[᭗᭖ 76B]
᭗᭖
ᬳᬵᬬᬢᬶ᭞ᬢᬦ᭄ᬩᭂᬲᬳᬦᬩ᭄ᬤ᭞ᬢᬦ᭄ᬧᬾᬮᬶᬄᬢᬗ᭄ᬕᬸᬳᬶᬭ᭞ᬳᬦ᭄ᬢ᭄ᬬᬦ᭄ᬢᬳᭀᬲᭃᬓ᭄ᬭᬶᬂᬳᬢᬶ᭞ᬤᬤᬶᬳᬗ᭄ᬮᬫ᭄ᬧ᭄ᬯ᭞ᬢᬸᬫᬥᬄᬲᬶᬄᬦᬶᬂᬯᬶᬥᬶ᭟᭐᭟ᬢᬦ᭄ᬓᬯᬃᬡ᭄ᬦᬧᬶᬢᬸᬢᬸᬭᬶᬭᬲᬂᬤ᭄ᬯᬶᬚ᭞
ᬓᬸᬦᬂᬭᬓ᭄ᬭᬶᬬᬦ᭄ᬤᬸᬃᬩᬸᬤ᭄ᬥᬶ᭞ᬲᬂᬮᬸᬯᬓᬸᬤᬸᬢ᭞ᬓᬸᬦ᭄ᬥᬭᬳᬲ᭄ᬬᬗᬢᭂᬭ᭞ᬫᬗ᭄ᬓᬾᬯᬸᬲ᭄ᬧ᭄ᬭᬧ᭄ᬢᬾᬂᬦᬵᬕᬭᬷ᭞ᬰ᭄ᬭᬷᬦᬭᬦᬵᬣ᭞ᬲᬓᬶᬂᬏᬜ᭄ᬚᬶᬂᬢᬶᬦᬗ᭄ᬓᬶᬮ᭄᭟᭐᭟ᬳᬓᬮᬶᬳᬦ᭄ᬮᬦ᭄ᬰ᭄ᬭᬷᬳᬚᬶᬯᬶᬃ
ᬬ᭄ᬬᬕᬸᬡ᭞ᬧᭂᬧᭂᬓ᭄ᬱᬓᬤᬂᬫᬦ᭄ᬢ᭄ᬭᬷ᭞ᬳᬢᬢᬾᬂᬯᬢᬗᬦ᭄᭞ᬧᬥᬭᬹᬧᬤᬶᬓᬵᬭ᭞ᬫᬗ᭄ᬕᬮᬲᬶᬭᬤ᭄ᬯᬶᬚᬋᬱᬶ᭞ᬰᬹᬦ᭄ᬬᬯᬶᬪᬯ᭞ᬰ᭄ᬭᬷᬮᬷᬮᬧᬭᬫᬋᬱᬶ᭟᭐᭟ᬓᬧᬸᬳᬦ᭄ᬢ᭄ᬯᬲᬶᬭᬧᬢᬶᬄᬧᬤ᭄ᬫᬦᬵ
ᬪ᭞ᬫᬸᬮᬢ᭄ᬯᬃᬡ᭄ᬦᬰ᭄ᬭᬷᬳᬚᬷ᭞ᬦᬵᬣᬾᬂᬅᬦ᭄ᬢᬧᬸᬭ᭞ᬚᬮᬲᬶᬤ᭄ᬥ᭄ᬬᬤᬶᬭᬵᬚ᭞ᬲᬂᬮ᭄ᬯᬶᬃᬮᬶᬗ᭄ᬕᬫᬡᬶᬓ᭄᭞ᬅᬪ᭄ᬭᬓᬮᬗᬦ᭄᭞ᬲ᭄ᬯᬪᬯᬰ᭄ᬭᬷᬪᬹᬧᬢᬶ᭟᭐᭟ᬯᬸᬲ᭄ᬧᬶᬦᬫ᭄ᬯᬶᬢᬓᭂᬦ᭄ᬤᬾᬓᬸᬦ᭄ᬥᬭᬳᬵ
[᭗᭗ 77A]
ᬲ᭄ᬬ᭞ᬲᬶᬦᬾᬗᬦ᭄ᬲᬂᬳᬧᬢᬶᬄ᭞ᬲᬶᬦᬸᬂᬧᬢᬭᬦ᭞ᬓ᭄ᬭᬶᬬᬦ᭄ᬤᬸᬃᬩᬸᬤ᭄ᬥᬶᬗᬦ᭄ᬤᬧ᭄᭞ᬧ᭄ᬭᬦᬵᬣᬦ᭄ᬤᬢᬦ᭄ᬕᬶᬕᬶᬲᬶᬦ᭄᭞ᬲᭀᬮᬄᬦᬶᬃᬪᬬ᭞ᬫᬵᬢᬸᬃᬭᬶᬚᭂᬂᬦᬺᬧᬢᬶ᭟᭐᭟ᬲᬶᬗ᭄ᬕᬶᬄᬧᬸᬓᬸᬮᬸᬦᭀᬯᬤᬸᬓᬰ᭄ᬭᬷᬪᬹᬫᬶᬦᬵᬣ
ᬓᬯᬸᬮᬧᬸᬦ᭄ᬤᬸᬃᬩᬸᬤ᭄ᬥᬶ᭞ᬓᬶᬦᭀᬦᬸᬫᬋᬓ᭞ᬤᬾᬭᬵᬦᬓ᭄ᬧ᭄ᬭᬫᬾᬰ᭄ᬯᬭ᭞ᬪᬝᬵᬭᬾᬂᬧᬤ᭄ᬫᬦᬵᬕᬭᬷ᭞ᬲᬸᬫᭂᬫ᭄ᬩᬳᬦ᭞ᬰᭀᬓᬭᬵᬦᬓ᭄ᬦᬺᬧᬢᬶ᭟᭐᭟ᬳᬫᬮᬫ᭄ᬧᬄᬦᬸᬕ᭄ᬭᬳᬰ᭄ᬭᬷᬫᬳᬵᬭᬵᬚ᭟ᬲᬶᬭᬵ
ᬦ᭄ᬓᬧᬤᬸᬓᬵᬳᬚᬷ᭞ᬳᬫᬶᬦ᭄ᬢᬾᬗᬸᬪᬬᬦ᭄᭞ᬳᬫᬶᬦ᭄ᬢᬾᬗᬸᬪᬬᬦ᭄᭞ᬢᬸᬫᬸᬮᬸᬲ᭄ᬲᬶᬄᬦᬭᬾᬦ᭄ᬤ᭄ᬭ᭞ᬲᬶᬭᬲᬂᬰ᭄ᬭᬷᬭᬵᬚᬱᬸᬢ᭄ᬭᬷ᭞ᬓᬸᬲᬸᬫᬲᬃᬬ᭄ᬬ᭞ᬢᬶᬦᬥᬄᬭᬵᬦᬓ᭄ᬳᬚᬷ᭟᭐᭟ᬫᬓᬖᬭᬧᬢ᭄ᬦᬶᬦᬶᬭᬦᬭᬦᬵᬣ᭞ᬭᭀᬃᬯ
ᬦᬫᬗ᭄ᬓᬸᬪᬹᬫᬶ᭞ᬫᬓᬘᬢ᭄ᬭᬦᬶᬂᬭᬵᬢ᭄᭞ᬲᬮ᭄ᬯᬦᬶᬂᬧᬤ᭄ᬫᬦᬵᬪ᭞ᬬᬦ᭄ᬧᬲᬸᬗᬰ᭄ᬭᬷᬪᬹᬧᬢᬶ᭞᭞ᬭᬵᬦᬓ᭄ᬱᬂᬦᬵᬣ᭞ᬫᬃᬧ᭄ᬧᬦᬓᭂᬦ᭄ᬫᬵᬲ᭄ᬫᬡᬶᬓ᭄᭟᭐᭟ᬲᬓᭂᬫ᭄ᬩᬗᬶᬂᬦᬵᬕᬭᬭᬶᬂᬧᬤ᭄ᬫᬦᬵᬪ᭞ᬓ
Page:Bali-lontar-gaguritan-wiryya-guna-a-300ppi.pdf/77
Jump to navigation
Jump to search
This page has been proofread.
