[᭓᭙ 39B]
᭓᭙
ᬗᬋᬧᬂᬩ᭄ᬬᭀᬢᬵᬢᬸᬗ᭄ᬓᬲ᭄᭞ᬫᬯᬰᬡᬦᬗᬸᬦ᭄ᬓᬮᬶ᭞ᬓᬾᬢᭀᬤᬕᬶᬗ᭞ᬰ᭄ᬭᬷᬫᬢᬳᬸᬦ᭄ᬫᬓᬾᬮᬶᬂ᭟ᬧ᭄ᬭᬪᬸᬮᬲᭂᬫ᭄ᬫᬫᭂᬗ᭄ᬓᬸᬂᬢ᭄ᬯᬭᬫᬶᬲᬃᬚ᭄ᬚᬵ᭞ᬲᬧᬗᬚᬄᬦᬸᬢᬸ
ᬭᬶᬦ᭄᭞ᬓᬕᬾᬢ᭄ᬰ᭄ᬭᬷᬘᬫᬭᬵ᭞ᬲᬋᬂᬭᬶᬂᬧ᭄ᬭᬪᬹᬧᬚᬂ᭞ᬭᬳᬸᬄᬫᬶᬭᬶᬗᬦ᭄ᬧᬫᬢᬶᬂ᭞ᬚᭂᬚᭂᬮ᭄ᬫᬗᬫ᭄ᬩ᭄ᬬᬃ᭞ᬗᬗ᭄ᬓᭂᬮ᭄ᬫᬜᬦ᭄ᬢᭀᬲ᭄ᬯᬗ᭄ᬲᬶᬢ᭄᭟ᬧ᭄ᬭᬪᬹᬮᬲᭂᬫ᭄ᬫᭂᬗ᭄ᬕᬄᬘᬘᬶ
ᬗᬓᬾᬩᬳᬕ᭄᭞ᬤᬸᬫᬶᬮᬄᬓᬤᬶᬕ᭄ᬦᬶ᭞ᬫ᭄ᬬᬂᬧ᭄ᬭᬪᬹᬫᬢᬭᬫ᭄᭞ᬳᬸᬮᬢᬸᬮᬢ᭄ᬕᬮᬂ᭞ᬲᬯᬂᬓᬶᬮᬧ᭄ᬫᬜᬦ᭄ᬥᭂᬭᬶᬦ᭄᭞ᬧᬸᬧᬸᬢᬶᬂᬓ᭄ᬭᭀᬥ᭞ᬩᬶᬗᬃᬲᬓ᭄ᬯᬾᬳᬶᬂᬗᬶᬭᬶ᭟
ᬯᬸᬲ᭄ᬮᬸᬫᬫ᭄ᬧᬄ᭞ᬲᬂᬧ᭄ᬭᬪᬹᬧᬢᬂᬦᬵᬕᬭ᭞ᬫᬕᭂᬩᬸᬕ᭄ᬫᬗᭂᬦ᭄ᬥᭀᬜ᭄ᬚᬸᬭᬶᬢ᭄᭞ᬲᬶᬓᭂᬧ᭄ᬓᬪᬶᬦᬯᬵ᭞ᬮ᭄ᬯᬶᬃᬲᬕᬭᬫᬚᬮᬦ᭄᭞ᬳᬾᬕᬃᬫᬲᬸᬭᬓ᭄ᬫᬫᬃᬕ᭄ᬕᬶ᭞ᬪ᭄ᬭᬱ᭄ᬝᬵᬲᬶᬂ
[᭔᭐ 40A]
ᬓᬫ᭄ᬩᬄ᭞ᬧᬜᭂᬩᭂᬄᬓᬸᬯᬸᬤᬾᬰᬶ᭟ᬢᬦᬸᬘᬧᭂᬦ᭄ᬧᬫᬃᬕ᭄ᬕᬶᬦ᭄ᬰ᭄ᬭᬷᬮᬲᭂᬫ᭄ᬦᬵᬣ᭞ᬲᬂᬧᬜ᭄ᬚᬶᬓᭀᬘᬧ᭄ᬫᬗ᭄ᬓᬶᬦ᭄᭞ᬯᬸᬲ᭄ᬧ᭄ᬭᬵᬧ᭄ᬢᬾᬂᬕᬕ᭄ᬮᬂ᭞ᬕᬾᬯᬃᬤᬶᬚ᭄ᬭᭀᬦᬶᬂᬤᬾᬰ᭞ᬧᬥ
ᬲᬶᬲᬸᬫᬫᭂᬦ᭄ᬥᬓᬶᬦ᭄᭞ᬓᬮᬶᬄᬰ᭄ᬭᬷᬦᬭᬦᬵᬣ᭞ᬤᬶᬩᬜ᭄ᬘᬶᬗᬄᬓᬢᬗ᭄ᬓᬶᬮ᭄᭟ᬕ᭄ᬮᬶᬲ᭄ᬭᬳᬸᬄᬓ᭄ᬭᬾᬣᬫᬭᬾᬭᭀᬤ᭄ᬲᬫ᭄ᬬᬦ᭄᭞ᬩᬸᬗᬄᬫᭂᬮᬄᬧᬩᬮᬶᬄ᭞ᬢᬸᬮᬾᬦ᭄ᬓᬤᬶᬕᬫ᭄ᬩᬃ
᭞ᬳᬶᬢᬶᬢᬄᬚᬶᬯᬵᬗᬸᬘᬧ᭄᭞ᬲᬳᬲᭂᬫ᭄ᬩᬄᬭᬶᬂᬲᬂᬧᬜ᭄ᬚᬶ᭞ᬗᬢᬸᬭᬂᬳᬶᬤᬰ᭄ᬭᬷᬦᬭᬾᬦ᭄ᬤ᭄ᬭᬓᬢᬗ᭄ᬓᬶᬮ᭄᭟ᬤ᭄ᬯᬦᬶᬂᬢ᭄ᬥᬸᬦ᭄ᬲᬶᬭᬧᬜ᭄ᬚᬶᬲᬶᬗ᭄ᬳᬵᬜ᭄ᬚᬬᬵ᭞ᬧᬬᬸᬂᬳᬕᬸᬂᬫᬗᬧᬶᬢ᭄᭞
ᬮ᭄ᬯᬶᬃᬲᬗ᭄ᬳ᭄ᬬᬂᬫᬦ᭄ᬫᬢ᭞ᬫᬓᬫ᭄ᬧᬸᬄᬲᬲᭀᬗ᭄ᬓᬾᬢᬦ᭄᭞ᬲᬩᬸᬓ᭄ᬕ᭄ᬭᬶᬗ᭄ᬲᬶᬂᬩᬸᬮᬂᬓᬸᬦᬶᬂ᭞ᬓ᭄ᬭᬶᬲ᭄ᬫᬮᬦ᭄ᬤᬾᬬᬦ᭄᭞ᬢᭀᬕᭀᬕ᭄ᬫᬲᭀᬘᬩᭂᬘᬶᬓ᭄᭟ᬢᬸᬃᬫᬧᬶᬗ᭄ᬕᭂᬮ᭄
Page:Bali-lontar-paparikan-malat-01-550ppi.pdf/40
This page has been proofread.
