[᭓᭗ 37B]
᭓᭗
ᬯᭀᬂᬮᬸᬫᬫ᭄ᬧᬄ᭞ᬮ᭄ᬯᬶᬃᬕᬸᬦ᭄ᬢᬸᬭᬶᬂᬕᬗ᭄ᬕᬦᬤᬶ᭞ᬳᬸᬂᬦᬶᬂᬢᬸᬗ᭄ᬕᬸᬮ᭄᭞ᬮ᭄ᬯᬶᬃᬕ᭄ᬮᬧ᭄ᬲᬳᬸᬃᬤ᭄ᬥᬫᬦ᭄ᬓ᭄ᬭᬓ᭄᭟᭐᭟ᬮᬭᬧ᭄ᬦᬶᬂᬲᬃᬯ᭄ᬯᬪᬸᬱᬡ᭞ᬮ᭄ᬯᬶᬃᬯᬶᬦ᭄ᬢᬂᬓᬸᬫ᭄ᬭᬫ᭄ᬭᬶᬂᬮᬗᬶᬢ᭄᭞ᬓ᭄ᬜᬭᬶᬂᬲᬃᬯ᭄ᬯᬫᬓᬸᬝᬵ᭞ᬬᬬᬕᬸ
ᬫᬯᬗᬶᬂᬰᬰᬶᬄ᭞ᬘ᭄ᬦᭃᬦᬶᬂᬭᬵᬢ᭄ᬦᬤᬶ᭞ᬢᬶᬦᬧᬶᬂᬕᬭᬸᬥᬫᬸᬗ᭄ᬓᬸᬃ᭞ᬢᬸᬫᬸᬭᬹᬢ᭄ᬮ᭄ᬯᬶᬃᬯᬗ᭄ᬓᬯ᭞ᬓ᭄ᬜᬭᬶᬂᬉᬃᬡ᭄ᬦᬮ᭄ᬯᬶᬃᬢᬢᬶᬢ᭄᭞ᬢᬷᬓ᭄ᬱ᭄ᬡᬫᬸᬭᬸᬩ᭄᭞ᬓ᭄ᬤᬧᬶᬂᬲᬃᬯ᭄ᬯᬤᬶᬯ᭄ᬬᬵᬲ᭄ᬢ᭄ᬭ᭟᭐᭟ᬫᬓᬧᬗᬜ᭄ᬚᬸᬭᬶᬂ
ᬮᬫ᭄ᬧᬄ᭞ᬲᬂᬲᬵᬓ᭄ᬱᬢ᭄ᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬧᬸᬦ᭄ᬭᬓ᭄ᬭᬶᬬᬦ᭄ᬫᬥᬸᬲᬸᬥᬦ᭞ᬧᬶᬗᬋᬧᬶᬭᬦᬺᬧᬢᬶ᭞ᬳᬦᬸᬗ᭄ᬕᬂᬭᬢᬫᬡᬶᬓ᭄᭞ᬧᬶᬦᬢ᭄ᬭᬧᬢ᭄ᬭᬮᬸᬂᬗᬢᬸᬲ᭄᭞ᬘᬶᬦᬯᬶᬘᬯᬶᬭᬶᬂᬫᬵᬲ᭄᭞ᬧᬶᬦᬲᬂ
ᬭᬵᬢ᭄ᬦᬫᬬᬤᬶ᭞ᬳᬯᬸᬯᬸᬄᬭᬹᬫ᭄᭞ᬢᬦ᭄ᬧᬾᬦ᭄ᬤᬄᬅᬤ᭄ᬭᬶᬓᬸᬲᬸᬫ᭟᭐᭟ᬧᬶᬦᬬᬸᬗᬶᬂᬓᬺᬱ᭄ᬡᬵᬫ᭄ᬩᬭ᭞ᬮ᭄ᬯᬶᬃᬚᬮᬤᬗᭂᬫᬸᬭᬶᬭᬶᬲ᭄᭞ᬓ᭄ᬤᬧ᭄ᬦᬶᬂᬤ᭄ᬯᬚᬓᬸᬫ᭄ᬮᬩ᭄᭞ᬢᬶᬦᬸᬮᬶᬲ᭄ᬓᬕᬾᬦ᭄ᬤ᭄ᬭᬧᬢᬶ᭞ᬤ
[᭓᭘ 38A]
ᬮᬸᬕ᭄ᬤᬕ᭄ᬦ᭄ᬬᬳᬗᬧᬶᬢ᭄᭞ᬓᬸᬫ᭄ᬩᬃᬲ᭄ᬦᬶᬂᬕ᭄ᬮᬸᬂ᭞ᬲᬫ᭄ᬦᭃᬅᬪ᭄ᬭᬲᬶᬦᬂ᭞ᬢᬂᬓᬶᬮᬢ᭄ᬩᬳᬸᬓᬯᬾᬢᬶ᭞ᬳᬦ᭄ᬢ᭄ᬬᬦ᭄ᬯᬕᬸᬲ᭄᭞ᬳᬗᬸᬦ᭄ᬤᬘᬓ᭄ᬭᬧ᭄ᬭᬤᬶᬧ᭄ᬢ᭟᭐᭟ᬭᬶᬂᬉᬦ᭄ᬢᬢᬶᬭᬮᬸᬫᬫ᭄ᬧᬄ᭞ᬭᬓ᭄ᬭᬶᬬᬦ᭄ᬲᬸ
ᬢᬤᬾᬯᬲᬲ᭄ᬭᬶ᭞ᬳᬦᬸᬗ᭄ᬕᬗᬸᬭᬢᬲ᭄ᬬᬫ᭞ᬮ᭄ᬯᬶᬃᬫᬳᬵᬤᬾᬯᬗᬸᬢ᭄ᬧᬢᬶ᭞ᬳᬧᬬᬸᬂᬫᬵᬲᬶᬦᬸᬓᬶᬃ᭞ᬫᬸᬂᬢᬸᬗ᭄ᬕᬸᬮᬶᬭᬵᬪ᭄ᬭᬫᬸᬭᬸᬩ᭄᭞ᬢᬶᬦᬸᬮᬶᬲ᭄ᬦᬵᬕᬧᬸᬱ᭄ᬧ᭞ᬕᬸᬫ᭄ᬬᬃᬉᬚ᭄ᬯᬮᬵᬗ᭄ᬮᬭᬧᬶ᭞ᬏᬫ᭄ᬩᭂᬄ
ᬩᬕᬸᬲ᭄᭞ᬗ᭄ᬮᬸᬗᬶᬭᬲᬸᬧᬶᬢᬸᬭᬂ᭟᭐᭟ᬥᬃᬧ᭄ᬧᬳᬗᬸᬦ᭄ᬤᬕᬦ᭄ᬤᬾᬯ᭞ᬤᬶᬯ᭄ᬬᬵᬲ᭄ᬢ᭄ᬭᬧᬵᬰᬫᬶᬦᬸᬲ᭄ᬢᬶ᭞ᬢᬦ᭄ᬧᬾᬦ᭄ᬤᬄᬅᬤ᭄ᬭᬶᬓᬜ᭄ᬘᬦ᭞ᬲ᭄ᬯᬃᬡ᭄ᬦᬦ᭄ᬤᬢᬦ᭄ᬧᬲᬶᬭᬶᬂ᭞ᬭᬶᬉᬦ᭄ᬢᬢᬶᬭᬳᬦᬸᬮᬶ᭞ᬧᬸᬦ᭄ᬤ
ᬢ᭄ᬭᬧᬸᬢ᭄ᬭᬮᬸᬫᬓᬸ᭞ᬳᬦᬸᬗ᭄ᬕᬂᬢ᭄ᬦᬶᬂᬭᬢᬭᬵᬢ᭄ᬦ᭞ᬢᬶᬦᬺᬧᬶᬂᬓᬧᬶᬮᬫᬡᬶᬓ᭄᭞ᬅᬪ᭄ᬭᬫᬸᬭᬸᬩ᭄᭞ᬢᬶᬦᬸᬮᬶᬲᬦ᭄ᬪᬹᬢᬭᬵᬚ᭟᭐᭟ᬳᬧᬬᬸᬂᬲ᭄ᬯᬃᬡ᭄ᬦᬭᬓ᭄ᬢ᭞ᬮ᭄ᬯᬶᬃᬤᬶᬕ᭄ᬤᬳᬳᬗᬺᬱᬺᬱᬶ
Page:Bali-lontar-gaguritan-wiryya-guna-a-300ppi.pdf/38
Jump to navigation
Jump to search
This page has been proofread.
