[᭗᭗ 77B]
᭗᭗
ᬳᬢᬸᬃᬭᬶᬂᬦᬺᬧᬢᬶ᭞ᬲᬶᬤ᭄ᬥᬧᬗᬮ᭄ᬧᬶᬓ᭞ᬭᬵᬦᬓ᭄ᬱ᭄ᬳ᭄ᬭᬷᬦᬭᬾᬦ᭄ᬤ᭄ᬭ᭞ᬓᬢ᭄ᬓᬾᬂᬧᬭᬤᬶᬧᬢᬶ᭞ᬯᬸᬲ᭄ᬪᬓ᭄ᬢ᭄ᬬᬦᬶᬯ᭄ᬬ᭞ᬭᬶᬚᭂᬂᬦᬵᬓ᭄ᬦᬺᬧᬢᬶ᭟᭐᭟ᬫᬗ᭄ᬓᬳᬢᬸᬃᬲᬗᬧᬢᬄᬧᬤ᭄ᬫᬦᬵᬪ᭞ᬳᬶᬭᬶᬓᬰ᭄ᬭᬷᬪᬹᬧ
ᬢᬶ᭞ᬦᬵᬣᬾᬂᬅᬦ᭄ᬢᬧᬸᬭ᭞ᬲᬃᬚ᭄ᬚᬯᬳᬦᬯᬸᬃᬬ᭄ᬬ᭞ᬳᬶᬄᬓᬶᬢᬭᬓ᭄ᬭᬶᬬᬦᬧᬢᬶᬄ᭞ᬢᬦ᭄ᬲᬸᬫᬨᬮ᭞ᬕᬢᬶᬦ᭄ᬢᬳᬫᬶᬦ᭄ᬢᬓᬵᬲᬶᬄ᭟᭐᭟ᬓᬢᬸᬳ᭄ᬯᬦᬦᬓᬶᬗ᭄ᬯᬂᬯᬶᬲ᭄ᬧᬶᬦᬮᬫ᭄ᬧᬄ᭞ᬤᬾᬲᬂᬫᬳᬵ
ᬪᬹᬧᬢᬶ᭞ᬭᬅᬗ᭄ᬕᬤ᭄ᬯᬶᬧ᭞ᬬᬾᬓᬶᬰ᭄ᬭᬷᬯᬷᬃᬬ᭄ᬬᬕᬸᬡ᭞ᬏᬜ᭄ᬚᬂᬧᬯᬶᬯᬳᬦᬾᬓᬶ᭞ᬦᬸᬪᬬᬳᬶᬢ᭞ᬧᬭᬦ᭄ᬫᬮᬶᬄᬮᬶᬂᬫᬫᬶ᭟᭐᭟ᬰᬷᬖ᭄ᬭᬲᬯᬸᬃᬤᬸᬃᬩᬸᬤ᭄ᬥᬶᬢᬺᬄᬫᬃᬥᬯ᭞ᬑᬁᬲᬚ᭄ᬜᬵᬰ᭄ᬭᬷᬪᬹᬧᬢᬶ᭞ᬲᬂ
ᬭᬵᬚᬤᬶᬭᬵᬚ᭞ᬪᬝᬵᬭᬾᬂᬅᬦ᭄ᬢᬧᬸᬭ᭞ᬓ᭄ᬱᬦ᭄ᬢᬯ᭄ᬬᬵᬢᬸᬃᬧᬝᬶᬓ᭄ᬳᬚᬷ᭞ᬢᬦ᭄ᬲᬗ᭄ᬓᬾᬮᬗ᭄ᬖ᭄ᬬ᭞ᬭᬶᬚᭂᬂᬫᬳᬵᬪᬹᬧᬢᬶ᭟᭐᭟ᬯᬸᬲ᭄ᬓᬮᬸᬫ᭄ᬩ᭄ᬭᬄᬧ᭄ᬭᬢᬧᬰ᭄ᬭᬷᬦᬭᬦᬵᬣ᭞ᬯᬷᬃᬬ᭄ᬬᬫᬦ᭄ᬢᬲᬸᬰᬓ᭄ᬢᬶ᭞ᬥᬃᬫ᭄ᬫᬾᬱ᭄ᬝᬶᬕᬸᬦᬯ
[᭗᭘ 78A]
ᬯᬵᬦ᭄᭞ᬧ᭄ᬭᬚ᭄ᬜᬾᬂᬕᬶᬢᬰᬵᬲ᭄ᬢ᭄ᬭᬵᬚ᭄ᬜᬵ᭞ᬳᬗ᭄ᬕᬓᬵᬭᬢᬦ᭄ᬧᬲᬶᬭᬶᬂ᭞ᬳᬗᬶᬦᬓᬶᬭᬵᬢ᭄᭞ᬮ᭄ᬯᬶᬃᬲᬂᬳ᭄ᬬᬂᬥᬃᬫ᭄ᬫᬫᬹᬃᬢ᭄ᬢᬶ᭟᭐᭟ᬦ᭄ᬤᬦ᭄ᬭᬶᬂᬫᬗ᭄ᬓᬾᬭᬶᬦᬲᬕᬢᬶᬦᬭᬾᬦ᭄ᬤ᭄ᬭ᭞ᬓᬤᬶᬮᭀᬮ᭄ᬬᬦᬺᬧᬢᬶ᭞ᬭᬶᬂᬥᬃᬫ᭄ᬫᬰᬵ
ᬲᬦ᭞ᬦᬶᬭᬲᬂᬫᬳᬵᬃᬤ᭄ᬥᬶᬓ᭞ᬓᬰᬸᬭᬸᬲᬗᬸᬪᬬᬦᬶ᭞ᬧᬫᬶᬦ᭄ᬢᬦᬶᬭ᭞ᬰ᭄ᬭᬷᬳᬚᬷᬅᬗ᭄ᬕᬧᬸᬭᬷ᭟᭐᭟ᬧᬦ᭄ᬲᭀᬮᬳᬶᬂᬧᬸᬢ᭄ᬭᬷᬳᬤᬶᬉᬢ᭄ᬢᬫᬾᬂᬲᬭᬵᬢ᭄᭞ᬯᬶᬦᬭᬂᬭᬶᬂᬧᬭᬵᬚᬷ᭞ᬯᭂᬢ᭄ᬯᬾᬲ᭄ᬯᬬᬫ᭄ᬩᬭ᭞ᬢᬶ
ᬦᬸᬓ᭄ᬯᬾᬂᬧ᭄ᬭᬂᬳᬤ᭄ᬪᬸᬢ᭞ᬳᬧᬕᬸᬤᬶᬯ᭄ᬬᬵᬲ᭄ᬢ᭄ᬭᬮᬸᬗᬶᬤ᭄᭞ᬓᬵᬗ᭄ᬓᭂᬦ᭄ᬧᬲᬚ᭄ᬬᬫ᭄ᬯᬮᬶᬓ᭄ᬭᬫᬲᬸᬧᬸᬢ᭄ᬭᬶ᭟᭐᭟ᬦᬶᬱ᭄ᬝᬦ᭄ᬬᬳᬗ᭄ᬳᬶᬂᬫᬗ᭄ᬓᬾᬦ᭄ᬤᬢᬦ᭄ᬧᬯᬸᬃᬬ᭄ᬬᬦ᭄᭞ᬳᬸᬤᬾᬰᬰ᭄ᬭᬷᬪᬹᬧᬢᬶ᭞ᬦᬶᬃᬧᬗᬮᭀᬘᬶᬢ᭄ᬢ᭞ᬗ᭄ᬳᬶᬂᬢᬦᬸ
ᬦ᭄ᬲᬓᬶᬂᬧᬦᬶᬦ᭄ᬥ᭞ᬧᬦ᭄ᬬᬾᬓᬶᬧᬝᬶᬓ᭄ᬦᬺᬧᬢᬶ᭞ᬓᭂᬤ᭄ᬯᬳᬫ᭄ᬭᬶᬳ᭞ᬲ᭄ᬯᬲ᭄ᬢᬰ᭄ᬭᬷᬪᬹᬧᬢᬶ᭟᭐᭟ᬭᬾᬄᬦᬶᬂᬳᬦᬰ᭄ᬭᬷᬪᬝᬵᬭᬧᬤ᭄ᬫᬦᬵᬪ᭞ᬳᬦᬶᬦ᭄ᬤ᭄ᬬᬘᬢ᭄ᬭᬦᬶᬂᬪᬹᬫᬶ᭞ᬲ᭄ᬥᭂᬂᬧᬭᬰ᭄ᬭᬬᬦ᭄᭞ᬮ᭄ᬯᬶᬃᬢᬦ᭄ᬤᬶᬭᬳᬢᭂᬩ
Page:Bali-lontar-gaguritan-wiryya-guna-a-300ppi.pdf/78
Jump to navigation
Jump to search
This page has been proofread.
