[᭑᭑᭗ 117B]
᭑᭑᭗
ᬬ᭄ᬬ᭞ᬳᬶᬗ᭄ᬕ᭄ᬬᬦ᭄ᬦᬾᬢ᭄ᬯᬭᬗ᭄ᬮᬾᬤᬗᬶᬦ᭄᭞ᬳᬸᬕᬶᬢᬸᬯᬭ᭞ᬢ᭄ᬕᬮ᭄ᬓᬵᬃᬬ᭄ᬬᬦᬾᬜᬸᬦᬶᬦ᭄᭟᭐᭟ᬦᬗ᭄ᬳᬶᬂᬲᬸᬮᬶᬢ᭄ᬩᬾᬩᬲ᭄ᬭᬶᬂᬳᬸᬢ᭄ᬲᬳᬓᬵᬃᬬ᭄ᬬ᭞ᬫᬋᬧ᭄ᬭᬶᬂᬧᬭᬚᬦ᭄ᬫᬶ᭞ᬬᬤ᭄ᬬ
ᬜ᭄ᬚᬫᬓᬵᬃᬬ᭄ᬬ᭞ᬦᬗ᭄ᬳᬶᬂᬬᬦ᭄ᬢᬦ᭄ᬫ᭄ᬭᬶᬄᬨᬮ᭞ᬫᬋᬧ᭄ᬭᬶᬂᬲᬃᬯ᭄ᬯᬧᬓᬃᬤ᭄ᬥᬶ᭞ᬳᭂᬦ᭄ᬢᭀᬳᬸᬢ᭄ᬢᬫ᭞ᬦ᭄ᬢᭀᬲ᭄ᬓᭂᬦ᭄ᬓᬲᭂᬗ᭄ᬕᬸᬄᬢ᭄ᬬᬕᬶ᭟᭐᭟ᬲᬸᬓᬤᬸᬄᬓᬮᬦ᭄ᬧᬜᬫ᭄ᬧᬸᬄᬲᬸᬓᬤᬸᬄᬓ᭞
ᬢᬶᬕᬂᬧᬯᭀᬲ᭄ᬲᬸᬩᬧᬲ᭄ᬢᬶ᭞ᬳᬦᬾᬓᬧᬸᬧᬸᬯᬂ᭞ᬭᬶᬓᬵᬮᬳᬶᬤᬸᬧ᭄ᬮᬦ᭄ᬧ᭄ᬚᬄ᭞ᬫᬋᬧ᭄ᬭᬶᬂᬲᬂᬳᬦ᭄ᬢ᭄ᬬᬕᬶ᭞ᬦᬗ᭄ᬳᬶᬂᬢ᭄ᬯᬭ᭞ᬳᭂᬦ᭄ᬢᭀᬳᬶᬤᬲᬂᬲᬫ᭄ᬦ᭄ᬬᬬᬶᬦ᭄᭟᭐᭟ᬥᬹᬄᬆᬃᬚ᭄ᬚᬸ
ᬦᬲᬢ᭄ᬯᬦ᭄ᬩᭂᬮᬶᬦᬾᬧᬶᬋᬗᬂ᭞ᬧᬜ᭄ᬘᬓᬭᬡᬦ᭄ᬢᭀᬳᬤᬶ᭞ᬗ᭄ᬕᬾᬦ᭄ᬫᬫᬸᬧᬸᬢ᭄ᬓᬵᬃᬬ᭄ᬬ᭞ᬲᬓᬜ᭄ᬘᬦᬸᬢ᭄ᬲᬳᬓᬵᬃᬬ᭄ᬬ᭞ᬓᬶᬦᬸᬘᬧ᭄ᬭᬶᬂᬲᬗ᭄ᬓ᭄ᬬᬳᬤᬶ᭞ᬫᬮᬶᬄᬧᬶᬋᬗᬂ᭞ᬧᬶᬤᬃ
[᭑᭑᭘ 118A]
ᬣᬦ᭄ᬜᬲᬶᬓᬶᬲᬶᬓᬶ᭟᭐᭟ᬓᬧ᭄ᬭᬢᬫᬦ᭄ᬢᭀᬳᬶᬲ᭄ᬢᬸᬓᬰᬭᬶᬭ᭞ᬲᬂᬭᬲᬦᬾᬓᬧᬶᬂᬓᬮᬶᬄ᭞ᬮᬦᬶᬲᬃᬯ᭄ᬯᬾᬦ᭄ᬤ᭄ᬭᬶᬬ᭞ᬧᬶᬦᬓᬓ᭄ᬭᬶᬬᬧ᭄ᬭᬫᬦ᭞ᬲᬗ᭄ᬓᬦ᭄ᬧ᭄ᬭᬫᬦᬦᬾᬗ᭄ᬭᬶ
ᬧᬶᬢ᭄᭞ᬦᬾᬓᬧᬶᬂᬮᬶᬫ᭞ᬢᬦ᭄ᬮ᭄ᬬᬦ᭄ᬫᬢ᭄ᬕᭂᬲ᭄ᬬᭀᬩᬶ᭟᭐᭟ᬬᬤ᭄ᬬᬦᬧᬲᭀᬮᬳᬾᬢᬦᬾᬓᬕᬭᬧ᭄᭞ᬤᬶᬚᬕᬢ᭄ᬫᬵᬦᬸᬱᬵᬤᬶᬦᬶ᭞ᬢᭀᬮᬶᬄᬳᬶᬢ᭄ᬭᬶᬓᬬ᭞ᬲᬂᬤᬾᬯᬾ
ᬓ᭄ᬫᬸᬜᬶᬮ᭄ᬫᬦᬄ᭞ᬬᬤ᭄ᬬᬦ᭄ᬓᬯᭀᬦ᭄ᬬᬤ᭄ᬬᬦ᭄ᬩᭂᬘᬶᬓ᭄᭞ᬳᭂᬦ᭄ᬢᭀᬦᬾᬧᬜ᭄ᬘ᭞ᬤᬤᬶᬓ᭄ᬭᬫᬦ᭄ᬜᬦᬾᬧᬲ᭄ᬢᬶ᭟᭐᭟ᬓᬯ᭄ᬭᬸᬳᬾᬦᬾᬗᬃᬢ᭄ᬬᬲᬂᬚᬷᬯ᭞ᬳᬤᬤᬶᬓᬜ᭄ᬘᬦ᭄ᬲᬗᬸᬭᬶ
ᬧ᭄᭞ᬦᬗ᭄ᬳᬶᬂᬫᬩᬶᬦᬬᬦ᭄᭞ᬯᬶᬭᬾᬄᬲ᭄ᬓᭂᬦ᭄ᬩᭂᬮᬲ᭄ᬩᭂᬮᬲ᭄᭞ᬓᬯ᭄ᬭᬸᬳᬾᬓᬾᬢᭀᬳᬤᬶ᭞ᬳᭂᬦ᭄ᬢᭀᬭᬚᬲ᭞ᬫ᭄ᬮᬳᬗᬤᬶᬦᬫ᭄ᬧᬾᬦᬶᬦ᭄᭟᭐᭟ᬓᬯ᭄ᬭᬸᬳᬾᬩᬦ᭄ᬢᬲ
Page:Bali-lontar-paparikan-bagawadgita-350ppi.pdf/118
Jump to navigation
Jump to search
This page has been proofread.
