[᭑᭑ 11B]
᭑᭑
ᬦᬾᬫᬲᬫᬡᬶᬓ᭄ᬫᬫᬦᬶᬲᬦ᭄ᬫ᭄ᬯᬂᬰᬰᬭᬸᬤᬶᬭᬓ᭄ᬫᭂᬓᭂᬦ᭄ᬟᬶᬢᬾᬤᬗᬸᬫ᭄ᬓᬃᬳᬗ᭄ᬭᬯᬶᬢ᭄ᬧᬫᬢᭂᬄᬫᬤ᭄ᬬᬵᬢᬮᬶᬦ᭄ᬩᬗ᭄ᬓ᭄ᬬᬗᬾᬫᬳᬦ᭄ᬢᭂᬂᬲᬲᬸᬮᬫᬦ᭄ᬧᬸᬲᬸᬂᬧᬸᬲᬸᬂᬳᬦ᭄ᬤᬂᬳᬦ᭄ᬤᬗᬦ᭄ᬫᬢ᭄ᬭᬵᬗ᭄ᬕᬡᬕᬫ᭄ᬩᬶᬃᬳᬢᬾᬦ᭄ᬳᬢᬾᬦᬾᬫᬍ
ᬘᬸᬢ᭄ᬲ᭄ᬫᬶᬦᬾᬯᬶᬮᬶᬲ᭄ᬫᬦ᭄ᬓᭂᬲ᭄ᬕ᭄ᬮᬸᬂ᭟ᬩᬍᬗ᭄ᬓᭂᬃᬭᬶᬜᬢᬜ᭄ᬚᬸᬂᬲᬭᬶᬫᬱᬵᬲ᭄ᬮᭂᬄᬧᬸᬤᬓ᭄ᬫᬧᬜ᭄ᬮᬢ᭄ᬲᬦ᭄ᬟᬢ᭄ᬰᬸᬩᬄᬲᬸᬲᬸᬧᬶᬜᬦᬵᬕ᭄ᬕᬲᬭᬶᬫᬮᬵᬮᬾᬦ᭄ᬢᬃᬢᬗ᭄ᬕᬸᬮᬶᬓ᭄ᬢᬸᬃᬫᬲᬶᬧᬢ᭄ᬢᬗ᭄ᬕᬶᬸᬮᬶᬲ᭄ᬫᬸᬯᬶᬮᬶᬲ᭄ᬫᬗ᭄ᬓᬶᬦ᭄ᬫᬯᬸᬯᬸᬄ
ᬳᬬᬸ᭞ᬫᬶᬲᬦᬾᬓᬮᬶᬄᬳᬗ᭄ᬭᬲ᭄ᬧᬬᬲᬾᬫᬫᬦᬶᬲᬦ᭄ᬧᬥᬫᬵᬗᬗ᭄ᬕᭀᬳ᭄ᬫᬲ᭄ᬫᬩᬸᬗ᭄ᬳᬵᬘᭂᬫ᭄ᬧᬓᬵᬓᬸᬦᬶᬂᬫᬧᬸᬲᬸᬂᬳᬶᬮᬸᬢ᭄ᬫᬓᬵᬤᬤ᭄ᬯᬭᬸᬧᬦᬾᬲᬫᬵᬳᬬᬸᬳᬬᬸᬩᬸᬓᬲᬸᬘᬶᬳ᭄ᬮᬦ᭄ᬢᭀᬢ᭄ᬢᬫᬵᬢᬦᬸᬘᬧᬶᬢᬸ
ᬜ᭄ᬚᬸᬂᬩᬶᬭᬸ᭟ᬦᬾᬫ᭄ᬯᬦᬶᬢᬦ᭄ᬲᬄᬫᬗ᭄ᬮᬶᬂᬮᬶᬂᬲᬬᬦ᭄ᬫᬾᬦ᭄ᬤ᭄ᬭᬵᬳᬲ᭄ᬫᬸᬕᬸᬬᬸᬫᬸᬯᬸᬲ᭄ᬩᬬᬵᬓᬢᭀ᭠ᬦ᭄ᬢᬸᬳᬸᬳ᭄ᬬᬯᬶᬥ᭄ᬬᬵᬤᬭᬶᬢᬸᬳᬸᬦ᭄ᬫᬗ᭄ᬮᬶᬂᬮᬗᬶᬦ᭄ᬓᬮᬗ᭄ᬯᬦ᭄ᬧᬗᬶᬥᭂᬧ᭄ᬢᬶᬢ᭄ᬬᬗᬾᬭᬢᬸᬫᬗᭂᬦᭀᬢ᭄ᬳᬶᬫᬶᬭᬤᬸᬄ
[᭑᭒ 12A]
ᬤᬾᬯ᭄ᬯᬵᬩᬲᬳᬬᬸᬲᬦ᭄ᬢ᭄ᬯᬭᬓᭀᬳᬦᬓ᭄ᬧᬥᬵᬳᬶᬢᬸᬜ᭄ᬚᬸᬂᬩᬶᬭᬸᬲ᭄ᬫᬸᬓ᭄ᬜᬸᬂ᭞ᬫᬓᭂᬫ᭄ᬧ᭄ᬬᬂᬫᬸᬜᬶᬦᬾᬫᬦᬶᬲ᭄ᬩᬸᬓᬵᬕᬸᬮᬵᬢᬶᬤᭀᬂᬓ᭄ᬫᭀᬓᬾᬫᬦ᭄ᬤᬸᬲ᭄ᬓᬸᬫᬜ᭄ᬘᭂᬜᭂᬢᭂᬤᬸᬄᬤᬾᬰᬦᬾᬳ᭄ᬦᬸᬳ᭄ᬚᭀᬄᬦᬾᬫ᭄ᬯᬦᬶ
ᬫᬾᬲᭂᬫ᭄ᬳᬗᬸᬘᬧ᭄ᬯᬾᬦ᭄ᬢᭂᬦ᭄ᬓᬾᬳᬫ᭄ᬩᬸᬮ᭄ᬫᬯᬦ᭄ᬢᬦ᭄ᬫᬮᬶᬄᬓᬦᬵᬕᬭᬫᬶᬲᬦᬾᬓᬓᬮᬶᬄᬫᬲᬯᬸᬢ᭄ᬯᬾᬦ᭄ᬢᭂᬦ᭄ᬫᬾᬄᬳᬤᭀᬳᬦ᭄ᬫᬫᭂᬗ᭄ᬕᭂᬮ᭄ᬩᬸᬓᬾᬢ᭄ᬩ᭄ᬯᬶᬦ᭄ᬳᬕᬸᬦᬸᬂ᭟ᬧᬥᬫᬾᬲᭂᬫ᭄ᬢᬸᬫᬸᬮᬶᬦᬾᬓᬓᬸᬂᬫᬲᬶᬲᬶᬕ᭄ᬫᬫ᭄ᬩᬸᬄ
ᬳᬦᬸᬮᬶᬳᬲᬶᬭᬫ᭄ᬫᬓᬓ᭄ᬫᬸᬄᬳᬸᬲᬦ᭄ᬫᬲᬸᬘᬶᬲᬵᬃᬯ᭄ᬯᬶᬜᬸᬗ᭄ᬕᬃᬜᬸᬗ᭄ᬕᬃᬭᭀᬫᬵᬢᬸᬫᬸᬮᬶᬳᬸᬲᬦ᭄ᬫᬓᬫ᭄ᬧᬸᬄᬫᬶᬲᬦᬾᬗᬢᬸᬭᬶᬦ᭄ᬯᬲ᭄ᬢ᭄ᬭᬦᬶᬫ᭄ᬩᬮᬶᬦ᭄ᬲᬫ᭄ᬩᬶᬮ᭄ᬕᬸᬫᬸᬬᬸ᭞ᬢᬸᬳᬸᬓᬢᭀᬦ᭄ᬓᬭᬶᬲᬵᬃᬯ᭄ᬯᬶᬫᬚᬸᬚᬸᬓ᭄ᬥᬸᬳᬸᬩᬢᬸᬗᭀ
ᬮᬄᬚᭂᬚᬫ᭄ᬩᬸᬮᬦ᭄ᬫᬲᬸᬮᬸᬄᬤᬶᬲᬾᬫᬾᬃᬳ᭄ᬦᬶᬂᬫᬲᬮᬶᬦᬦ᭄ᬓᭂᬫ᭄ᬩᭂᬦ᭄ᬓᬓᬜ᭄ᬘᬦ᭄ᬲᬩᬸᬓᬾᬤᭂᬧᬸᬓ᭄ᬢᬸᬗ᭄ᬓᬸᬮ᭄ᬫᬲᬧᬸᬢ᭄ᬦᬶᬍᬭᬚᬰᬵᬫᬲ᭄ᬓᬃᬳᬗ᭄ᬕᬾᬓ᭄ᬱᬶᬢᬗ᭄ᬲᬸ᭟ᬩᬳᬸᬫᬗᬶᬦᬂᬧᬶᬗ᭄ᬓᬮᬶᬄᬮᬢᬶᬦᬾ᭠
Page:Bali-lontar-gaguritan-tunjung-biru-300ppi.pdf/12
This page has been proofread.
