Page:Bali-lontar-paparikan-bagawadgita-350ppi.pdf/20

[᭑᭙ 19B]
᭑᭙
ᬤ᭄ᬥᬶᬰᬸᬘᬶ᭞ᬩᬾᬩᬲ᭄ᬢᭂᬓᬾᬦ᭄ᬤᭂᬮᬾᬫ᭄ᬮᬄ᭞ᬳᬯᬦᬦᬤᬶᬲᬂᬧᬵᬃᬣ᭞ᬬ᭄ᬧ᭄ᬕᬦᬾᬮᬯᬸᬢᬂᬕᬭᬧ᭄᭞ᬳᬧᬦ᭄ᬬᭀᬕᬦᬾᬧᬸᬦᬶᬓ᭞ᬦᬾᬫᬤᬜ᭄ᬚᬳᬶᬦ᭄ᬓᬯ᭄ᬭᬸᬄ᭞ᬫᬓᬧᬧ
ᬢᬶᬦᬶᬂᬓᬵᬃᬬ᭄ᬬ᭟᭐᭟ᬬᬜ᭄ᬚᬶᬯᬦᬾᬯᬸᬲ᭄ᬫᬦᬸᬗ᭄ᬕᬶᬮ᭄᭞ᬳᬭᭀᬓᬶᬗᬗ᭄ᬕᬳ᭄ᬬᬂᬲᬗ᭄ᬓᬦ᭄᭞ᬬᬦ᭄ᬫᬶᬲᬭᬯᭀᬄᬧᬓᬵᬃᬬ᭄ᬬᬦ᭄᭞ᬲᬶᬤ᭄ᬥᬫ᭄ᬕᬢ᭄ᬢᬮᬶᬦ᭄ᬢᬺᬱ᭄ᬡ᭞ᬦᬲ᭄ᬢᬲ᭄ᬧᬸᬦᬃᬪᬯᬩ
ᬦ᭄ᬥ᭞ᬲᬂᬳᬓᬾᬢᭀᬲᬶᬤ᭄ᬥᬫᬗ᭄ᬕᬸᬄ᭞ᬭᬶᬂᬚᬕᬢᬾᬲᬦᬾᬫᭀᬓ᭄ᬱ᭟᭐᭟ᬓ᭄ᬦᭂᬄᬳᬤᬶᬦᬾᬬᬦ᭄ᬓᬮᬶᬲ᭄᭞ᬩᬾᬩᬲ᭄ᬲᬓᬶᬂᬓᬯᬶᬓᬮ᭄ᬧᬓ᭄᭞ᬕᬫ᭄ᬩᬃᬓ᭄ᬭᬶᬢᬶᬧᬦ᭄ᬤᬾ
ᬯᬾᬓ᭄ᬜ᭞ᬤᬶᬢᬸᬳᬤᬶᬲᬶᬤ᭄ᬯᬃᬯᬢ᭄᭞ᬲᬓᬶᬂᬧᬭᬶᬓᬦ᭄ᬥᬜ᭄ᬚᬕᬢ᭄᭞ᬲᬦᬾᬫᬗ᭄ᬓᬶᬦ᭄ᬲᬦᬾᬤᬸᬫᬸᬦ᭄᭞ᬫᬶᬯᬄᬲᬦᬾᬧᬍᬄᬧᬘᬂ᭟᭐᭟ᬓ᭄ᬦᭂᬳᬾᬲᬫ᭄ᬩ᭄ᬭᬕᬂᬳᭀᬃᬣᬶ᭞
[᭒᭐ 20A]
ᬲᬓᬶᬂᬓ᭄ᬘᬧ᭄ᬮᭀᬦ᭄ᬢᬃᬓᬢᬄ᭞ᬲᬶᬤ᭄ᬥᬫᬮᬶᬄᬓᬸᬫ᭄ᬧᬸᬮ᭄ᬦᬸᬗ᭄ᬕᬮ᭄᭞ᬤᭂᬕ᭄ᬤᭂᬕ᭄ᬭᬶᬂᬲᬫᬵᬥᬶᬳᬾᬮᬄ᭞ᬲᬸᬯᬸᬤ᭄ᬩᬶᬂᬩᬂᬲᬸᬯᬸᬤ᭄ᬭᬸᬫ᭄ᬩᬂ᭞ᬳᬶᬬᬤᬶᬤᬶᬓᬵᬮᬤᬶᬢᬸ᭞ᬳᬭᭀᬓ᭄ᬭᬶᬂᬚᬳᬶᬦᬶᬂ
ᬬᭀᬕ᭟᭐᭟ᬭᬢᬸᬲᬂᬓᬺᬱ᭄ᬡᬪᬹᬧᬢᬶ᭞ᬲᬧᬸᬦᬧᬶᬢᬦ᭄ᬤᬦᬶᬤ᭞ᬲᬂᬭᬸᬫᬕᬩᬶᬚᬓ᭄ᬱᬡ᭞ᬲᬂᬩᬚᭂᬕ᭄ᬧᬸᬢᬸᬲᬶᬂᬬᭀᬕ᭞ᬓᬵᬮᬳᬶᬤᬮᬸᬫᬓ᭄ᬱᬡ᭞ᬫᬫᬃᬕ᭄ᬕᬫᬶ
ᬯᬄᬫᬮᬸᬗ᭄ᬕᬸᬄ᭞ᬫᬓᬬᬸᬦ᭄ᬮᬦ᭄ᬫᬮᬓ᭄ᬱᬡ᭟᭐᭟ᬳᬸᬥᬹᬄᬤᬦᬜ᭄ᬚᬬᬳᬤᬶ᭞ᬳᭂᬦ᭄ᬢᭀᬳᬶᬤᬲᬂᬜᬶᬤᬬᬂ᭞ᬜᬧ᭄ᬲᬧᬶᬦᭂᬤᭀᬢ᭄ᬤᬶᬫᬦᬄ᭞ᬢᬸᬃᬲᬸᬩᬲᬶᬤ᭄ᬥᬜᬸᬓᬬᬂ
᭞ᬪᬓ᭄ᬢᬶᬦᬾᬭᬶᬂᬲᬂᬳ᭄ᬬᬳᬂᬗᬢ᭄ᬫ᭞ᬳᭂᬦ᭄ᬢᭀᬳᬦᬓ᭄ᬫᬤᬦ᭄ᬩᬗᬸᬦ᭄᭞ᬩᬚᭂᬕ᭄ᬭᬶᬂᬩᬸᬤ᭄ᬥᬶᬦᬶᬃᬫᬮ᭟᭐᭟ᬳᬦᬓᬾᬢᬸᬯᬭᬲ᭄ᬥᬶᬄ᭞ᬤᬶᬓᬵᬮᬦᬾᬓᬲᬗ᭄ᬲᬭᬦ᭄᭞ᬳᬦ