[᭘ 8B]
᭘
ᬦ᭄᭞ᬧᬸᬦᬂᬘᬢᬸᬃᬢᬦ᭄ᬤᬫᬦ᭄ᬢ᭄ᬭᬶᬬ᭟᭐᭟ᬭᬓ᭄ᬭᬶᬬᬦ᭄ᬧᬢᬶᬄᬓᬺᬢᬘᬶᬢ᭄ᬢ᭞ᬢᬸᬘᬧᬰᬷᬖ᭄ᬭᬯᬸᬲ᭄ᬧ᭄ᬭᬧ᭄ᬢᬶ᭞ᬧ᭄ᬭᬬᬳᬦᬗ᭄ᬓᬶᬮ᭄ᬭᬶᬂᬲᬪ᭞ᬓᬧᬗ᭄ᬕᬶᬄᬢᬂᬢᬦ᭄ᬤᬫᬦ᭄ᬢ᭄ᬭᬷ᭞ᬧᬥᬳᬢᬢᬾᬂᬮᬶᬗ᭄ᬕᬶᬄ᭞ᬭᬶᬂᬲᭀᬭᬶᬂᬢᬗ᭄ᬕᬸᬮᬶᬓᬢᬸᬃ
᭞ᬤᬤᬶᬲᬶᬭᬳᬢᬢᬜ᭞ᬲᬧ᭄ᬭᬬᭀᬚᬦᬦᬶᬂᬫᬦ᭄ᬢ᭄ᬭᬷ᭞ᬓᬃᬬ᭄ᬬᬳᬾᬲᬸᬓ᭄᭞ᬲᬶᬭᬯᬸᬲ᭄ᬧ᭄ᬭᬧ᭄ᬢᬲᬤᬬ᭟᭐᭟ᬲᭂᬤᭂᬂᬢᬦ᭄ᬤᬗᬸᬘᬧ᭄᭞ᬫᬶᬚᬶᬮ᭄ᬲᬶᬭᬰ᭄ᬭᬷᬪᬹᬧᬢᬶ᭞ᬚᬸᬫ᭄ᬮᬕᬦᬾᬂᬕᭀᬧᬸᬭ᭞
ᬮ᭄ᬯᬶᬃᬲᬹᬃᬬ᭄ᬬᬯᬳᬸᬉᬫᬶᬚᬶᬮ᭄᭞ᬪ᭄ᬲ᭄ᬯᬭᬲᭂᬂᬦᬶᬂᬭᬳᬶ᭞ᬫᬃᬥᬯᬲᬸᬂᬲᬸᬂᬦᬶᬂᬤᬸᬮᬸ᭞ᬤᬤᬶᬲᬫ᭄ᬬᬭᬫ᭄ᬬᬤ᭄ᬬᬫ᭄᭞ᬢᬦᬦᬯᬦᬶᬳᬫᬸᬫᬶᬓ᭄᭞ᬲᬳᬦᬦᬶᬂᬧᬭᬢᬳᬤᬶᬫᬦ᭄ᬢ᭄ᬭᬶᬬ᭟᭐᭟ᬓᬾᬯᬮᬰ᭄ᬭᬷᬦ
ᬭᬦᬵᬣ᭞ᬲᬲ᭄ᬫᬶᬢᬦᬫ᭄ᬩ᭄ᬭᬫᬾᬂᬮᬶᬭᬶᬂ᭞ᬦᬸᬮᬶᬲᬶᬭᬤᬦᬸᬫᬸᬗ᭄ᬕᬄ᭞ᬳᬮᬶᬗ᭄ᬕᬶᬄᬭᬶᬂᬲᬶᬗ᭄ᬳᬫᬡᬶᬓ᭄᭞ᬲᬃᬯ᭄ᬯᬶᬳᬗᬸᬘᬧ᭄ᬭᬶᬂᬫᬦ᭄ᬢ᭄ᬭᬷ᭞ᬮᬄᬲᬫ᭄ᬬᬳᬢᬢᬮᬸᬗ᭄ᬕᬸᬄ᭞ᬲᬶᬭᬧᬢᬶᬄᬳᬯᭀᬢ᭄ᬲ᭄ᬓᬃ᭞ᬢ᭄ᬓᬾᬂ
[᭙ 9A]
ᬘᬢᬸᬃᬢᬦ᭄ᬥᬫᬦ᭄ᬢ᭄ᬭᬷ᭞ᬳᬢᭀᬢ᭄ᬲᬦ᭄ᬢᬸᬦ᭄᭞ᬲᬫᬳᬗᬶᬮᬶᬗᬶᬧᬺᬡᬄ᭟᭐᭟ᬧᭂᬧᭂᬓ᭄ᬱᬂᬧᬭᬤᬶᬫᬦ᭄ᬢ᭄ᬭᬶᬬ᭞ᬲᬸᬫᬾᬳᬰ᭄ᬭᬷᬦᬭᬧᬢᬶ᭞ᬪᬲ᭄ᬯᬭᬅᬪ᭄ᬭᬤᬶᬓᬵᬭ᭞ᬯᬃᬡ᭄ᬦᬦᬶᬂᬧᬭᬤᬶᬫᬦ᭄ᬢ᭄ᬭᬶ᭞ᬤᬾᬦᬶᬂᬲᬃ
ᬯ᭄ᬯᬭᬵᬢ᭄ᬦᬵᬤᬶ᭞ᬲᬸᬫᭂᬂᬲᬸᬢᬾᬚᬕᬸᬫᬸᬭᬸᬄ᭞ᬳᬘᬶᬦᬂᬢᬂᬧᬗᬲ᭄ᬢ᭄ᬭᬶᬬᬦ᭄᭞ᬢᬶᬦᭂᬫ᭄ᬧᬸᬄᬓ᭄ᬭᬫ᭄ᬦᬶᬂᬭᬯᬶ᭞ᬅᬪ᭄ᬭᬫᬸᬭᬸᬩ᭄᭞ᬮ᭄ᬯᬶᬃᬕᬦ᭄ᬤᬃᬯ᭄ᬯᬲᬫᬸᬤᬬ᭟᭐᭟ᬤᬤᬶᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬮ᭄ᬯᬶᬃᬅᬃᬘ᭄ᬙᬓᬦᬓ
ᬫᬡᬶᬓ᭄᭞ᬮᬫᬢᬸᬫᬸᬗ᭄ᬓᬸᬮ᭄ᬢᬦ᭄ᬧᭀᬚᬃ᭞ᬲ᭄ᬯᬪᬯᬢᬦ᭄ᬓᬬᬾᬂᬮᬕᬶ᭞ᬳᬶᬭᬶᬓᬭᬓ᭄ᬭᬶᬬᬦ᭄ᬧᬢᬶᬄ᭞ᬉᬫᬗ᭄ᬓᬲᬗ᭄ᬓᬲᬸᬫᬢᬸᬃ᭞ᬲᬤᬭᬳᬮᭀᬦ᭄ᬫᬃᬤᬯ᭞ᬘᬾᬱ᭄ᬝᬵᬓᬵᬭᬳᬗᬾᬦᬓᬶ᭞ᬧᬦ᭄ᬯᬸᬲ᭄ᬯ᭄ᬭᬸᬄ᭞ᬳᬶᬗ᭄ᬕᬶ
ᬢᬰ᭄ᬭᬷᬫᬳᬵᬭᬵᬚ᭟᭐᭟ᬧᬸᬓᬸᬮᬸᬦ᭄ᬰ᭄ᬭᬷᬪᬹᬫᬶᬦᬵᬣ᭞ᬓ᭄ᬱᬦ᭄ᬢᬩ᭄ᬬᬧᬝᬶᬓ᭄ᬦᬺᬧᬢᬶ᭞ᬭᬶᬧᬵᬤᬤ᭄ᬯᬬᬦᬭᬾᬦ᭄ᬤ᭄ᬭ᭞ᬬᬦ᭄ᬯᭀᬦ᭄ᬢᭂᬦ᭄ᬲᬸᬗ᭄ᬓᬯᬾᬂᬳᬺᬤᬶ᭞ᬧᬦ᭄ᬮᬶᬯᬃᬫᬸᬤᬧᬶᬗ᭄ᬕᬶᬂ᭞ᬲᬸᬫᬾᬯᬭᬶᬚᭂᬂᬧᬸᬓᬸ
Page:Bali-lontar-gaguritan-wiryya-guna-a-300ppi.pdf/9
Jump to navigation
Jump to search
This page has been proofread.
