[᭓᭘ 38B]
᭓᭘
᭞ᬓᬂᬭᬹᬧᬫᬓ᭄ᬭᬮᬲᬶᬕ᭞ᬓ᭄ᬭᬹᬭᬤ᭄ᬪᬹᬢᬲᬶᬭᬫᬸᬲ᭄ᬢᬶ᭞ᬤᬦ᭄ᬤᬦᬮᬯᬶᬱᬕ᭄ᬦᬶ᭞ᬧ᭄ᬭᬓᭀᬧᬳᬜ᭄ᬚᬬᬰᬢ᭄ᬭᬸ᭞ᬳᬕ᭄ᬮᬸᬂᬘᬦ᭄ᬤᬶᬋᬩᬄ᭞ᬲᬶᬦᭂᬫ᭄ᬩᬃᬓᭀᬫᬮᬵᬕ᭄ᬦᬶ᭞ᬅᬪ᭄ᬭᬫᬸᬭᬸᬩ᭄᭞ᬮ᭄ᬯᬶᬃᬤ᭄ᬭᬶᬧᬘᬓ
ᬫᬸᬦ᭄ᬢᬩ᭄᭟᭐᭟ᬳᬦᬸᬮᬶᬇᬰ᭄ᬯᬭᬵᬦ᭄ᬢᬓ᭞ᬳᬦᬸᬗ᭄ᬕᬗᬶᬭᬢᬫᬡᬶᬓ᭄᭞ᬳᬧᬬᬸᬂᬲ᭄ᬯᬾᬢᬯᬶᬦᬃᬡ᭄ᬦ᭞ᬮ᭄ᬯᬶᬭᬫ᭄ᬩᬸᬤᬰᬸᬤ᭄ᬥᬧᬸᬢᬶᬄ᭞ᬤ᭄ᬯᬚᬧᬶᬗᬾᬢᬶᬦᬸᬮᬶᬲ᭄᭞ᬧᬶᬦ᭄ᬤᬵᬫᬺᬢᬓᬫᬦ᭄ᬤᬮᬸ᭞ᬢᬂᬤᬮᬸ
ᬕ᭄ᬤᬕᬗ᭄ᬮᬩ᭄᭞ᬥᬸᬄᬬᬬᬓ᭄ᬤᬧᬶᬂᬢᬢᬶᬢ᭄᭞ᬳᬕ᭄ᬮᬸᬂᬓᬸᬭᬸᬂ᭞ᬭᬶᬦᭂᬗ᭄ᬕᬭᬶᬂᬭᬵᬢ᭄ᬦᬫᬸᬮ᭄ᬬ᭟᭐᭟ᬳᬗᬸᬦ᭄ᬤᬩᬚ᭄ᬭᬢᬶᬓ᭄ᬱ᭄ᬡ᭞ᬳᬗᬭᬩᬭᬩᬮᬸᬗᬶᬤ᭄᭞ᬢᬦ᭄ᬧᬾᬦ᭄ᬤᬄᬲᬂᬳ᭄ᬬᬂᬇᬰ᭄ᬯᬭ᭞ᬢᬶᬦᭀᬦ᭄ᬓᬤᬶ
ᬕᬸᬦᬸᬂᬫᬡᬶᬓ᭄᭞ᬭᬶᬂᬳᬸᬦ᭄ᬢᬢᬶᬭᬫᬮᬶᬄ᭞ᬭᬓ᭄ᬭᬶᬬᬦᬧᬢᬶᬄᬮᬸᬫᬓᬸ᭞ᬫᬸᬗ᭄ᬕ᭄ᬯᬶᬂᬤ᭄ᬯᬶᬭᬤᬫᬢ᭄ᬢ᭞ᬳᬦᬫ᭄ᬧᬶᬃᬲ᭄ᬬᬫᭀᬕᬰᬓ᭄ᬢᬶ᭞ᬢᬶᬓ᭄ᬱ᭄ᬡᬫᬸᬭᬸᬩ᭄᭞ᬮ᭄ᬯᬶᬃᬲ᭄ᬬᬸᬗᬶᬂᬓᬵᬮᬦ᭄ᬢᬓ᭟᭐᭟ᬳᬧ
[᭓᭙ 39A]
ᬬᬸᬂᬕᬭᬸᬥᬭᭀᬫ᭞ᬮ᭄ᬯᬶᬃᬚᬮᬤᬭᬳᬗᬮᬶᬄ᭞ᬢᬦ᭄ᬤᬦᬶᬭᬫᬜ᭄ᬘᬯᬃᬡ᭄ᬦ᭞ᬢᬶᬦᬸᬮᬶᬲ᭄ᬬᬫᬤᬶᬧᬢᬶ᭞ᬫᬗᬂᬢᬸᬢᬸᬓ᭄ᬦᬫᬶᬗᬶᬲ᭄᭞ᬓᬸᬫ᭄ᬮᬩ᭄ᬮ᭄ᬯᬶᬃᬓᬵᬮᬫᬺᬢ᭄ᬬ᭞ᬤ᭄ᬯᬚᬦᬶᬭᬲᬶᬦᬸᬭᬵᬢ᭄᭞ᬧᬶᬦᬶ
ᬦ᭄ᬥᬦᬵᬕᬩᬲᬸᬓᬶ᭞ᬅᬪ᭄ᬭᬫᬸᬭᬸᬩ᭄᭞ᬕ᭄ᬮᬸᬗᬶᬭᬓᬓ᭄ᬮᬶᬗᬦ᭄᭟᭐᭟ᬳᬶᬭᬶᬓᬰ᭄ᬭᬷᬯᬶᬃᬬ᭄ᬬᬕᬸᬡ᭞ᬳᬓᬃᬯᬦ᭄ᬭᬢᬫᬶᬭᬶᬂ᭞ᬰ᭄ᬭᬷᬥᬂᬳ᭄ᬬᬂᬰᬹᬦ᭄ᬬᬯᬶᬪᬯ᭞ᬮ᭄ᬯᬶᬃᬲᬹᬃᬬ᭄ᬬᬲᬳᬲ᭄ᬭᬓᭀᬢᬶ᭞ᬲᬸᬫᭂᬗ᭄ᬓᬭᬶᬂᬥᬶ
ᬓ᭄ᬯᬶᬥᬶᬓ᭄᭞ᬪᬲ᭄ᬯᬭᬢᬂᬧᬬᬸᬂᬳᬕᬸᬂ᭞ᬮ᭄ᬯᬶᬃᬲᬹᬃᬬ᭄ᬬᬘᬦ᭄ᬤᬓᭂᬫ᭄ᬩᬃ᭞ᬳᬸᬫᬧᬶᬢ᭄ᬰ᭄ᬭᬷᬦᬭᬧᬢᬶ᭞ᬓᬤᬶᬤᬸᬤᬸᬓ᭄᭞ᬢᬂᬤ᭄ᬯᬚᬳᬸᬫᬭᬶᬂᬩ᭄ᬬᭀᬫ᭟᭐᭟ᬢᬶᬦᬸᬮᬶᬲ᭄ᬦᬵᬕᬤᬶᬭᬵᬚ᭞ᬮᬸᬫᬭᬳᭀᬯᬲᬶᬭᬵᬢᬧᬸ
ᬬ᭄᭞ᬓᬂᬢᬦ᭄ᬥᬅᬪ᭄ᬭᬓᬸᬫ᭄ᬮᬩ᭄᭞ᬢᬶᬦᬸᬮᬶᬲᬶᬂᬧᬤ᭄ᬫᬲᬭᬷ᭞ᬢᬦ᭄ᬧᬾᬦ᭄ᬤᬄᬮᬶᬗ᭄ᬕᬫᬡᬶᬓ᭄᭞ᬯᬬᬯᬦᬶᬭᬲᬂᬧ᭄ᬭᬪᬸ᭞ᬳᬕ᭄ᬮᬸᬂᬘᬦ᭄ᬤᬶᬓᬸᬲᬸᬫ᭞ᬲᬶᬦᭂᬫ᭄ᬩᬭᬶᬭᬩᬚ᭄ᬭᬵᬲ᭄ᬭᬶ᭞ᬮᬸᬫᭃᬂᬫᬸᬭᬸᬩ᭄᭞ᬓᬶᬦᬭᬓ
Page:Bali-lontar-gaguritan-wiryya-guna-a-300ppi.pdf/39
Jump to navigation
Jump to search
This page has been proofread.
