[᭗ 7B]
᭗
ᬦ᭄ᬤᬄᬓᬵᬤᬶᬩᬶᬦᬚ᭄ᬭ᭞ᬳᬺᬤᬬᬰ᭄ᬭᬷᬦᬭᬧᬢᬶ᭞ᬧᬶᬦᬜ᭄ᬚᭂᬫᭂᬂᬫᬥᬦᬵᬲ᭄ᬢ᭄ᬭ᭞ᬤᬤᬶᬲᬶᬭᬯᬸᬗ᭄ᬯᬵᬕ᭄ᬮᬶᬲ᭄᭞ᬓᬤᬶᬓᬓ᭄ᬦᬦ᭄ᬭᬲ᭄ᬫᬶᬦ᭄᭞ᬯᬶᬦᬵᬰᬓᬸᬂᬮᬸᬮᬸᬢ᭄᭞ᬢᬦ᭄ᬤ᭄ᬯᬢᬶᬩᬾᬂᬲᬸᬂᬰᬬᬦ᭞ᬭᬸᬫᬲᬭᬲᬭᬶᬂᬳᬺᬤᬶ᭞
ᬲᬗᬳᬬᬸ᭞ᬧᬶᬦᬓᬫᬸᬲ᭄ᬢᬶᬦᬶᬂᬘᬶᬢ᭄ᬢ᭟᭐᭟ᬳᬦᬸᬮᬶᬲᬶᬭᬭᬸᬫᬗᭃ᭞ᬰᬩ᭄ᬤᬓᬢᬫᬶᬢᬸᬢᬸᬭᬶ᭞ᬭᬶᬕᬢᬶᬦᬶᬓᬂᬲ᭄ᬯᬧ᭄ᬦ᭞ᬪᬬᬧᬗ᭄ᬤᬦᬶᬂᬯᬶᬥᬸ᭞ᬢᬸᬫᬸᬤᬸᬄᬰ᭄ᬭᬷᬪᬸᬧᬢᬶ᭞ᬲᬸᬫᭂᬂᬩᬶᬗᬃᬭᬶᬂᬯᬥᬦ
ᬭᬹᬫ᭄᭞ᬫ᭄ᬯᬂᬓᬶᬦᭀᬦ᭄ᬬᬢ᭄ᬦᬾᬂᬉᬮᬄ᭞ᬫᬶᬗᭂᬢᬶᬗᭂᬢ᭄ᬭᬶᬂᬓᬤᬤᬶᬦ᭄᭞ᬮᬶᬂᬳ᭄ᬬᬂᬢᬸᬤᬸᬄ᭞ᬭᬲᬶᬓᬫᬸᬮ᭄ᬯᬦᬶᬂᬓᬃᬫ᭄ᬫ᭟᭐᭟ᬲᬵᬓ᭄ᬱᬡᬓᬵᬤᬶᬲᬸᬫ᭄ᬓᬃ᭞ᬳᬺᬤᬬᬰ᭄ᬭᬷᬦᬭᬧᬢᬶ᭞ᬲᬸᬫᭂᬂᬩᬶᬗᬃᬭᬶᬂᬯᬥᬦ
᭞ᬕᬶᬦ᭄ᬬᬕ᭄ᬯᬂᬕ᭄ᬯᬂᬳᬕ᭄ᬯᬢᬗᬶ᭞ᬦᬸᬮ᭄ᬬᬳᬦᬩ᭄ᬤᬳᬭᬶᬲ᭄᭞ᬬᬾᬓᬶᬢᬓᬓᬲᬶᬄᬳᬶᬗ᭄ᬲᬸᬦ᭄᭞ᬮᬄᬬᬚᬬᬰᬭᬡ᭞ᬫᬗ᭄ᬓᬾᬫᬗ᭄ᬓᬢ᭄ᬤᬾᬦᬕ᭄ᬮᬶᬲ᭄᭞ᬉᬦ᭄ᬤᬗᬦᬘᬢᬸᬃᬢᬦ᭄ᬤᬫᬦ᭄ᬢ᭄ᬭᬶᬦᬶᬗ᭄ᬯᬂ᭟᭐᭟ᬧᬸᬜ᭄ᬚ
[᭘ 8A]
ᬬᬰᬭᬡᬫᬗ᭄ᬓᬢ᭄᭞ᬢᬦ᭄ᬯᬶᬦᬃᬡ᭄ᬦᬳᬦᬾᬂᬕᬢᬶ᭞ᬲᬂᬦᬵᬣᬦ᭄ᬤᬢᬦᬦᬶᬤ᭄ᬭ᭞ᬦᬸᬮ᭄ᬬᬳᬲᬫ᭄ᬩᬂᬲᬵᬫᬤᬶ᭞ᬫᬗ᭄ᬮᬷᬮᬮᬷᬮᬾᬂᬳᬢᬶ᭞ᬢᬦ᭄ᬲᬄᬳᬶᬦ᭄ᬭᬤᬦᬾᬂᬢᬦᬸ᭞ᬳᬬᬸᬦᬶᬂᬭᬵᬢ᭄ᬦᬓᬡ᭄ᬬ᭞ᬕᬸᬫ
ᬦ᭄ᬢᬸᬂᬢᬸᬂᬢᬸᬗᬶᬂᬮᬶᬭᬶᬂ᭞ᬤᬤᬶᬲᬶᬭᬉᬫᬶᬓᭂᬢᬶᬓᭂᬢ᭄ᬧᬮᬫ᭄ᬩᬂ᭟᭐᭟ᬲᬵᬓ᭄ᬱᬡᬯᬢᬲ᭄ᬓᬫᬦ᭄ᬢ᭄ᬬᬦ᭄᭞ᬭᬫ᭄ᬬᬓᬂᬫᬦᬸᬓᬸᬫᬸᬦᬶ᭞ᬳᬸᬫᬶᬩᭂᬃᬳᬦᬾᬂᬉᬤ᭄ᬬᬦ᭞ᬓᬂᬫᬦ᭄ᬤᬫᬭᬸᬢᬫᬶᬭᬶᬃ᭞ᬲᬸᬫᬃᬕᬦ᭄ᬥᬦᬶᬂᬲ
ᬭᬷ᭞ᬳᬲᬯᬸᬭᬦᬼᬗᭂᬗᬭᬹᬫ᭄᭞ᬦᬭᬾᬦ᭄ᬤ᭄ᬭᬤᬦᬢᬗᬶᬲ᭄᭞ᬳᬦ᭄ᬤᬤᬓᬕ᭄ᬬᬮᬸᬫᬭᬶᬲ᭄᭞ᬦᬸᬮᬶᬫᬦ᭄ᬢᬸᬓ᭄᭞ᬳᬮᬶᬗ᭄ᬕᬶᬄᬭᬶᬂᬲᬶᬗ᭄ᬳᬵᬲᬦ᭟᭐᭟ᬉᬘᬧᬓᬾᬜ᭄ᬚᬬᬰᬭᬡ᭞ᬰᬷᬖ᭄ᬭᬧ᭄ᬭᬧ᭄ᬢᬯᬸᬲ᭄ᬓᬂᬦᬾ
ᬭᬶᬂ᭞ᬲᬶᬭᬭᬓ᭄ᬭᬶᬬᬜ᭄ᬘᬢᬸᬃᬢᬦ᭄ᬤ᭞ᬚᬸᬫᭀᬚᭀᬕ᭄ᬭᬶᬂᬯᬶᬚᬶᬮ᭄ᬓᬢ᭄ᬭᬶᬦᬶ᭞ᬳᬗᬦ᭄ᬢ᭄ᬬᬓᬵᬮᬤᬾᬰᬶ᭞ᬉᬫᬾᬭᬚ᭄ᬜᬵᬰ᭄ᬭᬷᬳᬳᬸᬮᬸᬦ᭄᭞ᬧᬸᬦ᭄ᬤᬬᬰᬭᬡᬦᭂᬫ᭄ᬩᬄ᭞ᬉᬫᬢᬸᬃᬭᬶᬂᬰ᭄ᬭᬷᬦᬭᬧᬢᬶ᭞ᬧ᭄ᬭᬧ᭄ᬢᬲᬵᬫ᭄ᬧᬸ
Page:Bali-lontar-gaguritan-wiryya-guna-a-300ppi.pdf/8
Jump to navigation
Jump to search
This page has been proofread.
