[᭖᭑ 61B]
᭖᭑
ᬭᬸᬫᭂᬗᭃᬲᬦᬸᬤᬾᬰ᭞ᬰ᭄ᬭᬷᬫᬳᬵᬧᬦ᭄ᬥ᭄ᬬᬭᬶᬓᬫᬶ᭞ᬮᬶᬦ᭄ᬢᬂᬳᬬᬸ᭞ᬭᬓ᭄ᬯᬢᬦ᭄ᬲᬫᬾᬂᬪᬯᬦ᭟᭐᭟ᬢᬦ᭄ᬲᬓᬾᬂᬮᬗ᭄ᬖ᭄ᬬᬭᬵᬦᬓ᭄ᬳ᭄ᬬᬂ᭞ᬲᬸᬫᭂᬫ᭄ᬩᬄᬫᬵᬤᬫᬳᬵᬋᬱᬶ᭞ᬓᬋᬗᭃᬭᬓ᭄ᬬᬾᬂ
ᬉᬰᬵᬦ᭞ᬘᬭᬶᬢᬤ᭄ᬬᬄᬲᬢ᭄ᬬᬯᬢᬶ᭞ᬓᬤᬶᬮᬶᬂᬲᬂᬲᬶᬤ᭄ᬥᬋᬱᬶ᭞ᬭᬶᬦᬲᬤᬾᬭᬵᬦᬓᭂᬫ᭄ᬧᬸ᭞ᬲᬶᬭᬲᬂᬓᬯᬷᬰ᭄ᬯᬭ᭞ᬭᬸᬫᭂᬗ᭄ᬕᬋᬗ᭄ᬕᬭᬶᬂᬓᬯᬶ᭞ᬪᬲᬮᬗᬸ᭞ᬳᬗ᭄ᬤᬾᬋᬘᭂᬧᬶᬂᬧᬮᬫ᭄ᬩᬂ᭟
᭐᭟ᬲᬶᬭᬲᬸᬫᬯᬸᬃᬲᬂᬧᬦ᭄ᬥ᭄ᬬ᭞ᬥᬸᬄᬳᬦ᭄ᬰ᭄ᬭᬷᬦᬭᬧᬢᬶ᭞ᬤᬸᬭᬦ᭄ᬓᬤᬶᬗᭀᬩ᭄ᬭᬵᬳ᭄ᬫᬋᬱ᭄ᬬ᭞ᬫᬶᬢ᭄ᬬᬯᬢᬬᬦᬭᬶᬳᬚᬶ᭞ᬢᬦ᭄ᬧᬕᬸᬕᬸᬬ᭄ᬯᬓᬫᬶ᭞ᬳᬯᬭᬄᬭᬶᬲᬗ᭄ᬳᬳᬸᬮᬸᬦ᭄᭞ᬮᬄᬳᬶᬗ᭄ᬓᬾ
ᬦᬾᬧᬋᬓ᭞ᬲᬸᬦ᭄ᬯᬾᬄᬦᬸᬕ᭄ᬭᬳᬭᬶᬳᬚᬷ᭞ᬤᬾᬦ᭄ᬓᬤᬸᬮᬸ᭞ᬲᬮ᭄ᬯᬦᬶᬂᬪᬹᬫᬶᬫᬦ᭄ᬤᬮ᭟᭐᭟ᬫᬋᬓ᭄ᬱᬂᬰ᭄ᬭᬷᬪᬯᬫᬹᬃᬢ᭄ᬢ᭄ᬬ᭞ᬳᬗᬶᬲᬧ᭄ᬫᬸᬓᬦᬺᬧᬢᬶ᭞ᬤᬾᬦᬶᬲᬂᬲᬶᬤ᭄ᬥᬧᬦ᭄ᬥ᭄ᬬ᭞ᬢᬦ
[᭖᭒ 62A]
ᬤ᭄ᬯᬦᬸᬕ᭄ᬭᬳᬋᬱᬶ᭞ᬓᬢᭀᬦ᭄ᬢᬂᬲᬃᬯ᭄ᬯᬪᬹᬫᬶ᭞ᬭᬶᬗᬋᬧᬶᬭᬲᬂᬧ᭄ᬭᬪᬸ᭞ᬰᬾᬱᬦᬶᬂᬳᬦ᭄ᬤᬮᭀᬓ᭞ᬫᬓᬵᬤᬶᬲᬂᬰ᭄ᬭᬷᬦᬶᬂᬫᬡᬶᬓ᭄᭞ᬳᬫᬶᬦ᭄ᬤᬾᬂᬪᬹᬄ᭞ᬲᬲᭀᬮᬳᬶᬭᬓᬢ᭄ᬬᬓ᭄ᬱ᭟᭐᭟
ᬓᬢᭀᬦ᭄ᬤᬾᬰ᭄ᬭᬷᬦᬭᬦᬵᬣ᭞ᬳᬧᬋᬓᬋᬧ᭄ᬦᬺᬧᬢᬶ᭞ᬢᬸᬳᬸᬮᬶᬂᬲᬂᬲᬶᬤ᭄ᬥᬧᬦ᭄ᬥ᭄ᬬ᭞ᬓᬕᬢ᭄ᬕᬢ᭄ᬭᬲᬦᬶᬂᬳᬢᬶ᭞ᬫᬍᬢᬶᬓ᭄ᬢᬂᬭᬭᬲ᭄ᬳᬢᬶ᭞ᬳᬯᬶᬢ᭄ᬭᬵᬕᬲ᭄ᬫᬭᬾᬂᬢᬦᬸ᭞ᬯᬯᬂᬳᬗ᭄ᬮᬸᬂᬢᬸᬭᬶᬤ᭞
ᬳᬭᭀᬦ᭄ᬮᬸᬮᬸᬢᬸᬦᭂᬂᬫᬲᬶᬄ᭞ᬳᬓᭂᬫ᭄ᬩᬂᬳ᭄ᬬᬸᬦ᭄᭞ᬳᬯᬄᬭᬶᬫᬂᬓᬪᬲ᭄ᬫᬭᬦ᭄᭟᭐᭟ᬢᬸᬯᬸᬄᬦᬶᬂᬭᬵᬕᬭᬶᬂᬘᬶᬢ᭄ᬢ᭞ᬳᬗᬤᭂᬕ᭄ᬭᬶᬚ᭄ᬭᭀᬦᬶᬂᬳᬢᬶ᭞ᬓᬵᬤ᭄ᬬᬧᬸᬬ᭄ᬲ᭄ᬤᭂᬂᬤᬸᬫᬶᬮᬄ᭞ᬕᭂᬲᭂᬂᬳᬺᬤᬬ
ᬦᬺᬧᬢᬶ᭞ᬲᬶᬦᬧᬸᬢᬶᬂᬓᬸᬦᬸᬂᬩ᭄ᬭᬦ᭄ᬢᬶ᭞ᬍᬂᬍᬂᬲᬶᬭᬲᬗ᭄ᬳᬳᬸᬮᬸᬦ᭄᭞ᬳᬓ᭄ᬘᬧ᭄ᬮᬦᬸᬫᭂᬳᬄ᭞ᬮᬶᬗᬶᬭᬲᬂᬲᬶᬤ᭄ᬥᬋᬱᬶ᭞ᬫᬧᬦᬓᬸ᭞ᬳᬦᬓᬤᬶᬯᬭᬄᬳᬶᬗ᭄ᬯᬂ᭟᭐᭟ᬲᬂᬦᬵᬣᬢᬦ᭄ᬯ᭄ᬭᬸᬄᬳᬗᬸᬘ
Page:Bali-lontar-gaguritan-wiryya-guna-a-300ppi.pdf/62
Jump to navigation
Jump to search
This page has been proofread.
