[᭑᭑᭕ 115B]
᭑᭑᭕
ᬯᬸᬲ᭄ᬧ᭄ᬚᬄ᭟᭐᭟ᬳᭂᬦ᭄ᬢᬶᬕᬯᭀᬓᬶᬂᬢᬸᬫᬶᬗ᭄ᬳᬮ᭄᭞ᬭᬶᬂᬥᬶᬩ᭄ᬬᬰᬓ᭄ᬢᬶᬦᬺᬧᬢᬶ᭞ᬲᬶᬭᬧ᭄ᬭᬪᬸᬯᬷᬃᬬ᭄ᬬᬕᬸᬡ᭞ᬢᬦ᭄ᬲᬫᬲᬫᬾᬂᬪᬹᬧᬢᬶ᭞ᬓᬸᬦᬂᬰ᭄ᬭᬷᬪᬯᬫᬸᬃᬢ᭄ᬢᬶ᭞ᬲᬬᬦ᭄ᬓᬢᬺᬱᬦᬦ᭄ᬤᬸᬮᬸ᭞ᬧ᭄ᬭᬪᬯ
ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬢᬸᬳᬸᬮᬶᬗᬦᬶᬂᬲᬪᬹᬫᬶ᭞ᬧ᭄ᬭᬪᬸᬯᬶᬪᬸᬄ᭞ᬫᬹᬃᬢᬶᬦᬶᬂᬧᬸᬭᬸᬱᭀᬢ᭄ᬢᬫ᭟᭐᭟ᬫᬃᬫ᭄ᬫᬢᬦ᭄ᬓᭂᬦᬳᬶᬗᬾᬢᬂ᭞ᬲᭂᬫ᭄ᬩᬳᬶᬭᬂᬪᬯᬫᬹᬃᬢ᭄ᬢᬶ᭞ᬤᬾᬦᬸᬭᬶᬧ᭄ᬲᬯᬤ᭄ᬯᬦᬶᬭ᭞ᬓᬢ᭄ᬓᬾᬂᬢᬸᬭᬗ᭄ᬕᬳᬲ᭄ᬢᬶ᭞ᬲᬵ
ᬫ᭄ᬧᬸᬃᬡ᭄ᬦᬓᬤᬶᬂᬮᬕᬶ᭞ᬢᬦᬦᬓᬦᬸᬭᬗᬶᬧᬸᬦ᭄᭞ᬳᬶᬭᬶᬓᬰ᭄ᬭᬷᬦᬭᬾᬤ᭄ᬭ᭞ᬯᬷᬃᬬ᭄ᬬᬕᬸᬡᬳᬶᬮᬗ᭄ᬮᬂᬳᬭᬶᬲ᭄᭞ᬳᬧᬶᬢᬸᬢᬸᬃ᭞ᬭᬶᬲᬂᬯᬸᬲ᭄ᬧᬶᬦᬭᬚᬬ᭟᭐᭟ᬥᬸᬄᬭᬭᬶᬰ᭄ᬭᬷᬧᬤ᭄ᬫᬦᬵᬪ᭞ᬭᬸᬗᭀᬦᭂᬦ᭄ᬧᬶ
ᬢᬸᬢᬸᬃᬫᬫᬶ᭞ᬫᬶᬯᬄᬢᬓᬶᬢᬲᬤᬬ᭞ᬳᬧᬢᬶᬄᬭᬶᬂᬧᬤ᭄ᬫᬪᬹᬫᬶ᭞ᬳᬚᬢᬫᬮᬶᬄᬫᬮᬶᬄ᭞ᬮᬸᬫᬓ᭄ᬯᬓᭂᬦᬸᬮᬄᬥᬸᬥᬸ᭞ᬓ᭄ᬤᬭᬩᬜ᭄ᬘᬦ᭞ᬓᬸᬢᬶᬮᬫᬓᬵᬫ᭄ᬩᭂᬓ᭄ᬚᬸᬢᬶ᭞ᬫᭀᬳᬵᬧᬸᬗ᭄ᬕᬸᬂ
[᭑᭑᭖ 116A]
ᬓᬸᬳᬓᬩᬗ᭄ᬕᬕᭃᬂᬓ᭄ᬭᭀᬥ᭟᭐᭟ᬓ᭄ᬭᬫᬦᬶᬂᬳᬗᬤᭂᬕ᭄ᬦᬵᬣ᭞ᬓᬂᬘᬶᬤ᭄ᬥᬳᬫᬗ᭄ᬕᬶᬄᬍᬯᬶᬄ᭞ᬥᬃᬫ᭄ᬫᬚᬸᬕᬓᬂᬓᬮᬓᭀᬦ᭄᭞ᬤᬾᬦ᭄ᬢᭂᬓᭂᬦᬸᬚᬭᬶᬂᬳᬚᬷ᭞ᬢᬦ᭄ᬧᬳᬶᬲᬂᬫᬳᬵᬫᬸᬦᬶ᭞ᬤᬾᬃᬬ᭄ᬬᬤᬭᬓ
ᬭᬶᬂᬢᬸᬢᬸᬃ᭞ᬧᬦ᭄ᬢᬶᬕᬓᬂᬲᭂᬗ᭄ᬕᬄ᭞ᬫᬓᬕᬵᬓᬦᬶᬂᬦᬵᬕᬭᬷ᭞ᬫᬸᬗ᭄ᬕ᭄ᬯᬶᬂᬢᬸᬢᬸᬃ᭞ᬓᬲᬸᬫ᭄ᬩᬸᬂᬳᬭᬦ᭄ᬢ᭄ᬭᬶᬮᬶᬗ᭄ᬕ᭟᭐᭟ᬧᬺᬢᬫᬬᬦ᭄ᬭᬶᬂᬓᬵᬕᬭ᭞ᬓᬶᬢᬧᭀᬮᬶᬗ᭄ᬕᬦᬶᬂᬪᬹᬫᬶ᭞ᬓᬸᬦᬂᬬᬦ᭄ᬯᬦᬳᬘᬮ᭞ᬲᬂᬧᬦ᭄ᬥ᭄ᬬᬮᬶᬗ᭄ᬕ
ᬦᬶᬂᬪᬹᬫᬶ᭞ᬬᬦ᭄ᬭᬶᬂᬲᬃᬯ᭄ᬯᬢᬢ᭄ᬯᬳᬚᬷ᭞ᬕᬸᬳ᭄ᬬᬒᬁᬓᬵᬭᬧᬸᬦᬶᬓᬸ᭞ᬳᬧᬦ᭄ᬢᬦ᭄ᬯᭂᬦᬂᬓᬶᬦᬲ᭄᭞ᬓᬢ᭄ᬭᬶᬦ᭄ᬬᬲᬮᬄᬲᬯᬶᬚᬶ᭞ᬳᬧᬦᬶᬓᬸ᭞ᬫᬓᬤᭀᬦᬦ᭄ᬫᬸᬲᬸᬓ᭟᭐᭟ᬧ᭄ᬭᬶᬄᬧ᭄ᬭᬶᬳᭂᬦ᭄ᬢᬂᬥᬃᬫ᭄ᬫᬫᬃᬕ᭄ᬕ᭞ᬳ
ᬫ᭄ᬩᭂᬓᬸᬮᬄᬳᬬ᭄ᬯᬮᬮᬶ᭞ᬭᬶᬂᬢᬸᬢᬸᬃᬬᭀᬕᬅᬃᬘ᭄ᬙᬦ᭞ᬫᬓᬢᬸᬮᬦᬶᬂᬪᬹᬫᬶ᭞ᬳᬦ᭄ᬢᭂᬢᬶᬂᬰᬵᬲ᭄ᬢ᭄ᬭᬳᬳᬷ᭞ᬦᬶᬢ᭄ᬬᬲᬩᬸᬤ᭄ᬥᬶᬓᬲᬥᬸᬦ᭄᭞ᬰᬷᬮᬳᬫ᭄ᬩᭂᬓ᭄ᬫᬦᭀᬳᬵᬭ᭞ᬰᬩ᭄ᬤᬫᬃᬤ᭄ᬥᬯᬳᬫᬦᬶᬲ᭄᭞ᬳᬸᬮ
Page:Bali-lontar-gaguritan-wiryya-guna-a-300ppi.pdf/116
Jump to navigation
Jump to search
This page has been proofread.
