[᭑᭑᭘ 118B]
᭑᭑᭘
ᬦᬾᬫᬚᬶᬦᬂ᭞ᬯᬦ᭄ᬢᬄᬭᬶᬂᬢᬗ᭄ᬕᬸᬦ᭄ᬧᬓᬃᬤ᭄ᬥᬶ᭞ᬲᬵᬫ᭄ᬧᬸᬦ᭄ᬓᬧᬸᬧᬸᬢᬂ᭞ᬢ᭄ᬯᬭᬗᬶᬢᬸᬂᬓᬭᬡᬦ᭄ᬜ᭞ᬧᬢᬸᬢ᭄ᬜᬦᬾᬢᬦ᭄ᬓᬾᬢᬗᬶᬦ᭄᭞ᬦ᭄ᬢᭀᬳᬫᬲᬓᬾᬯ᭄ᬭᬸᬄᬘᬸᬧᬶᬢ᭄ᬦ᭄ᬢᭀᬳᬤᬶ
᭟᭐᭟ᬓᬢᬗ᭄ᬲᭂᬳᬦ᭄ᬳᬦᬾᬗ᭄ᬭᬜ᭄ᬚᬶᬂᬓᬬᭀᬕ᭄ᬬᬦ᭄᭞ᬢᬦ᭄ᬓᬢ᭄ᬕᬸᬮ᭄ᬯᭂᬦᭂᬗᬾᬮᬶᬓ᭄᭞ᬳᬸᬕᬶᬤᬸᬓᬾᬗᬭᬧ᭄᭞ᬢᬦ᭄ᬲᬓᬶᬂᬫᬫ᭄ᬭᬶᬄᬨᬮ᭞ᬳᭂᬦ᭄ᬢᭀᬓᬢᬗ᭄ᬲᭂᬳᬂᬚᬢᬶ᭞
ᬫᬳᭀᬢ᭄ᬢᬫ᭞ᬭᬶᬂᬲᬢ᭄ᬯᬶᬓᬦ᭄ᬢᭀᬗᬭᬜ᭄ᬚᬶᬂ᭟᭐᭟ᬓᬢᬗ᭄ᬲᭂᬳᬦ᭄ᬦᬾᬓᬕᬭᬧ᭄ᬕᬶᬬᭂᬢ᭄ᬲᬳᬢ᭄᭞ᬭᬾᬄᬗᬦᬹᬢᬵᬗ᭄ᬓᬭᬩᬸᬤ᭄ᬥᬶ᭞ᬫᬶᬯᬄᬓᬫᭂᬮ᭄ᬤᬦ᭄᭞ᬦ᭄ᬢᭀᬫᬤᬦ᭄ᬓᬢ
ᬗ᭄ᬲᭂᬳᬦ᭄᭞ᬭᬚᬲᬶᬓᬦ᭄ᬢᭀᬗᬭᬜ᭄ᬚᬶᬂ᭞ᬓᬤ᭄ᬭᭀᬧᭀᬦᬦ᭄᭞ᬧᬗᬶᬜ᭄ᬘᬕ᭄ᬲᬶᬤ᭄ᬥᬫᬶᬓᭀᬮᬶᬄ᭟᭐᭟ᬓᬢᬗ᭄ᬲᭂᬳᬦ᭄ᬦᬾᬫᬤᬲᬃᬓᬢᬫ᭄ᬩᭂᬢᬦ᭄᭞ᬢᬦᬼᬗᬸᬭᬶᬂᬯ᭄ᬮᬲ
[᭑᭑᭙ 119A]
ᬲᬶᬄ᭞ᬓᬵᬮᬦᬶᬂᬫᬓᬵᬃᬬ᭄ᬬ᭞ᬢᬦ᭄ᬗᬯᬶᬮᬂᬯᬰᬩᬦ᭄ᬜ᭞ᬩ᭄ᬕᬯᬾᬧᭀᬘᭀᬮ᭄ᬗᬯᬾᬲᬓᬶᬢ᭄᭞ᬢᭂᬦᬾᬦᬦᬓ᭄᭞ᬦ᭄ᬢᭀᬢᬫᬲᬓᬳᬤᬦᬶᬦ᭄᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟᭐᭟
ᬲᬂᬩᬾᬩᬲ᭄ᬭᬶᬂᬩᬸᬤ᭄ᬥᬶᬳᬓᬸ᭞ᬭᬶᬓᬵᬮᬩᬵᬦᬾᬫᬧᬓᬃᬤ᭄ᬥᬶ᭞ᬲᬥᬸᬤᭂᬕ᭄ᬤᭂᬕ᭄ᬭᬶᬂᬚ᭄ᬜᬦ᭞ᬢᬦ᭄ᬤᭀᬗ᭄ᬲᬵᬓ᭄ᬧᭀᬘᭀᬮ᭄ᬫᬩᬢᬶ᭞ᬢ᭄ᬯᬭᬫᬢ᭄ᬕᬸᬮ᭄ᬭᬶᬂᬓᬵᬃᬬ᭄ᬬ᭞ᬦ᭄ᬢᭀᬳᬩᬄᬲᬢ᭄ᬯᬶᬓ
ᬳᬤᬶ᭟᭐᭟ᬲᬂᬫᬓᬵᬃᬬ᭄ᬬᬳᬦᬾᬦᬸᬭᬸᬢ᭄᭞ᬧᬳᬶᬤᬭᬸᬲ᭄ᬤᭀᬢ᭄ᬧ᭄ᬭᬶᬄ᭞ᬗᬢ᭄ᬕᬢ᭄ᬫᬭᬶᬂᬨᬓᬵᬃᬬ᭄ᬬ᭞ᬮᭀᬪᬜᬗ᭄ᬓᬮᬤᬸᬃᬩᬸᬤ᭄ᬥᬶ᭞ᬤᬤᬶᬧᬜ᭄ᬚᬓ᭄ᬱᬸᬓᬤᬸᬄᬓ᭞ᬦ᭄ᬢᭀᬭᬚᬲ
ᬓᬤᬦᬶᬦ᭄᭟᭐᭟ᬲᬂᬫᬓᬵᬃᬬ᭄ᬬᬲᬓᬶᬂᬮᬶᬩᬸᬢ᭄᭞ᬲᭀᬫ᭄ᬩᭀᬂᬢᬸᬃᬢᬦ᭄ᬫᬦᬹᬢᬶᬦ᭄ᬤᬶᬓ᭄᭞ᬮᬶᬜᭀᬓ᭄ᬘᬭᬄᬮᬸᬤᬶᬦ᭄ᬕᭂᬢᬧ᭄᭞ᬗᭂᬓᭀᬳᬶᬩ᭄ᬘᭂᬕ᭄ᬫ᭄ᬭᬲᬓ᭄ᬢᬶᬮ᭄᭞ᬤ᭄ᬫᭂᬦ᭄ᬦᬶᬦ᭄ᬤᬦᬶᬦ᭄ᬤ
Page:Bali-lontar-paparikan-bagawadgita-350ppi.pdf/119
Jump to navigation
Jump to search
This page has been proofread.
