[᭑᭑᭔ 114B]
᭑᭑᭔
ᬓᬯᬢ᭄ᬤᬾᬦᬶᬂᬰᬦ᭄ᬢᬸᬩᬸᬤ᭄ᬥᬶ᭞ᬫᭀᬖᬦᬘᬶᬢ᭄ᬢᬳᬯ᭄ᬮᬲ᭄᭞ᬳᬦᭀᬦ᭄ᬯᬗ᭄ᬓᬾᬳᬢᬧ᭄ᬢᬶᬢᬶᬧ᭄᭞ᬤᬸᬭᬸᬂᬫᬲᬦ᭄ᬬᬗ᭄ᬫᬲᬶ᭞ᬫᬢᬶᬤᬾᬦᬶᬂᬫᭀᬳᬳᬸᬗ᭄ᬕᬸᬂ᭞ᬳᬸᬭᬰ᭄ᬭᬷᬧᬤ᭄ᬫᬦᬵᬪ᭞ᬧᬦ᭄ᬧᬥᬧᬓᬬᬾᬂᬲ᭄ᬯᬫᬶ᭞ᬫᬍᬲᬦᬲᬶᬄ
ᬥᬦᬰ᭄ᬭᬷᬦᬭᬦᬵᬣ᭟᭐᭟ᬓᬭᬸᬡ᭄ᬬᬚ᭄ᬜᬵᬦᬦᬭᬾᬦ᭄ᬤ᭄ᬭ᭞ᬗᬸᬧᬰᬦ᭄ᬢ᭄ᬯᬳᬗ᭄ᬮᬶᬂᬳᬭᬶᬲ᭄᭞ᬥᬸᬄᬲᬶᬗ᭄ᬕᬶᬄᬲᬵᬚ᭄ᬜᬵᬧᬗᭂᬫ᭄ᬧᭀᬦ᭄᭞ᬢᬸᬮᬸᬗᭂᬦ᭄ᬭᬵᬦᬓ᭄ᬫᬳᬵᬋᬱᬶ᭞ᬦ᭄ᬤᬄᬫᬗ᭄ᬓᭀᬢᭀᬦᭂᬦᬲᬶᬄ᭞ᬥᬂᬕᬸᬭᬸᬫᬭ
ᬭᬶᬂᬳᬶᬗ᭄ᬲᬸᬦ᭄᭞ᬳᬫᬶᬦ᭄ᬢᬤᬶᬯ᭄ᬬᬚ᭄ᬜᬵᬦ᭞ᬫᬳᬵᬫᬺᬢᬳᬗᬸᬭᬶᬧᬶ᭞ᬩᬮᬰᬹᬭᬲᬳᬦᬶᬂᬫᬢ᭄ᬬᬾᬂᬭᬡ᭟᭐᭟ᬰ᭄ᬭᬷᬥᬂᬳ᭄ᬬᬂᬩᬚ᭄ᬭᬵᬢ᭄ᬫᬮᬶᬗ᭄ᬕ᭞ᬦᬯᬸᬭᬶᬦ᭄ᬥᬶᬓᬦᬺᬧᬢᬶ᭞ᬑᬲᬶᬗ᭄ᬕᬶᬄᬲᬵᬚ᭄ᬜᬵᬦᬭᬾᬦ᭄ᬤ᭄ᬭ᭞ᬲᬂ
ᬓᬤᬶᬚᬶᬦᬵᬢ᭄ᬫᬫᬹᬃᬢ᭄ᬢᬶ᭞ᬲᬓᬵᬮᬳᬦᬶᬦ᭄ᬤ᭄ᬬᬾᬂᬪᬹᬫᬶ᭞ᬓᬬᬯᬃᬧᬵᬚ᭄ᬜᬵᬧᬸᬓᬸᬮᬸᬦ᭄᭞ᬢᬸᬮ᭄ᬬᬅᬫᬺᬢᭀᬧᬫ᭞ᬤᬸᬫᬢᭂᬂᬭᬵᬩ᭄ᬭᬵᬳ᭄ᬫᬡᬳᬚᬷ᭞ᬲᬂᬦᬵᬣᬵᬦᬸᬂᬯᬰᬢ᭄ᬬᬾᬂᬢ᭄ᬭᬶᬮᭀᬓ᭟᭐᭟
[᭑᭑᭕ 115A]
ᬓᬤ᭄ᬬᬮᬸᬧᬰ᭄ᬭᬷᬦᬭᬾᬦ᭄ᬤ᭄ᬭ᭞ᬫᬓᬵᬢ᭄ᬫᬭᬵᬓ᭄ᬱᬦᬶᬂᬪᬹᬫᬶ᭞ᬲᬓᬵᬮᬲᬂᬳ᭄ᬬᬂᬦᬶᬂᬲᬭᬵᬢ᭄᭞ᬯ᭄ᬬᬧᬓᬾᬂᬲᬃᬯ᭄ᬯᬤᬸᬫᬤᬶ᭞ᬫᬗ᭄ᬓᬮᬶᬂᬲᬂᬫᬳᬵᬋᬱᬶ᭞ᬫᬾᬗᭂᬢ᭄ᬲᬶᬭᬲᬗ᭄ᬳᬳᬸᬮᬸᬦ᭄᭞ᬗᬹᬦᬶᬳᬦᬳᬦᬸᬕ᭄ᬭᬳ
᭞ᬲᬶᬦᬫ᭄ᬩᬸᬢᬂᬰᬭᬦᬸᬮᬶ᭞ᬲᬶᬥ᭄ᬬᬩᬚ᭄ᬬ᭞ᬲᬵᬫ᭄ᬧᬸᬃᬡ᭄ᬦᬳᬶᬗᬬᬢᬦ᭄᭟᭐᭟ᬢᬶᬦᬸᬚᬸᬢᬸᬚᬸᬭᬶᬂᬢᬯᬂ᭞ᬋᬧ᭄ᬧ᭄ᬭᬧ᭄ᬢᬂᬫᬾᬖᬗᬶᬩᭂᬓᬶ᭞ᬧᬃᬬ᭄ᬬᬦ᭄ᬢᬦᬶᬂᬧᬩ᭄ᬭᬢᬦ᭄᭞ᬯᬶᬦᬢᭂᬓ᭄ᬢᬂᬘᬧᬕ᭄ᬮᬶᬲ᭄᭞ᬧᬰ᭄ᬘᬢ᭄ᬕᬶᬦᬸ
ᬳ᭄ᬬᬾᬂᬳᬺᬤᬶ᭞ᬓᬭᬤᬦᬶᬂᬓᬫᬦ᭄ᬤᬮᬸ᭞ᬍᬧᬲ᭄ᬢᬂᬳᬲ᭄ᬢ᭄ᬭᬢᬷᬓ᭄ᬱ᭄ᬡ᭞ᬓᬸᬫᬶᬮᬧ᭄ᬓᬸᬩ᭄ᬭᬶᬂᬮᬗᬶᬢ᭄᭞ᬓᬤᬶᬫᬺᬢ᭄ᬬ᭞ᬲᬸᬫ᭄ᬦᬭᬶᬂᬦᬵᬪᬲ᭄ᬢᬮ᭟᭐᭟ᬚᬕ᭄ᬧ᭄ᬭᬧ᭄ᬢᬳ᭄ᬬᬂᬤᬶᬯᬭᬹᬧ᭞ᬲᬸᬓ᭄ᬱ᭄ᬫᬫᬶᬲ᭄ᬭᬭᬶᬂᬮᬗᬶᬢ᭄
᭞ᬳᬫᬯᬵᬫᬺᬢᬲᬸᬫᬶᬭᬵᬢ᭄᭞ᬭᬶᬂᬫᬾᬖᬳᬢ᭄ᬫᬄᬭᬶᬭᬶᬲ᭄᭞ᬧ᭄ᬭᬧ᭄ᬢᬂᬧᬯᬦᬫᬶᬭᬶᬃ᭞ᬳᬦᬸᬩᬶᬓᬂᬫᬾᬖᬫᭂᬦ᭄ᬤᬸᬂ᭞ᬲᬸᬫᬃᬫᬺᬢᬩᬸᬓ᭄ᬱᬸᬕᬦ᭄ᬥ᭞ᬲᬸᬫᬶᬭᬫ᭄ᬣᬗ᭄ᬓᬾᬦᬶᬂᬫᬢᬶ᭞ᬤᬤ᭄ᬬᬯᬸᬗᬸ᭞ᬮᬩ᭄ᬤᬚᬷᬯᬲᬂ
Page:Bali-lontar-gaguritan-wiryya-guna-a-300ppi.pdf/115
Jump to navigation
Jump to search
This page has been proofread.
