[᭓᭘ 38B]
᭓᭘
ᬢᬦᬸᬘᬧᬦ᭄ᬲᬶᬭᬧᬜ᭄ᬚ᭄ᬬ᭞ᬧᬫᬃᬕᬶᬦᬾᬍᬫᬄᬯᭂᬗᬶ᭞ᬳᬓᬾᬄᬓᬮᬗᭂᬦ᭄ᬮᬶᬦ᭄ᬢᬗᬶᬦ᭄᭞ᬫᬗᬼᬮᬶᬧᬸᬃᬭᬤᬾᬦ᭄ᬕᬮᬸᬄ᭞ᬫᬘᬭᬩᬶᬮᬂᬚᬮᬦ᭄᭞ᬜ᭄ᬭᬶᬦ᭄ᬢᭂᬂᬗᬫ᭄ᬩᬮ᭄
ᬫᭂᬘᬸᬓᬮᬶᬲ᭄᭞ᬦ᭄ᬤᬦ᭄ᬓᬯᬸᬯᬸᬲ᭄ᬲᬂᬧ᭄ᬭᬪᬸᬭᬶᬂᬲᬶᬗ᭄ᬳᬲᭂᬓᬃ᭟ᬲᬩᬸᬤᬮᬾᬲᬶᬭᬧᬜ᭄ᬚ᭄ᬬ᭞ᬫᬢᬫ᭄ᬩᭂᬄᬓᬬᬸᬦᬾᬲ᭄ᬥᬶᬄ᭞ᬩᬵᬦᬾᬲᬸᬯᬸᬂᬲᬫᬸᬦ᭄ᬰᬸᬦ᭄ᬬ᭞ᬤᬶᬦᬵᬕᬭᬲᭂᬧᬶᬫᬶᬫᬶ
ᬢ᭄᭞ᬢᬦ᭄ᬲᬾᬯᭀᬲ᭄ᬫᬦᬤᬶᬧᬶᬓᬶᬃ᭞ᬢᬦ᭄ᬮ᭄ᬬᬦ᭄ᬲᬶᬭᬧᬜ᭄ᬚᬶᬫᬮᬢ᭄ᬓᬸᬂ᭞ᬦ᭄ᬤᬸᬧ᭄ᬥᬸᬧ᭄ᬗ᭄ᬕᬯᬾᬫᬦᬄᬭᬦ᭄ᬡ᭞ᬳᬦᬓᬾᬗᬯᬲ᭄ᬫᬩᬮᬶᬄ᭞ᬫ᭄ᬯᬄᬲᬂᬧ᭄ᬭᬪᬹ᭞ᬢᬦᬦᬓ
ᬬᬸᬦ᭄ᬓᬲᬸᬓᬦ᭄᭟ᬢᭀᬂᬧᬲᬄᬲ᭄ᬥᬶᬄᬫᬗᭂᬦᬂ᭞ᬩᭂᬗᭀᬂᬲᬋᬂᬧ᭄ᬭᬫᬰ᭄ᬯᬭᬶ᭞ᬗᬸᬫᭂᬓ᭄ᬓᬬᬸᬦ᭄ᬫᬤᭂᬓᭂᬲᬦ᭄᭞ᬢᬺᬱ᭄ᬡᬗᬾᬫᬦ᭄ᬲᬶᬭᬧᬜ᭄ᬚᬶ᭞ᬤᬤᬶᬢᬗ᭄ᬕᬸᬦ᭄ᬓ᭄ᬭᬸᬡ
[᭓᭙ 39A]
ᬦ᭄ᬩᬶᬩᬶᬄ᭞ᬤᬶᬦᬕᬭᬲᬶᬗ᭄ᬳᬲᬦ᭄ᬢᬸᬦ᭄᭞ᬓᬲᬸᬩ᭄ᬓᬧᬶᬮᬸᬮᬸᬢ᭄ᬫᬓ᭄ᬚᬂ᭞ᬢᬸᬦ᭄ᬥᬸᬂᬳᬬᬸᬄᬭᬶᬂᬲᬂᬧᬜ᭄ᬚᬶ᭞ᬩᭀᬬᬳᬸᬦ᭄ᬤᬸᬃ᭞ᬫᬜᬫ᭄ᬩᬢ᭄ᬲᬋᬂᬲᬚᬕᬢ᭄᭟᭐᭟ᬧᬸᬄᬤᬹᬃᬫ᭄ᬫ
᭟ᬦᭂᬗᬓ᭄ᬦᬵᬲᬂᬧ᭄ᬭᬪᬹᬭᬶᬂᬫᬺᬖ᭄ᬕᬧᬸᬱ᭄ᬧᬵ᭞ᬰ᭄ᬭᬷᬮᬲᭂᬫ᭄ᬓᭀᬘᬧ᭄ᬫᬗ᭄ᬓᬶᬦ᭄᭞ᬲᬶᬭᬧᬢᬶᬄᬧ᭄ᬭᬵᬧ᭄ᬢ᭞ᬫᭂᬗ᭄ᬕᬄᬲᬂᬧ᭄ᬭᬪᬹᬫ᭄ᬬᬃᬱ᭞ᬳᭀᬃᬣᬦᬵᬢᬹᬃᬭᬓ᭄ᬭ᭄ᬬᬦ᭄ᬧᬢᬶᬄ᭞ᬦᬾᬓᬾᬗᬸᬦ᭄ᬥᬸ
ᬢᬵᬗᬢᬹᬭᬂᬤᬩ᭄ᬥᬩ᭄ᬲᬫᬶ᭟ᬧᬭᬫᬗ᭄ᬓᬶᬦ᭄ᬦᬤᬓ᭄ᬗᭂᬲᬾᬗᬶᬦ᭄ᬧᬭᬧᬸᬗ᭄ᬕᬯ᭞ᬫᬗ᭄ᬥᬵᬦᬩ᭄ᬥᬩ᭄ᬧᬫᬢᬶᬂ᭞ᬲᬸᬗ᭄ᬳᬸᬮᬦ᭄ᬢᭂᬕᬓᬦ᭄᭞ᬲᬺᬕᭂᬧ᭄ᬲᬳᬲᬜ᭄ᬚᬢ᭞ᬲᬂᬧ᭄ᬭ
ᬪᬹᬭᬭᬶᬲ᭄ᬗᭂᬲᬾᬗᬶᬦ᭄᭞ᬫᬢᬳᬸᬦ᭄ᬦᬵᬣ᭞ᬫᬲᬗ᭄ᬓ᭄ᬯᬾᬢ᭄ᬯᬭᬧ᭄ᬭᬧ᭄ᬢᬶ᭟ᬲᬓᬾᬯᬮᬳᬸᬢᬸᬲᬦ᭄ᬭᬳᬸᬄᬫᬶᬤᬃᬣ᭞ᬘᭂᬦ᭄ᬥᭂᬓ᭄ᬫᬢᬹᬃᬧᬓᬾᬮᬶᬂ᭞ᬫᬗ᭄ᬥᬲᬵᬫ᭄ᬧᬸᬦ᭄ᬓ᭄ᬭᭀᬥ᭞
Page:Bali-lontar-paparikan-malat-01-550ppi.pdf/39
This page has been proofread.
