[ ᭓᭐ 30B]
᭓᭐
ᬗᬸᬲᬸᬤ᭄ᬳᬸᬲᬸᬤ᭄᭞ᬫᬗᬶᬭᬶᬗᬂᬓᬯᭂᬄᬤᬶᬢᬸ᭞ᬭᬶᬂᬢᭀᬬᬦᬾᬫᬯᬃᬡ᭄ᬦ᭞ᬧᬶᬂᬲᬗ᭄ᬳᬓᬕᭂᬦ᭄ᬢᬶᬕᭂᬦ᭄ᬢᬶ᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬫᬗ᭄ᬭᬭᬶᬲ᭄ᬤᬤᬾᬗᬧᬸᬭ᭄ᬬᬂ᭟᭙᭟ᬦᬸᬮ᭄ᬬᬫᬗ᭄ᬕᬸᬄ᭞ᬤ᭄ᬯᬭᬳᭂᬫᬲ᭄ᬗᭂᬦ᭄ᬤᬶᬄᬫᬸᬭᬸᬩ᭄᭞ᬧᬜ᭄ᬘᬋᬱᬶ
ᬫᬗᭂᬩᬕ᭄᭞ᬫᬶᬪᭂᬃᬳᬶᬤᭂᬃᬳᬦ᭄ᬢᬸᬓ᭄ᬕᭂᬦᬶ᭞ᬘᬓ᭄ᬭᬗᬮᬶᬦᬸᬲ᭄᭞ᬦᬕᬧᬱᬳᬾᬫᬗᬓᬓ᭄᭟᭑᭐᭟ᬦᬶᬮᬸᬄᬮᬸᬢᬸᬂ᭞ᬰᬺᬗ᭄ᬕᬭᬤᬦᬾᬫᬯᬸᬯᬸᬲ᭄᭞ᬩᬸᬗ᭄ᬓᬳᬶᬦ᭄ᬮᬯᬗᬦ᭄᭞ᬧᬜ᭄ᬘᬋᬱᬶᬫᬦᬕᬶᬳᬶᬦ᭄᭞ᬳᬸᬧᬄᬳᬶᬧᬸᬦ᭄᭞ᬲᬃᬯ᭄ᬯᬯᬾ
ᬥᬧᬗᬲ᭄ᬣᬯ᭟᭑᭑᭟ᬲᬫᬶᬳᬲᬸᬂ᭞ᬫᬦᬶᬫᬦ᭄ᬫᬗᬸᬓᬸᬢ᭄ᬳᬸᬓᬸᬢ᭄᭞ᬲᬳᬃᬲᬫᬦᬡ᭄ᬥᬦᬂ᭞ᬫᬜᬶᬭᬫᬶᬦ᭄ᬲᬜ᭄ᬚᬶᬯᬦᬶ᭞ᬢᬹᬃᬓᬲᭂᬧᬸᬄ᭞ᬳᬦᬭᬶᬂᬢᭂᬮᬕᬦᭀᬚ᭟᭑᭒᭟ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬂᬋᬱᬶᬓᬢᬶᬗ᭄ᬕᬮ᭄ᬲᬫ᭄ᬧᬸᬦ᭄᭞
ᬢᬦ᭄ᬓᭀᬘᬧ᭄ᬭᬶᬂᬫᬃᬕ᭄ᬕ᭞ᬳᬶᬫᬥᬾᬯᬸᬲ᭄ᬫᬫᭂᬡ᭄ᬥᬓᬶᬦ᭄᭞ᬲᭂᬫᬸᬕᬸᬬᬸ᭞ᬳᭂᬫ᭄ᬩᭀᬓ᭄ᬳᬬᬸᬩᬳᬸᬧ᭄ᬭᬧ᭄ᬢ᭟᭑᭓᭟ᬋᬡᬦ᭄ᬳᬶᬧᬸᬦ᭄᭞ᬲᬂᬓᬮᬶᬄᬲᬫᬶᬲᬸᬗ᭄ᬲᬸᬢ᭄᭞ᬗᬸᬘᬧᬂᬲᬸᬓᬤᬸᬓ᭞ᬯ᭄ᬬᬤᬶᬦ᭄ᬧᭂᬚᬄᬳᬶᬩᬸᬳᬚᬶ᭞ᬫᬸᬜᬶᬳᬮᬸᬲ᭄᭞ᬦᬶᬯᭂ
[ ᭓᭑ 31A]
ᬦᬭᬶᬗᬚᬓ᭄ᬩ᭄ᬤᬮ᭄᭟᭑᭔᭟ᬫᬥᬾᬩᬕᬸᬲ᭄᭞ᬫᬜᬯᬶᬲ᭄ᬫᬸᬜᬶᬦᬾᬳᬮᬸᬲ᭄᭞ᬗᬶᬭᬶᬂᬫᬧᬶᬦᬸᬦᬲ᭄᭞ᬚᬕᬧᬫᬶᬢ᭄ᬭᬶᬂᬚᭂᬂᬦᬪᬶ᭞ᬲᬂᬭ᭄ᬯᬵᬲᬫ᭄ᬧᬸᬦ᭄᭞ᬫᬗᭂᬮᬸᬢ᭄ᬚᭂᬂᬳᬶᬤᬧᬦᬩ᭄ᬬᬦ᭄᭟᭑᭕᭟ᬲᬶᬗ᭄ᬕᬶᬄᬭᬢᬸ᭞ᬢᬶᬢ᭄ᬬᬂᬚᬕᬫᬫᬸᬳᬸᬦ᭄᭞ᬭᬵᬓᬦ᭄ᬢᬶ
ᬢ᭄ᬬᬂᬫᬫ᭄ᬯᬢᬂ᭞ᬦᬶᬯᭂᬦᬭᬶᬦᬶᬓᬶᬧ᭄ᬭᬵᬧ᭄ᬢᬶ᭞ᬗᬚᬓ᭄ᬫᬦ᭄ᬢᬸᬓ᭄᭞ᬳᬦᬭᬶᬂᬫᬬᬸᬭᬤᬾᬰ᭟᭑᭖᭟ᬤ᭄ᬯᬦᬶᬂᬲᬫ᭄ᬧᬸᬦ᭄᭞ᬫᬾᬫᬾᬩᬧᬦ᭄ᬢᬶᬢ᭄ᬬᬂᬮᬫ᭄ᬧᬸᬲ᭄᭞ᬧ᭄ᬭᬡ᭄ᬥᬫᬗᭂᬦ᭄ᬤᬶᬓ᭞ᬤᬸᬭᬸᬲ᭄ᬫᬦ᭄ᬢᬸᬓ᭄ᬘᭂᬦᬶᬂᬓᬮᬶᬄ᭞ᬧᬂᬭᬳᬬᬸ᭞ᬳᬦᬭᬶᬂᬫᬬᬸᬭᬤᬾᬰ᭟᭑᭗᭟
ᬦᬸᬮ᭄ᬬᬳᬲᬸᬂ᭞ᬲᬂᬋᬱᬶᬲᬶᬤ᭄ᬥᬶᬭᬶᬂᬳᬦᬹᬂ᭞ᬫᬤᬸᬮᬸᬭᬦ᭄ᬯᬾᬥ᭞ᬦᬾᬲᬶᬤ᭄ᬥᬶᬫᬧᬰᬸᬧᬢᬶ᭞ᬢ᭄ᬯᬶᬓᬭᬗ᭄ᬲᬸᬓ᭄᭞ᬲᬂᬓᬮᬶᬄᬭᬭᬶᬲ᭄ᬫᬚᬮᬦ᭄᭟᭑᭘᭟ᬯᬸᬲ᭄ᬫᬯᭂᬢᬸ᭞ᬧᬫᬃᬕ᭄ᬕᬶᬦᬾᬲᬤᬳᬮᬸᬲ᭄᭞ᬢᬜ᭄ᬘᭂᬭᬶᬢᬭᬶᬂᬚᬮᬦ᭄᭞ᬓᬯᬸᬯᬸᬲᬦ᭄ᬲᬫ᭄ᬧᬸ
ᬦ᭄ᬧ᭄ᬭᬧ᭄ᬢᬶ᭞ᬭ᭄ᬯᬧᬸᬦᬶᬓᬸ᭞ᬳᬪᬭᬶᬂᬫᬬᬸᬭᬵᬤᬾᬰ᭟᭑᭙᭟ᬲᬫᬶᬭᬯᬸᬄ᭞ᬓᬤᬂᬩ᭄ᬭᬬᬧᬘᬮᬸᬩ᭄ᬮᬸᬩ᭄᭞ᬧᬥᬦᬶᬗᭂᬄᬳᭀᬃᬣ᭞ᬫᬭᬭᬳᬦ᭄ᬭᬯᬸᬄᬲᬫᬶ᭞ᬲᬃᬯ᭄ᬯᬶᬳᬭᬹᬫ᭄᭞ᬕᬸᬫᬦ᭄ᬢᬶᬬᬫᬧᬶᬤᬃᬣ᭟᭒᭐᭟ᬧᬸᬧᬸᬄᬕᬶᬦᬦ᭄ᬢᬶ᭟
Page:Bali-lontar-gaguritan-sliksik-250ppi.pdf/31
Jump to navigation
Jump to search
This page has been proofread.
