[ ᭒᭙ 29B]
᭒᭙
ᬬᬤᬶᬦᭂᬫᬲᬸᬓᬤᬸᬓ᭞ᬜᬾᬦ᭄ᬳᬦᬓᬾᬩ᭄ᬯᬶᬦ᭄ᬢᬓᭀᬦᬶᬦ᭄᭟᭕᭓᭟ᬲᬚᬢ᭄ᬯᬄᬩᭂᬓᭂᬮᬾᬳᬶᬤᬸᬧ᭄᭞ᬲᬸᬓᬤᬸᬓᬮᬭᬧᬢᬶ᭞ᬲ᭄ᬬᬂᬮᬢ᭄ᬭᬶᬧᬘᬂᬢᭂᬫᭀᬓᬂ᭞ᬢ᭄ᬯᬄᬓᬾᬢᭀᬩᭂᬓᭂᬮᬾᬳᬸᬭᬶᬧ᭄᭞ᬤᬶᬲᬓᬶᬢᬾᬢᭂᬮᬲ᭄ᬳᬶᬢᬸᬗᬦ᭄᭞ᬲᬚᬧᬶᬦᬶᬂ
ᬦᬸᬗ᭄ᬕᬸᬧᬢᬶ᭟᭕᭔᭟ᬋᬡᬦ᭄ᬜᬦᬾᬦᬶᬮᬸᬄᬮᬸᬢᬸᬂ᭞ᬤᬶᬫᬃᬕ᭄ᬕᬶᬬᬕᭂᬦ᭄ᬤᬂᬕᭂᬦ᭄ᬤᬶᬂ᭞ᬲᬢᬢᬬᬫᬶᬦᭂᬄᬳᬯᬓ᭄᭞ᬬᬾᬦ᭄ᬲᭂᬧᭂᬦᬦᬼᬗᭂᬄᬦᬫ᭄ᬧᬶ᭞ᬚᬯᬢᬓᭀᬦᬂᬢ᭄ᬯᬭᬢᬯᬂ᭞ᬦᬾᬢᬓᬾᬦᬶᬦ᭄ᬢ᭄ᬯᬭᬳᬸᬦᬶᬂ᭟᭕᭕᭟ᬭᬶᬂᬫᬥ᭄ᬬᬦᬶᬂᬯᬦᬤᬶᬢᬸ᭞
ᬫᬃᬕ᭄ᬕᬋᬧᭂᬢ᭄ᬢᬦ᭄ᬲᬶᬦᬶᬧᬶ᭞ᬓᬶᬮᬓᬶᬮᬸᬓ᭄ᬲᭂᬗ᭄ᬓᬧᬶᬲᬦ᭄᭞ᬫᬲᬸᬲᬸᬧᬦ᭄ᬭᬶᬂᬯᬦᬵᬤ᭄ᬭᬶ᭞ᬫᬲᬶᬄᬤᬦᬾᬫᬜᬭᬢᬂᬫ᭄ᬗᬸᬘᬸᬂᬗᬸᬘᬸᬂᬢᬦ᭄ᬧᬦᭀᬮᬶᬄ᭟᭕᭖᭟ᬧᬸᬧᬸᬄᬧᬸᬘᬸᬂ᭟ᬲᬫ᭄ᬧᬸᬦ᭄ᬭᬯᬸᬄ᭞ᬫᬭᬶᬂᬘᬶᬢ᭄ᬭᬓᬸᬢᬤᬶᬢᬸ᭞ᬓᬘᬸᬦ᭄ᬤᬸᬓ᭄ᬫᭂᬂᬳᬫᭂ
ᬗᬦ᭄᭞ᬓ᭄ᬭᬸᬭᬫᬓᬘᬢᬸᬃᬲᬫ᭄ᬫᬶ᭞ᬲᬫᬶᬮᬸᬄᬮᬸᬄ᭞ᬮᬦᬂᬮᬦᬂᬬᬫᬓᭂᬚᬂ᭟᭑᭟ᬮᬯᬂᬳᬶᬧᬸᬦ᭄᭞ᬘᬢᬸᬃᬬᬓ᭄ᬯᬾᬄᬳᬶᬧᬸᬦ᭄᭞ᬦᬾᬦᬸᬗ᭄ᬕᬸᬭᬶᬂᬮᬯᬗᬦ᭄᭞ᬭᬹᬧᬪᬸᬢᬫᬓᬲᬫᬶ᭞ᬦᬾᬫᬦᬸᬗ᭄ᬕᬸ᭞ᬮᬯᬂᬜᬦᬾᬧᬶᬮᬶᬄᬚᬩ᭟᭒᭟
[ ᭓᭐ 30A]
ᬜᬳᬶᬳᬬᬸ᭞ᬫᬗᬸᬘᬧ᭄ᬬᬲᭂᬫᬸᬕᬸᬬᬸ᭞ᬳᬤᬶᬳᬤᬶᬧᬥ᭞ᬩᬸᬗ᭄ᬓᬳᬶᬦ᭄ᬳᭂᬫ᭄ᬩᭀᬓ᭄ᬗᭂᬭᬜ᭄ᬚᬶᬂ᭞ᬳᬸᬧᬄᬳᬶᬧᬸᬦ᭄᭞ᬳᬤᬢ᭄ᬯᬄᬦᬾᬓᬶᬦ᭄ᬮᬶᬫ᭟᭓᭟ᬬᬧᬕ᭄ᬭᬸᬓ᭄ᬕᬸᬓ᭄᭞ᬲᬳᬲᬲᬫᬶᬫᬗᭂᬮᬸᬗ᭄ᬲᬸᬃ᭞ᬫᬸᬗ᭄ᬓᬳᬶᬦ᭄ᬮᬯᬗᬦ᭄᭞ᬦᬶᬯᬦᬭᬶ
ᬭᬭᬶᬲ᭄ᬗᭂᬭᬜ᭄ᬚᬶᬂ᭞ᬢᬸᬃᬓᬧᬗ᭄ᬕᬸᬄ᭞ᬮᬯᬗᬾᬫᬮᬶᬄᬳᬧᬦ᭄ᬢᬵ᭟᭔᭟ᬧᬓᭂᬫᬶᬢ᭄ᬳᬶᬧᬸᬦ᭄᭞ᬕᬡ᭄ᬥᬃᬯ᭄ᬯᬦᬾᬧᬥᬤᬶᬢᬸ᭞ᬦᬶᬯᬦᬭᬶᬫᬗᬸᬘᬧ᭄᭞ᬳᬫ᭄ᬧᬓᬶᬦ᭄ᬮᬯᬗᬦ᭄ᬳᬤᬶ᭞ᬦᬄᬦᬾᬲᬗᬸ᭞ᬲᬃᬯ᭄ᬯᬲᬵᬭᬶᬫ᭄ᬯᬂᬕᬕᬡ᭄ᬥᬦ᭄᭟᭕᭟ᬲᬫ᭄ᬧᬸᬦ᭄ᬫᬦᭂ
ᬭᬸᬲ᭄᭞ᬫᬗᭂᬭᬜ᭄ᬚᬶᬂᬦᬶᬮᬸᬄᬮᬸᬢᬸᬂ᭞ᬫᬗ᭄ᬕᬸᬄᬮᬯᬂᬧᬶᬂᬢᬶᬕ᭞ᬲᬲᭀᬘᬦᬾᬳᭂᬫᬲ᭄ᬫᬦᬶᬓ᭄᭞ᬦᬾᬗᭂᬫᬶᬢ᭄ᬤᬢᬸ᭞ᬚᬗ᭄ᬓᭂᬧ᭄ᬲᬵᬦᬦᬶᬂᬲᬜ᭄ᬚᬢ᭞᭖᭞ᬲᬳᬶᬓᬸᬫ᭄ᬧᬸᬮ᭄᭞ᬦᬯᬲᬗ᭄ᬳᬲᬫᬶᬓᬸᬫ᭄ᬧᬸᬮ᭄᭞ᬢᭂᬓᬦᬕᬶᬄᬳᬸᬧᬄ᭞ᬲᬂᬳᬬᬸ
ᬳᬲᬸᬂᬗᭂᬮᬸᬕ᭄ᬭᬳᬶᬦ᭄᭞ᬲᬃᬯ᭄ᬯᬲᬗᬹ᭞ᬢᬗᬦ᭄ᬧᬸᬬᬸᬂᬫᬕᭂᬫᭂᬮᬦ᭄᭟᭗᭟ᬲᬫᬶᬳᬲᬸᬂ᭞ᬤᬾᬯᬢᬲᬗ᭄ᬳᬧᬸᬦᬶᬓᬸ᭞ᬲᬳᬲᬧᬺᬡᬫ᭄ᬬ᭞ᬮ᭄ᬯᬶᬃᬜᬧᬥᬫᬪᬓ᭄ᬢᬶ᭞ᬫᬜᬭᬸᬡ᭄ᬥᬸᬧ᭄᭞ᬲᬋᬂᬲᬫᬶᬫᬗᬶᬭᬶᬗᬂ᭟᭘᭟
Page:Bali-lontar-gaguritan-sliksik-250ppi.pdf/30
Jump to navigation
Jump to search
This page has been proofread.