[᭑᭐ 10B]
᭑᭐
ᬦᬶᬸᬭᬶᬸᬭᬶᬸᬳ᭄ᬦᬶᬸᬂᬩ᭄ᬭᬢᬦᬶᬭ᭞ᬳ᭄ᬦᬶᬂᬚ᭄ᬜᬦᬰᬸᬓ᭄ᬮ᭞ᬳᬬ᭄ᬯᬫᬾᬫᬾᬩᬭᬶᬩᬭᬶ᭞ᬲᬸᬓᬢ᭄ᬯᬲᬶᬭ᭞ᬦᬶᬚᭂᬫ᭄ᬧᬶᬭᬶᬂᬫᬜᬯᬸᬭᬶᬦ᭄᭚ᬫ᭄ᬩᭀᬓ᭄ᬫᬾᬫᬾᬲᬸᬓᭂᬄᬗᬮᬶᬄᬦᬾᬲᬸᬓ᭄ᬮᬵ᭞ᬭᬱᬦ᭄ᬬᬢᭀᬂᬓᬧᬗ᭄ᬕᬶᬄ
᭞ᬤᬶᬚᬓᬤᬾᬦ᭄ᬰᬹᬓ᭄ᬮ᭞ᬬᬦᬮᬶᬳᬂᬫᬭᬶᬂᬢᭀᬬ᭞ᬫᬶᬦᬬᬗᬸᬬᬸᬄᬫᬗᬶᬲᬶᬂ᭞ᬦᭀᬭᬵᬦᬰᬹᬓ᭄ᬮ᭞ᬬᬤᬶᬦ᭄᭟ᬭᬶᬂᬢᬸᬜ᭄ᬚᬸᬂᬳᬮᬶᬄ᭚ᬩᬸᬗᬦ᭄ᬢᬸᬜ᭄ᬚᬸᬂᬩᬶᬲᬧᬸᬲᬸᬄᬩᬶᬲᬓᭂᬫ᭄ᬩᬂ᭞ᬳᬶᬩ᭄ᬭᬳ᭄ᬫᬭᬵᬗᬶ
ᬲᭂᬧ᭄ᬲᬭᬶ᭞ᬳᬗᬶᬲᬶᬳᬶᬗᬸᬬᬸᬳᬵᬦ᭄᭞ᬦᬭᬦᬦᭀᬭᬰᬸᬓ᭄ᬮ᭞ᬬᬤ᭄ᬬᬦ᭄ᬭᬶᬂᬉᬮᬦᬵᬮᬶᬄ᭞ᬭᬶᬂᬧᬜ᭄ᬘᬥᬰᬰᬸᬓ᭄ᬮ᭞ᬤᬾᬦᬶᬭᬲᬂᬫᬳᬵᬋᬱᬶ᭚ᬩᬸᬮᬦ᭄ᬧᬹᬃᬡ᭄ᬦᬫᬧᬶᬦᬗᬦ᭄ᬭᬢᬸᬓᬮ᭞ᬳᬶ
ᬦ᭄ᬮᭂᬤ᭄ᬓᬯᬗ᭄ᬲᬸᬮᬶᬦ᭄᭞ᬓᬭᬦᬦᬾᬦᭀᬭᬰᬸᬓ᭄ᬮ᭞ᬬᬦ᭄ᬫᬭᬶᬂᬲᬂᬧᬡ᭄ᬟᬶᬢ᭄ᬢᬵ᭞ᬭᬭᬾᬦᬶᬭᬫᬭᬶᬂᬗᬸᬦᬶ᭞ᬫᬲᬸᬲᬸᬦ᭄ᬟᬵᬓ᭞ᬳᬶᬗᬸᬤᬮ᭄ᬧᬶᬮᬶᬄᬕᬦ᭄ᬢᬶ᭚ᬲᬕᬾᬢ᭄ᬤᬸᬫᬸᬦ᭄ᬲᬕᬾᬢ᭄ᬤᬸᬭᬶᬫ
[᭑᭑ 11A]
ᬓᬫ᭄ᬩᬸᬳᬦ᭄᭞ᬫᬦᬸᬱᬦᬾᬦᭀᬭᬰᬹᬘᬶ᭞ᬓᭀᬘᬧ᭄ᬭᬶᬂᬰᬲ᭄ᬢ᭄ᬭᬦ᭄ᬬ᭞ᬅᬫ᭄ᬩᭂᬓ᭄ᬯᭂᬢᬸᬧᬯᬶᬢ᭄ᬭ᭞ᬓᬤᬶᬯᬶᬱ᭄ᬡᬸᬲᬸᬩᬮᬶᬘᬶᬦ᭄᭞ᬲᬶᬲ᭄ᬬᬦᬶᬂᬰᬸᬓ᭄ᬮ᭞ᬫᬚᬮᬦ᭄ᬢᬦ᭄ᬧᬩᬢᬶᬲ᭄᭚ᬩᬶᬱᬜᭂᬫᬓ᭄ᬢᬦ᭄ᬨ
ᬢᬗᬦ᭄ᬤᬤᬶᬫ᭄ᬮᬄ᭞ᬫᬦᬶᬗᭂᬄᬢᬦ᭄ᬧᬓᬸᬧᬶᬂ᭞ᬜᬶᬗᬓ᭄ᬢᬦ᭄ᬧᬦᬾᬢ᭄ᬭ᭞ᬫᬗᬦ᭄ᬬᬢᬦ᭄ᬧᬫᬸᬓ᭞ᬢᬦ᭄ᬧᬓᬭᬦᬩᬶᬱᬗᭂᬲᬶᬭ᭄᭞ᬲᬶᬰ᭄ᬬᬦᬶᬂᬱᬸᬓ᭄ᬮ᭞ᬲᬂᬳ᭄ᬬᬂᬰᬹᬓ᭄ᬮᬫᬭᬶᬂᬲᬶᬤ᭄ᬟᬶ᭚ᬲᬶᬤ᭄ᬟᬶᬲᬶᬤ᭄ᬟᬶᬲᬤ᭄ᬬᬦᬶᬭ
ᬧ᭄ᬭᬫᬰᬹᬦ᭄ᬬ᭞ᬧᬶᬢ᭄ᬢᬭᬳᬫᬗ᭄ᬕᬶᬄᬳ᭄ᬦᬶᬂ᭞ᬭᬶᬂᬕᬫ᭄ᬩᬭᬳᬗ᭄ᬮᬬᬂ᭞ᬦᬶᬰᭀᬓᬲᬶᬭᬫᭀᬚᬃ᭞ᬯ᭄ᬬᬓ᭄ᬢᬶᬓᬤᬶᬮᬶᬗᬶᬂᬕᬚᬶ᭞ᬰᬸᬦ᭄ᬬᬢᬦ᭄ᬧᬫᬬᬵ᭞ᬬᬉᬢ᭄ᬢᬵᬫᬫᬗ᭄ᬕᬶᬄᬳ᭄ᬦᬶᬂ᭚ᬭᬭᬵᬫᬦ᭄ᬜᬫᬲᬯᬸᬃᬦᬸᬤᬸᬢ᭄ᬘᬶᬢ᭄ᬢ᭞ᬤᬾ
ᬯᬲᬂᬓᬤᬶᬭᬭᬢᬶᬄ᭞ᬳᬶᬄᬰᭀᬓᬳᬦᬓᬶᬗ᭄ᬯᬵᬂ᭞ᬳᬬ᭄ᬯᬲᬸᬭᬸᬤ᭄ᬫᬯᬭᬄ᭞ᬳᬧᬦ᭄ᬫᬾᬫᬾᬫᬸᬤ᭄ᬟᬩᬸᬤ᭄ᬟᬶ᭞ᬓᬢᬸᬦᬦ᭄ᬫᬦᬄ᭞ᬫ᭄ᬯᬂᬓᬢᬸᬦᬦ᭄ᬰᬵᬲ᭄ᬢ᭄ᬭᬚᬶ᭚ᬳᬧᬦ᭄ᬤᬾᬯᬫᬸᬮᬦ᭄ᬜᬦᬾᬤᬤᬶ
Page:Bali-lontar-gaguritan-sebun-bangkung-300ppi.pdf/11
Jump to navigation
Jump to search
This page has been proofread.
