Page:Bali-lontar-paparikan-bagawadgita-350ppi.pdf/21

From Wikisource
Jump to navigation Jump to search
This page has been proofread.

[᭒᭐ 20B]
᭒᭐
ᬓᬵᬳᭂᬢᬜ᭄ᬚᬸᬫ᭄ᬩᬸᬄᬕᬶᬭᬂ᭞ᬭᬶᬓᬵᬮᬩᬕ᭄ᬬᬦᬾᬢ᭄ᬓ᭞ᬓᬮᬶᬲ᭄ᬢᭂᬓᬾᬦᭂᬤᭀᬢ᭄ᬕᭂᬢᬧ᭄᭞ᬓ᭄ᬮᬾᬲ᭄ᬢᭂᬓᬾᬦ᭄ᬓ᭄ᬭᭀᬥᬗᬕᬸ᭞ᬳᭂᬦ᭄ᬢᭀᬲᬂᬰᬸᬘᬶᬤᬶᬩ᭄ᬬᬵᬚ᭄ᬜᬦ᭟᭐᭟ᬬᬦᬩᭀ
ᬢᬾᬲᬸᬩᬫᬵᬢᬶ᭞ᬫᬋᬧ᭄ᬭᬶᬂᬲᬃᬯ᭄ᬯᬯᬶᬱᬬ᭞ᬓᬜ᭄ᬘᬦ᭄ᬯᬾᬦ᭄ᬢᭂᬦᬾᬲᬫ᭄ᬬᬦ᭄᭞ᬢᬦ᭄ᬓᬮᬶᬗᬸᬳᬦ᭄ᬓᬯᬶᬮᬂ᭞ᬬᬤᬶᬦ᭄ᬮᬜ᭄ᬘᬄᬲᬸᬓᬤᬸᬄᬓ᭞ᬳᬦᬓᬾᬳᬓᬾᬢᭀᬩᬕᬸᬲ᭄᭞
ᬲ᭄ᬤᬗᬂᬭᬶᬂᬩᬗᬸᬦ᭄ᬗᭂᬤᬢ᭄᭟᭐᭟ᬲᬵᬢ᭄ᬲᬢᬶᬓᬸᬃᬫ᭄ᬫᬦᬾᬕᬮᬶᬃ᭞ᬜᬼᬧᬂᬩᬸᬦ᭄ᬢᬸᬢ᭄ᬓᬳᬯᬓ᭄᭞ᬓᬾᬢᭀᬲᬂᬲᬶᬤ᭄ᬥᬦᬸᬮᬓᬂ᭞ᬇᬦ᭄ᬤ᭄ᬭᬶᬬᬲᬓᬾᬂᬯᬶᬱᬬ᭞ᬚᬶᬯᬦ᭄ᬲᬂ
ᬳᬲᬧᬸᬓ᭞ᬩᬸᬳᬸᬂᬮᬶᬓᬤᬾᬮᬄᬧᬬᬸ᭞ᬩᬾᬩᬲᬾᬳᬭᭀᬓ᭄ᬭᬶᬂᬮᬲ᭄ᬬ᭟᭐᭟ᬬᬤᬶᬦ᭄ᬯᬶᬱᬬᬦᬾᬮᬶᬲᬶᬓ᭄᭞ᬳᬶᬤᬲᬂᬚᬶᬢᬾᬦ᭄ᬤ᭄ᬭᬶᬬ᭞ᬢᬫ᭄ᬧᬓᬶᬧᬸᬦ᭄ᬓᬦ᭄ᬢᬸᬦ᭄ᬲᬶᬦᬄ᭞
[᭒᭑ 21A]
ᬳᬦᬾᬫᬭᬹᬧᬢᬦ᭄ᬫᬢ᭄ᬭ᭞ᬳᬶᬢᬦ᭄ᬫᬢ᭄ᬭᬩᬳᬸᬧᬸᬦᬄ᭞ᬬᬦ᭄ᬲᬵᬫ᭄ᬧᬸᬦᬶᬤᬳ᭄ᬬᬂᬢᬸᬤᬸᬄ᭞ᬫᬜᬶᬦᬳᬂᬭᬵᬕᬦᬶᬤ᭟᭐᭟ᬬᬤ᭄ᬬᬦ᭄ᬲᬗᬸᬢ᭄ᬢᬫᬩᬸᬤ᭄ᬥᬶ᭞ᬳᬸᬕᬶᬢᬦ᭄ᬫᬵᬢᬶᬳᬸᬢ᭄ᬲ
ᬳ᭞ᬓᬤᬶᬚ᭄ᬜᬦᬦᬶᬂᬫᬮ᭞ᬦᬗ᭄ᬳᬶᬂᬦ᭄ᬢᭀᬳᬶᬧᬜ᭄ᬢᬾᬦ᭄ᬤ᭄ᬭᬶᬬ᭞ᬦᬾᬢᭀᬦ᭄ᬤᬾᬦ᭄ᬢᭂᬓᭂᬓ᭄ᬓᬩᬦ᭄ᬥ᭞ᬩᬶᬲᬗᬾᬭᬾᬤ᭄ᬗᬯᬾᬮᬩᬸᬄ᭞ᬜᭂᬫ᭄ᬲᭂᬫᬂᬭᬵᬕᬦ᭄ᬲᬂᬧ᭄ᬭᬚ᭄ᬜᬦ᭄᭟᭐᭟ᬧᬸᬧᬸᬄ
ᬳᬤ᭄ᬭᬶ᭟᭐᭟ᬲᬂᬲᬸᬩᬇᬦ᭄ᬤ᭄ᬭᬶᬬᬦ᭄ᬜᬫᬢ᭄ᬕᬸᬮ᭄᭞ᬲᬶᬤ᭄ᬥᬚᬢᬶᬓ᭄ᬯᬢ᭄᭞ᬳᬶᬥᭂᬧ᭄ᬜᬚᬢᬶᬫᬗ᭄ᬕᬶᬮᬶᬲ᭄᭞ᬲᬶᬦᬄᬚ᭄ᬭᭀᬦᬶᬂᬬᭀᬕᬓᬸᬓᬸᬄ᭞ᬢᬸᬯᬳᬶᬓᬬᬓᬢᬸᬚᬸ᭞ᬲᬂᬲᬶᬤ᭄ᬥᬫ᭄ᬓᭂᬓᬶᬦ᭄ᬤ᭄ᬭᬶ
ᬬ᭞ᬚᬦ᭄ᬢᭀᬲ᭄ᬢᬦ᭄ᬫᬮ᭄ᬓᬄᬧᭂᬲᬸ᭞ᬳᬾᬮᬄᬫᬗᭂᬦ᭄ᬢᭂᬕᬂᬫᬦᬄ᭞ᬚ᭄ᬜᬦᬦᬾᬤᬗᬦ᭄ᬓ᭄ᬯᬢ᭄᭟᭐᭟ᬬᬾᬦᬶᬂᬦᬸᬫ᭄ᬧᬼᬓ᭄ᬓᬯᬶᬮᬗᬸᬦ᭄ᬦᬸᬭᬸᬢ᭄᭞ᬲᬸᬓᬓᬩ᭄ᬬᬤᬬᬦ᭄᭞ᬲᬶᬦᬄᬬᬫ