[᭑᭘ 18B]
᭑᭘
ᬮᬤᬶ᭟᭐᭟ᬢᬦ᭄ᬯᬃᬡ᭄ᬦᬦᭂᬦ᭄ᬕᬢᬶᬦᬶᬓᬂᬘᬢᬸᬃᬢᬦ᭄ᬤ᭞ᬢᬸᬘᬧᬰ᭄ᬭᬷᬪᬺᬧᬢᬶ᭞ᬗ᭄ᬓᬦᬾᬂᬤ᭄ᬬᬦ᭄ᬢᬧᬸᬭ᭞ᬭᬢᬸᬯᬺᬥᬥᬃᬫ᭄ᬫᬯᬦ᭄᭞ᬲᬸᬬᬰᬫᭀᬮᬶᬳᬶᬂᬓᬷᬃᬢ᭄ᬢᬶ᭞ᬭᬵᬚᬤᬶᬭᬵᬚ᭞ᬉᬧᬾᬓ᭄ᬱᬫᬳᬵ
ᬰᬓ᭄ᬢᬶ᭟᭐᭟ᬓᬸᬦᬂᬲᬶᬭᬫᬓᭀᬢᬸᬗ᭄ᬕᬳᬗ᭄ᬕᬭᬵᬓ᭄ᬱ᭞ᬫᬤᭂᬕᬫᬗ᭄ᬓᬸᬪᬹᬫᬶ᭞ᬧ᭄ᬭᬰᬵᬲ᭄ᬢᬾᬂᬪᬯᬦ᭞ᬧᬢᬶᬄᬓᬸᬦ᭄ᬤᬭᬳᬲ᭄ᬬ᭞ᬧᬦ᭄ᬮᬳᬶᬭᬧᬶᬦᬹᬚᬶ᭞ᬥᬃᬫ᭄ᬫᬲᬸᬰᬷᬮ᭞ᬯᬶᬤᬕ᭄ᬤᬳᬗ᭄ᬮᬸᬲ᭄ᬪᬹᬫᬶ᭟᭐
ᬓ᭄ᬬᬢᬶᬂᬲᬭᬵᬢ᭄ᬲᬂᬤ᭄ᬯᬶᬚᬦᬓᬮᬶᬗ᭄ᬕ᭞ᬫᬓᬵᬕ᭄ᬭᬘᬸᬤᬫᬦᬶ᭞ᬧᬦ᭄ᬮᬳᬶᬭᬾᬂᬭᬵᬢ᭄᭞ᬫ᭄ᬧᬸᬮᬷᬮᬧᬭᬫᬃᬣ᭞ᬧ᭄ᬭᬵᬚ᭄ᬜᬵᬯᬶᬘᬓ᭄ᬱᬡᬾᬂᬳᬚᬶ᭞ᬯᬾᬤᬧᬭᬕ᭞ᬧᬭᬵᬃᬣᬲᬥᬸᬩᬸᬤ᭄ᬥᬶ᭟
᭐᭟ᬚᬶᬢᬾᬦ᭄ᬤ᭄ᬭᬶᬬᬕᬸᬡᬯᬦ᭄ᬓᬳᬲ᭄ᬢᬾᬲ᭄ᬯᬃᬬ᭄ᬬᬦ᭄᭞ᬫᬓᬧᬸᬗ᭄ᬕᬦᬶᬂᬋᬱᬶ᭞ᬩᬳᬸᬰᬶᬱ᭄ᬬᬾᬂᬲᬭᬵᬢ᭄᭞ᬮ᭄ᬯᬶᬃᬪᬕᬯᬵᬦᬗ᭄ᬕᬶᬭ᭞ᬭᬶᬓᬫᬳᬢ᭄ᬫ᭄ᬬᬦ᭄ᬚ᭄ᬜᬵᬦᬲᬶᬤ᭄ᬥᬶ᭞ᬬᬦ᭄ᬭᬶᬂᬓᬧ᭄ᬭᬵᬚ᭄ᬜᬵᬦ᭄᭞ᬮ᭄ᬯᬶᬃᬥᬂᬳ᭄ᬬᬂ
[᭑᭙ 19A]
ᬯᬭᬭᬸᬘᬶ᭟᭐᭟ᬧ᭄ᬭᬧ᭄ᬢᬂᬓᬵᬮᬓᬳᬤᬂᬰ᭄ᬭᬷᬦᬭᬦᬵᬣ᭞ᬳᬫᬮᬶᬧᬹᬚᬾᬂᬧᬸᬢ᭄ᬭᬶ᭞ᬯᬸᬲᬗ᭄ᬭᬚᬲ᭄ᬯᬮ᭞ᬧᬶᬦᬓᬵᬢ᭄ᬫᬚᬦᬶᬭ᭞ᬉᬢ᭄ᬢᬫᬦᬶᬂᬭᬵᬚᬧᬸᬢ᭄ᬭᬶ᭞ᬲᬂᬳᬧᬸᬱ᭄ᬧᬢ᭞ᬤ᭄ᬬᬄᬧᬸᬱ᭄ᬧ
ᬲᬹᬓ᭄ᬱ᭄ᬫᬲᬭᬷ᭟᭐᭟ᬤᬯᬸᬄᬓᬮᬶᬄᬫᬸᬦ᭄ᬬᬲ᭄ᬭᬂᬢᬂᬕᬭᬦ᭄ᬢᬸᬗᬦ᭄᭞ᬕᭀᬂᬕᬸᬩᬃᬕᭂᬦ᭄ᬥᬶᬂᬘᬸᬭᬶᬂ᭞ᬫ᭄ᬯᬂᬩᬾᬭᬶᬫᬺᬤᬗ᭄ᬕ᭞ᬢᬶᬦᬩᬸᬄᬳᬲᬯᬸᬭᬦ᭄᭞ᬲ᭄ᬯᬭᬦ᭄ᬬᬗᭂᬩᭂᬓᬶᬮᬗᬶᬢ᭄᭞ᬦ᭄ᬤᬢᬦ᭄ᬧᬦ᭄ᬢᬭ
᭞ᬫᬦᭀᬳᬭᬵᬢᬶᬦ᭄ᬯᬦᬶ᭟᭐᭟ᬫᬶᬚᬶᬮ᭄ᬲᬶᬭᬰ᭄ᬭᬶᬫᬳᬵᬭᬵᬚᬤᬶᬭᬵᬚ᭞ᬦᬭᬾᬦ᭄ᬤ᭄ᬭᬚᬮᬲᬶᬤ᭄ᬥᬶ᭞ᬲᬗ᭄ᬓᬭᬶᬂᬧᬗᬲ᭄ᬢ᭄ᬭᬶᬬᬦ᭄᭞ᬳᬮᬶᬗ᭄ᬕᬶᬄᬭᬶᬂᬤᬫ᭄ᬧᬫᬵᬲ᭄᭞ᬳᬧᬬᬸᬂᬓᭂᬫ᭄ᬩᬃᬚᭀᬂᬓᬸᬦᬶᬂ᭞ᬓ
ᬤᬶᬯᬗ᭄ᬓᬯ᭞ᬢᬂᬤᬮᬸᬕ᭄ᬤᬕᬗᬧᬶᬢ᭄᭟᭐᭟ᬅᬪ᭄ᬭᬲᬶᬦᬂ᭞ᬲᬳᬦᬲᬂᬫᬸᬦᬶᬯᬭ᭞ᬫᬋᬧᭂᬓᬶᬉᬫᬶᬭᬶᬂ᭞ᬮᬓᬸᬰ᭄ᬭᬷ
Page:Bali-lontar-gaguritan-wiryya-guna-a-300ppi.pdf/19
Jump to navigation
Jump to search
This page has been proofread.
