[᭖᭐ 60B]
᭖᭐
ᬳᬶᬓᬦᬺᬧᬢᬶ᭞ᬦᬭᬾᬦ᭄ᬤ᭄ᬭᬰᬷᬖ᭄ᬭᬲᬸᬫᬯᬸᬃ᭞ᬲᬶᬗ᭄ᬕᬶᬄᬲᬵᬚ᭄ᬜᬵᬧᬗᭂᬫ᭄ᬧ᭄ᬯᬦ᭄᭞ᬧᬸᬦᬶᬓᬧᬝᬶᬓ᭄ᬫᬳᬵᬋᬱᬶ᭞ᬓᬂᬲᬧᬸᬮᬸᬄ᭞ᬥᬭᬭᬵᬦᬓ᭄ᬫᬳᬵᬧᬦ᭄ᬥ᭄ᬬ᭟᭐᭟ᬗ᭄ᬤᬶᬂᬮᬶᬯᬢ᭄ᬫᬸᬤ᭄ᬥᬯᬶᬭᬹ
ᬧ᭞ᬫᬾᬲᭂᬫ᭄ᬲᬶᬭᬲᬂᬲᬶᬤ᭄ᬥᬋᬱᬶ᭞ᬳᬶᬄᬳᬬᬸᬳᬬ᭄ᬯᬦᬓᬶᬗᭀᬂ᭞ᬰᬺᬗ᭄ᬕᬭᬯᬶᬮᬶᬲᬩᬗ᭄ᬓᬶᬢ᭄᭞ᬲ᭄ᬥᭂᬂᬤᬾᬦᬶᬂᬓᬶᬦᬲᬶᬄ᭞ᬗ᭄ᬳᬶᬂᬳᬦᬧᬯᬤᬦᬶᬧᬸᬦ᭄᭞ᬦ᭄ᬤᬦ᭄ᬓ᭄ᬱᬫᬓᭂᬦᭀᬯᬗᬾᬭᬦ᭄᭞
ᬢᬦ᭄ᬲᬓᬾᬂᬳᬦᬶᬦ᭄ᬥᬓᬫᬶ᭞ᬤᬾᬦᬶᬂᬳᬶᬧᬸᬦ᭄᭞ᬳᬦᬶᬯᬶᬧ᭄ᬭᬪᬸᬯᬸᬃᬬ᭄ᬬᬯᬦ᭄᭟᭐᭟ᬲᬸᬩᬮᬕᬸᬡᬤᬶᬓᬭ᭞ᬧ᭄ᬭᬓᭀᬰᬓᬚ᭄ᬭᬶᬳᬶᬂᬳᬭᬶ᭞ᬓᬺᬢᬯᬭᬲᬶᬤ᭄ᬥᬶᬯᬓ᭄ᬬ᭞ᬬᬳᬶᬓᬧᬳᬶᬦ᭄ᬬ
ᬓᬶᬥᬶᬓ᭄᭞ᬢᬸᬦᬕᬸᬡᬓᬭᬰ᭄ᬫᬶᬦ᭄᭞ᬦᬶᬃᬯᬳᬫᭂᬗ᭄ᬓᬸᬓᬧ᭄ᬭᬪᭀᬦ᭄᭞ᬫᬓᬵᬃᬤ᭄ᬥᬦᬭᬾᬭᬰ᭄ᬯᬃᬬ᭞ᬦ᭄ᬤᬦᬦᬓᬢᭀᬦ᭄ᬤᬾᬫᬫᬶ᭞ᬧᬸᬢ᭄ᬭᬷᬳᬬᬸ᭞ᬳᬦᬭᬶᬂᬅᬦ᭄ᬢᬭᬵᬕᬭ᭟᭐᭟
[᭖᭑ 61A]
ᬲ᭄ᬥᭂᬂᬫᬓᬧ᭄ᬭᬫᬾᬲ᭄ᬯᬃᬬ᭄ᬬ᭞ᬭᭀᬯᬗᬶᬂᬳᬜᬓ᭄ᬭᬪᬹᬫᬶ᭞ᬧᬸᬢ᭄ᬭᬷᬲᬂᬚᬮᬲᬶᬥ᭄ᬥ᭄ᬬ᭞ᬧᬢ᭄ᬭᬤ᭄ᬬᬄᬓᬸᬲᬸᬫᬲᬭᬷ᭞ᬢᬦᬦᬳᬦᬶᬭᬶᬗᬶ᭞ᬭᬶᬂᬭᬹᬧᬕᬸᬡ᭞ᬬᬸᬦᬸᬮᬸᬲ᭄᭞ᬢᬦ᭄ᬓᭂᬦᬳᬶᬗᬸᬧᬫ᭞
ᬢᬸᬳᬸᬳ᭄ᬬᬂᬳ᭄ᬬᬂᬦᬶᬂᬦᬵᬕᬭᬷ᭞ᬳᬯᬄᬭᬹᬫ᭄ᬭᬹᬫ᭄᭞ᬳᬗᬶᬫᬗᬶᬓᬯ᭄ᬬᬫᬃᬡ᭄ᬦ᭟᭐᭟ᬢᬸᬳᬸᬢᬦ᭄ᬳᭂᬦ᭄ᬢᬶᬯᬶᬦᬃᬡ᭄ᬦ᭞ᬯᬶᬦᬶᬫ᭄ᬩᬲᬶᬦᬶᬧ᭄ᬢᬾᬂᬕᬸᬭᬶᬢ᭄᭞ᬢᬦ᭄ᬧᬦ᭄ᬢᬸᬓ᭄ᬱᬂᬓᬯᬶᬭᬵᬚ᭞ᬳᬫᬶ
ᬦ᭄ᬤᬭᬹᬫ᭄ᬦᬗᬸᬢ᭄ᬧᬢᬶ᭞ᬬᬦ᭄ᬲᬶᬭᬓ᭄ᬤᭂᬄᬳᬧ᭄ᬢᬶ᭞ᬓᬸᬫᬯᬶᬫᬾᬄᬭᬸᬩᬸᬄᬭᬸᬕ᭄᭞ᬓᬸᬦᬂᬕᬸᬦᬸᬂᬳᬲᬢ᭄ᬓᬂ᭞ᬭᬵᬢ᭄ᬦᬵᬗ᭄ᬓᬭᬲᬲᭂᬗ᭄ᬓᭂᬭᬶᬂ᭞ᬤᬾᬦ᭄ᬬᬗᬶᬢᬸᬂ᭞ᬢᬦ᭄ᬳᭂᬦ᭄ᬢᬶᬯᬶᬦᬃᬡ᭄ᬦᬾᬂᬕᬶᬢ᭟᭐᭟
ᬫᬗ᭄ᬓᬮᬶᬂᬳ᭄ᬬᬂᬲᬶᬤ᭄ᬥᬧᬫ᭄ᬥ᭄ᬬ᭞ᬰᬷᬖ᭄ᬭᬲᬸᬫᬢᬸᬃᬦᬺᬧᬢᬶ᭞ᬲᬤᬭᭀᬚᬃᬳᬢᭀᬢ᭄ᬲᬶᬦᭀᬫ᭄᭞ᬥᬸᬄᬮᬶᬯᬢ᭄ᬤᬾᬳ᭄ᬬᬂᬫᬳᬵᬋᬱᬶ᭞ᬲᬸᬫᬸᬫ᭄ᬩᬸᬗᬶᬲᬂᬧᬸᬢ᭄ᬭᬷ᭞ᬕᬯᭀᬓ᭄ᬢᭂᬫᭂᬦ᭄ᬭᬵᬦᬓᭂᬫ᭄ᬧᬸ᭞
Page:Bali-lontar-gaguritan-wiryya-guna-a-300ppi.pdf/61
Jump to navigation
Jump to search
This page has been proofread.
