞ᬳᬫᬶᬲᬦ᭄ᬮᬦ᭄ᬲᬶᬭ
ᬓᬳᬶ᭞ᬚᬶᬃᬡ᭄ᬦᬭᬶᬂᬫᬦᬄ᭞ᬳᬶᬗ᭄ᬲᬸᬦ᭄ᬦ᭄ᬤᬢᬦ᭄ᬧᬢᭂᬧᬶ᭟ᬮ᭄ᬯᬶᬃᬯᬶᬦᬼᬤ᭄ᬢ᭄ᬯᬶᬲᬶᬗ᭄ᬲᬸᬦ᭄ᬓᬬᬯᬶᬦᬭᬄ᭞ᬤᬾᬦᬶᬂᬳ᭄ᬬᬂᬧ᭄ᬭᬫᬵᬓᬯᬶ᭞ᬳᬕ᭄ᬮᬶᬲ᭄ᬢᭂᬥᬸᬦᬦ᭄᭞ᬲᬂᬧ᭄ᬭᬪᬹᬗᭂᬫᬸᬯᬲ᭄ᬧ᭞
ᬭᬗ᭄ᬕᬲᭂᬦᭂᬢᬦ᭄ᬜᬋᬗᬶᬦ᭄᭞ᬫᬶᬯᬄᬓᬤᬾᬳᬦ᭄᭞ᬲᬫᬶᬫᬗᭂᬫᬸᬢᬗᬶᬲ᭄᭟ᬲᬂᬧᬶᬦᬭᬦ᭄ᬲ᭄ᬥᭂᬓ᭄ᬤᬶᬳᬫ᭄ᬩᬾᬦᬾᬦᭂᬕᬓ᭄᭞ᬮᬦ᭄ᬢᬲ᭄ᬫᭂᬘᭂᬩᬸᬃᬕ᭄ᬮᬶᬲ᭄᭞ᬢᭂᬥᬸ
[᭘᭓ 83A]
ᬦᬦ᭄ᬓᬦᬢᬄ᭞ᬗᬓ᭄ᬱᬶᬰ᭄ᬭᬷᬭᬦ᭄ᬢᬦᬚᬵ᭞ᬭᬳᬸᬄᬢᬦ᭄ᬫᬭᬶᬜ᭄ᬚᬕ᭄ᬚᬕᬶᬦ᭄᭞ᬫᬗᭂᬮᬸᬢ᭄ᬓᬡ᭄ᬝᬵ᭞ᬤᬸᬄᬳᬭᬶᬦᬶᬗ᭄ᬲᬸᬦ᭄ᬓᬓᬶ᭟ᬢᬦ᭄ᬧᬾᬦ᭄ᬤᬄᬫᬗ᭄ᬓᬾᬳᬶᬗ᭄ᬲᬸᬦ᭄
ᬮ᭄ᬯᬶᬃᬫᬜᬸᬫ᭄ᬧ᭄ᬦᬵ᭞ᬳᬫᬗ᭄ᬕᬶᬄᬲᬶᬭᬓᬓᬶ᭞ᬫ᭄ᬯᬂᬲᬂᬢᬶᬦᬗᬶᬲᬦ᭄᭞ᬦᬗᬶᬲ᭄ᬳᬫᭂᬓᬸᬮ᭄ᬧᬥ᭞ᬲᬮᬶᬂᬧᭂᬓᬸᬮ᭄ᬲᬮᬶᬂᬦᬗᬶᬲ᭄᭞ᬢᬦ᭄ᬧᬯᬂᬫᬢ᭄ᬭᬵ᭞ᬫᬗ᭄ᬮᬾᬲᬶᬤ᭄ᬥᬵ
ᬳᬧᬗ᭄ᬕᬶᬄ᭟ᬧᬥᬮᬭᬤᬾᬦ᭄ᬬᬧᬥᬵᬦᬗᬶᬲ᭄ᬲᬶᬭᬧᬜ᭄ᬚ᭄ᬬ᭞ᬫᬳᬢᬹᬃᬲᬫ᭄ᬩᬶᬮ᭄ᬗᭂᬮᬶᬂ᭞ᬲᬺᬢ᭄ᬫᭂᬕᬢ᭄ᬫᭂᬕᬢ᭄᭞ᬲᬶᬕ᭄ᬲᬶᬕᬦ᭄ᬫᬧᬶᬤᬃᬣ᭞ᬢᭂᬮᬲ᭄ᬩᬵᬦ᭄ᬢᬶᬢ᭄ᬬᬂᬗᭂᬜ᭄ᬘᬩᬶ
ᬦ᭄᭞ᬭᬶᬂᬤᬾᬰᬤᬾᬰ᭞ᬭᬶᬂᬕᬯᬄᬧ᭄ᬭᬶᬗ᭄ᬕᬉᬓᬶᬃ᭟ᬫᬶᬦᬓᬤᬶᬭᬶᬂᬧᬹᬡ᭄ᬥᬂ᭞ᬓᬸᬩᭀᬦ᭄ᬲᬕᬭ᭞ᬢᬦ᭄ᬯᬾᬦ᭄ᬢᭂᬦ᭄ᬫᬬᬳᭀᬣᬶ᭞ᬳᭀᬦᬂᬫᬭᬯᬢ᭄᭞ᬧᬗ᭄ᬕᬶᬄ
Page:Bali-lontar-paparikan-malat-01-550ppi.pdf/83
This page has been proofread.
