[᭑᭙ 19B]
᭑᭙
ᬦᬭᬾᬦ᭄ᬤ᭄ᬭ᭞ᬳᬦᬸᬗ᭄ᬕᬂᬕᬚᬭᬢ᭞ᬓᬢ᭄ᬓᬾᬂᬲᬂᬧᬭᬫᬦ᭄ᬢ᭄ᬭᬷ᭞ᬳᬢᬶᬢᬶᬧᬢᬧ᭄᭞ᬳᬸᬫᬶᬭᬶᬂᬰ᭄ᬭᬷᬪᬹᬧᬢᬶ᭟᭐᭟ᬓᬫᬗ᭄ᬕᬮᬧᬸᬦ᭄ᬧᬢᬶᬄᬓᬸᬦ᭄ᬥᬭᬳᬲ᭄ᬬ᭞ᬭᬶᬯᬸᬭᬶᬰ᭄ᬭᬷᬦᬺᬧᬢᬶ᭞ᬳᬮᬸᬗ᭄ᬕᬸᬄᬭᬶᬂᬲ᭄ᬯᬦ᭄ᬤᬦ᭞ᬳ
ᬧᬬᬸᬂᬕᬭᬸᬥᬭᭀᬫ᭞ᬧᬶᬦᬸᬧᬸᬮᬦ᭄ᬭᬶᬂᬧ᭄ᬭᬚᬸᬭᬶᬢ᭄᭞ᬅᬪ᭄ᬭᬳᬲᬶᬦᬂ᭞ᬋᬗ᭄ᬕᬦᬶᬂᬳᬤᬶᬧᬢᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬫᬓᬧᬗᬜ᭄ᬚᬸᬭᬶᬂᬮᬫ᭄ᬧᬄ᭞ᬲᬶᬭᬲᬂᬧᬶᬦᬶᬢ᭄ᬯᬾᬂᬮᬶᬗ᭄ᬕᬶᬄ᭞ᬥᬂᬳ᭄ᬬᬂ
ᬮᬷᬮᬧᬭᬫᬵᬃᬣ᭞ᬦᬶᬃᬫᬮᬰᬸᬤ᭄ᬥᬫᬳ᭄ᬦᬶᬂ᭞ᬘᬬᬳᬲ᭄ᬭᬶᬳᬮᬶᬗ᭄ᬕᬶᬄ᭞ᬭᬶᬂᬤᬫ᭄ᬧᬚᬢᬫᬸᬭᬸᬩ᭄᭞ᬳᬧᬬᬸᬂᬲ᭄ᬯᬾᬢᬯᬃᬡ᭄ᬦ᭞ᬳᬶᬦᬶᬭᬶᬂᬧᬭᬋᬱᬶ᭞ᬰᬸᬤ᭄ᬥᬦᬸᬮᬸᬲ᭄᭞ᬮ᭄ᬯᬶᬃᬲᬂᬩ᭄ᬭᬵᬳ᭄ᬫᬋᬱᬶᬗ᭄ᬕᬡ᭟᭐᭟ᬭᬶ
ᬯᬸᬭᬶᬲᬂᬫᬳᬵᬤ᭄ᬯᬶᬚ᭞ᬢᬸᬫᬸᬮᬶᬤ᭄ᬬᬄᬲᬸᬓ᭄ᬱ᭄ᬫᬲᬭᬷ᭞ᬫᬸᬗ᭄ᬕ᭄ᬯᬂᬤᬫ᭄ᬧᬭᬵᬢ᭄ᬦᬫᬬ᭞ᬳᬧᬬᬸᬂᬓᬦᬓᬯᬶᬮᬶᬲ᭄᭞ᬲᬸᬢᬾᬚᬵᬃᬚᬗᬬᭀᬦᬶᬦ᭄᭞ᬢᬦ᭄ᬧᬾᬦ᭄ᬤᬄᬲᬂᬳ᭄ᬬᬂᬲᬶᬢᬦ᭄ᬲᬸ᭞ᬲᬓᬵ
[᭒᭐ 20A]
ᬮᬳᬰᬭᬷᬭ᭞ᬧᬶᬦᬋᬓ᭄ᬭᬶᬂᬭᬵᬢ᭄ᬦᬯᬶᬦᬶ᭞ᬳᬾᬫ᭄ᬩᬸᬄᬳᬭᬹᬫ᭄᭞ᬮ᭄ᬯᬶᬃᬳ᭄ᬬᬗᬶᬂᬲᬓᬫᬢᬦ᭄᭟᭐᭟ᬭᬶᬢ᭄ᬮᬲᬶᬭᬳᬢᬶᬗ᭄ᬓᬄ᭞ᬧ᭄ᬭᬲᬫᬲᬕ᭄ᬬᬮᬸᬫᬸᬭᬶᬲ᭄᭞ᬮᬸᬫᬫ᭄ᬧᬄᬭᬶᬂᬯ᭄ᬭᬢ᭄ᬫᬭ᭞ᬕᬦ᭄ᬥ
ᬦ᭄ᬬᬲᬸᬫᬃᬫ᭄ᬭᬶᬓ᭄ᬫᬶᬗᬶᬂ᭞ᬧᬥᬕᬃᬚ᭄ᬚᬶᬢᬾᬂᬳᬢᬶ᭞ᬳᬧ᭄ᬢᬮᬸᬗ᭄ᬳᬳᬓᬮᬗᬸᬦ᭄᭞ᬧ᭄ᬭᬧ᭄ᬢᬭᬶᬂᬘᬢᬸᬲ᭄ᬧᬢ᭞ᬓᬘᬸᬦ᭄ᬤᬸᬓ᭄ᬢᬂᬘᬢᬸᬃᬫᬦ᭄ᬢ᭄ᬭᬷ᭞ᬧᬦ᭄ᬢᬶᬦᬸᬤᬸᬄ᭞ᬤᬾᬦᬶᬭᬲᬂᬳ᭄ᬬᬂᬲᬹᬓ᭄ᬱ᭄ᬫ᭟᭐᭟ᬳᬶᬭᬶᬓᬧᬸᬦᬶ
ᬰ᭄ᬯᬭᬵᬦ᭄ᬢᬓ᭞ᬓᬧᬸᬳᬦ᭄ᬭᬸᬫᬲᬾᬂᬳᬢᬶ᭞ᬲᬲᬵᬦᬓᬶᬭᬲᬤᬬ᭞ᬧ᭄ᬭᬲᬫᬦ᭄ᬤᬸᬮᬸᬢᬸᬭᬗ᭄ᬮᬶᬂ᭞ᬕᬃᬚ᭄ᬚᬶᬢᬳᬸᬫᬸᬮᬢᬶ᭞ᬭᬶᬕᬢ᭄ᬭᬦᬶᬭᬲᬂᬳᬭᬹᬫ᭄᭞ᬯᬮᬸᬬᬓᬤᬶᬘᬶᬢ᭄ᬭ᭞ᬲᬂᬫᬓᬧᬭᬦᬶᬂᬳᬾᬲ᭄ᬢᬶ᭞ᬤ
ᬤ᭄ᬬᬲᬶᬭ᭞ᬧ᭄ᬭᬲᬫᬳᬦ᭄ᬤᬤᬓ᭄ᬪᬯ᭟᭐᭟ᬳᬭᬹᬧᬯᭀᬂᬭᬾᬳᬗ᭄ᬯᬦ᭄᭞ᬳᬸᬫᬶᬭᬶᬂᬮᬫ᭄ᬧᬄᬇᬗᬸᬭᬶ᭞ᬲᬃᬯ᭄ᬯᬶᬲᬶᬭᬗᬸᬘᬧᬸᬘᬧ᭄᭞ᬳᬢᬜᬭᬶᬂᬯ᭄ᬯᬂᬳᬗᬶᬭᬶᬂ᭞ᬯᬭᬪᬶᬦᬾᬓᬳᬚᬶ᭞ᬓᬮᬯᬵ
Page:Bali-lontar-gaguritan-wiryya-guna-a-300ppi.pdf/20
Jump to navigation
Jump to search
This page has been proofread.
