[᭑᭒ 12B]
᭑᭒
ᬜᬸᬜᬸᬃᬩᬸᬓᬵᬫᬕ᭄ᬮᬶᬘ᭄ᬭᬫ᭄ᬧᬸᬄᬕᬶᬕᬶᬲᬶᬦᬾᬳᬲ᭄ᬫᬸᬓᬸᬦᬶᬂᬧᬓᬵᬭᬶᬂᬡᬶᬂᬢᬢᬳᬦᬾᬫᬢᬸᬦ᭄ᬲᬸᬫᬗ᭄ᬓᬵᬲ᭄ᬜᬶᬗᬾᬫᬲᬯᬂᬫᬥᬸᬫᬸᬜᬶᬦᬾᬫᬓᭂᬫ᭄ᬧ᭄ᬬᬂᬤᬸᬄᬕᬸᬲ᭄ᬢᬶᬫᬲ᭄ᬫᬶᬭᬄᬢᬶᬢ᭄ᬬᬂᬫᬫᬵᬃᬕ᭄ᬕᬶᬫᬗ᭄ᬗᬶᬦ᭄ᬫᬲ᭄ᬫᬶᬭᬄᬲᬫ᭄ᬩᬶᬮ᭄ᬫᬗ᭄ᬮ
ᬗ᭄ᬮᬂᬲᬓᬮᬗᬸᬦ᭄᭞ᬢᬸᬫᬸᬮᬶᬄᬫᬾᬲᭂᬫ᭄ᬦᬾᬳᬶᬲ᭄ᬢ᭄ᬭᬶᬲᬯᬂᬫᬾᬦ᭄ᬤ᭄ᬭᬵᬗᭂᬦᭀᬢ᭄ᬢ᭄ᬭᬸᬡᬦᬾᬩᬕᬸᬲ᭄ᬫᬶᬲᬦᬾᬓᬮᬶᬓ᭄ᬜᬶᬂᬲᬫ᭄ᬩᬶᬮ᭄ᬫᬲᬲᬶᬫ᭄ᬩᬶᬂᬥᬸᬄᬚᬦᬶᬓᭀᬧᬹᬃᬡ᭄ᬦᬫᬾᬂᬧᬢ᭄ᬫᬲᬦ᭄ᬧ᭄ᬭᬵᬤᬳᬦᬾᬜᬮᬸᬓ᭄ᬩ᭄ᬭᬢ᭄ᬣᬵᬫᬸᬚᬵ
ᬲ᭄ᬫᬭᬵᬫᬬᬸᬫᬢᭀᬢᭀᬳᬦ᭄ᬢᬳᬦ᭄ᬫᬬᬸᬩᬸᬮᬦᬾᬓᭂᬧᬗᬦ᭄ᬫᬢᬦ᭄ᬦᬳᬶᬦᬾᬩᬲ᭄ᬫᬦ᭄ᬟᬭᬸ᭟ᬩᬸᬢᬸᬲᬦ᭄ᬲᬕᬾᬢ᭄ᬮᬶᬗ᭄ᬲᬶᬃᬲᬸᬃᬬ᭄ᬬᬦᬾᬳ᭄ᬮᭂᬩ᭄ᬓᬯᬸᬄᬕᬶᬧᬶᬄᬫᬮᬶᬧ᭄ᬢᬦ᭄ᬜᬤᬗᬶᬦ᭄ᬩᬸᬮᬦᬾᬓᬗᬶᬦ᭄ᬓᬢᭀ
ᬦ᭄ᬕ᭄ᬟᬾᬮᬶᬯᬢ᭄ᬲᬦ᭄ᬤᬾᬓᬮᬵᬳᬶᬦ᭄ᬢᬶᬧ᭄ᬜᬵᬩᬸᬮᬦᬾᬧ᭄ᬲᬸᬩᬋᬗᬶᬜᭂᬢ᭄ᬯᬄᬓᬧᬗᬦ᭄ᬢᬭᬸᬡᬦᬾᬳᬫᬸᬯᬸᬲ᭄᭞ᬥᬸᬄᬢᬸᬳᬸᬭᬳᭀᬲ᭄ᬩ᭄ᬮᬶᬜᬳᬶᬮᬫᬦ᭄ᬰᬰᬶᬳᬾᬫᬮᬸᬳᬧᬦ᭄ᬲᬃᬬ᭄ᬬᬦᬶᬸᬮᬬᬄ
[᭑᭓ 13A]
ᬓᬧᬗᬦᬾᬯᬦ᭄ᬢᬄᬲᬮᬶᬤ᭄ᬳᬧᬦ᭄ᬰᬶᬳᬾᬫᬭᬫ᭄ᬩᬂᬧᬦᬶᬍᬫᬦᬾᬩ᭄ᬯᬶᬦ᭄ᬢᭂᬫ᭄ᬩᬸᬃᬳᬧᬦ᭄ᬲᬰᬶᬳᬾᬓᬲᬸᬗ᭄ᬲᬂᬲᬹᬃᬬ᭄ᬬᬦᬾᬲᬫ᭄ᬧᬸᬦ᭄ᬫᬢᬸᬢᬹᬃ᭟ᬬᬓᬾᬩᬳᬸᬲ᭄ᬮᬶᬤ᭄ᬬᬲ᭄ᬢᬸᬦ᭄ᬧ᭄ᬢᭂᬗᭂᬦ᭄ᬧᬦᬮᬶᬓᬦ᭄ᬧᬶᬂᬢ᭄ᬮᬸᬮᬮᬶᬦ᭄ᬢᭀᬕᭀᬂ
ᬦᬸᬕᬶᬮᬫᬸᬦ᭄ᬢᬵᬲᬸᬩᬲ᭄ᬧᬶᬲᬶᬋᬧ᭄ᬭᬭᬾᬢ᭄ᬯᬧᬸᬍᬲ᭄ᬲᬮ᭄ᬯᬶᬃᬭᬶᬫᬩᬬᬸᬬᬓᭀᬩ᭄ᬯᬶᬦ᭄ᬫᬜᬶᬤ᭄ᬭᬢ᭄ᬗᬄᬍᬫᭂᬗᬾᬧᬲ᭄ᬢᬶᬓᬧᬗᬦ᭄ᬢ᭄ᬯᬄᬳᬩᭀᬲ᭄ᬩᭀᬲ᭄ᬯᬮᬸᬬᬢ᭄ᬯᬭᬳᬦᬓ᭄ᬢᬳᬸᬧᬥᬫᬾᬲᭂᬫ᭄ᬭᬭᬶᬲ᭄ᬫᬚᬮᬦ᭄ᬗᬗᬶᬦᬂᬱᬥ
ᬫᬫᭂᬗ᭄ᬕᬢᬂᬧᬚᬮᬦᬾᬫᬤᬸᬮᬸᬃᬩᬸᬓᬵᬤᬶᬢᬸᬮᬶᬲ᭄ᬲᬵᬃᬯ᭄ᬯᬶᬫᬃᬡ᭄ᬦᬵᬲᬓᬵᬮᬗ᭄ᬯᬦ᭄ᬮᬫ᭄ᬧᬢᬾᬫᬗᬦ᭄ᬢᬸᬦ᭄ᬢᬸᬦ᭄ᬮ᭄ᬯᬶᬃᬭᬢᬶᬄᬓᬲᬲᬵᬃᬫᬥᬸᬮᬸᬃᬭᬦ᭄ᬲᬂᬳ᭄ᬬᬂᬲ᭄ᬫᬵᬭᬫᬦ᭄ᬢᬸᬓᬵᬓᬤᬾᬯᬢᬦ᭄ᬗᬶᬭᬶᬂᬠᬠᬭᬶᬦᬾᬤᬶᬧᬸᬗ᭄ᬓᬸᬭ᭄᭟
ᬢᬦ᭄ᬲᬄᬫᬶᬲᬦᬾᬓᬓᬮᬶᬄᬫᬗᬶᬭᬶᬗᬂᬤᬶᬧᬸᬗ᭄ᬓᬸᬃᬦᬾᬧᬸᬢᬶᬄᬮᬜ᭄ᬚᬃᬫᬲᬯᬂᬠᬠᬭᬶᬲᬸᬘᬶᬦᬾᬩᬂᬩᬗ᭄ᬳᬯᬓ᭄ᬲᬤᬵᬮᬤᬧ᭄ᬫᬗᬩᬧᬩ᭄ᬯᬦ᭄ᬤᬶᬧᬸᬗ᭄ᬓᬸᬃᬲᬯᬂᬤᬾᬯᬶᬮᭀᬢ᭄ᬢᬫᬵᬢᬦ᭄ᬧ᭄ᬕᬢ᭄ᬫᬗ᭄ᬕᬯᬾᬮᬸᬮᬸᬢ᭄᭠
Page:Bali-lontar-gaguritan-tunjung-biru-300ppi.pdf/13
This page has been proofread.
