[᭙ 9B]
᭙
᭚ᬬᬦ᭄ᬢᬦ᭄ᬯᭂᬭᬸ᭞ᬭᬶᬂᬜᬫᬦᬾᬳᬚᬓ᭄ᬫᭂᬢᬸ᭞ᬬᬤᬤᬶᬕᬮᬓ᭄᭞ᬫᬸᬲᬸᬄᬭᬳᬶᬦᬵᬯ᭄ᬗᬶ᭞ᬬᬦ᭄ᬢ᭄ᬯᬄᬧᬢᬸᬢ᭄᭞ᬯᬾᬳᬶᬦ᭄ᬫᬺᬢ᭄ᬢᬭᬶᬂᬓᬸᬫᬭᬵ᭚ᬤᬤᬶᬧᬢᬸᬄ᭞ᬭᬶᬂᬧᬢᬶᬉᬭᬶᬧ᭄ᬲᬶᬮᬸᬗ᭄ᬮᬸᬂ᭞ᬧᬵ
ᬕᭂᬄᬬᬫᬗᭂᬫ᭄ᬩᬦ᭄᭞ᬲᬃᬯ᭄ᬯᬤᬹᬃᬚ᭄ᬚᬦᬦᬾᬯ᭄ᬟᬶ᭞ᬤᬸᬃᬕ᭄ᬕᬧᬢᬸᬄ᭞ᬲᬃᬯ᭄ᬯᬳᬳᬾᬂᬧᬥᬦᭂᬫ᭄ᬩᬄ᭚ᬘ᭄ᬦᬶᬂᬩᬕᬸᬲ᭄᭞ᬓᬶᬦᭂᬫᬶᬢ᭄ᬤᬾᬦᬶᬂᬳ᭄ᬬᬂᬘᬢᬹᬃ᭞ᬅᬗ᭄ᬕᬵᬧᬢᬶᬳᬶᬓᬵ᭞ᬫ᭄ᬭᬚᬧᬢᬶᬩᬦᬲ᭄ᬧᬢᬶ᭞ᬫᬓᬘᬢᬸᬃ᭞
ᬫᬶᬯᬄᬩᬦᬲ᭄ᬧᬢᬶᬭᬵᬚ᭚ᬲᬫᬶᬦᬸᬗ᭄ᬕᬸ᭞ᬭᬶᬂᬯᬾᬢᬦ᭄ᬓᬸᬮᭀᬦ᭄ᬮᭀᬃᬓᬶᬤᬸᬮ᭄᭞ᬯ᭄ᬟᬶᬲᬃᬯ᭄ᬯᬳᬮ᭞ᬲᬵᬃᬯ᭄ᬯᬳᬳᬾᬂᬧᬥᬯ᭄ᬥᬶ᭞ᬢᬸᬚᬸᬄᬢ᭄ᬮᬸᬄ᭞ᬲᬵᬃᬯ᭄ᬯᬫᬦ᭄ᬤᬶᬢ᭄ᬭᬜ᭄ᬚᬦᬵ᭚ᬲᬫᬶᬫᬸᬦ᭄ᬤᬸᬃ᭞ᬧᬥᬫᬗᬾ
ᬮᬶᬗᬶᬦ᭄ᬮᬸᬗ᭄ᬕᬸᬄ᭞ᬯᬾᬢᬦ᭄ᬓᬸᬮᭀᬦ᭄ᬦᬶᬓᬵ᭞ᬮᭀᬃᬓᬶᬤᬸᬮ᭄ᬧᬥᬓᬳᬸᬗ᭄ᬲᬶ᭞ᬧᬥᬧᬢᬸᬄ᭞ᬲᬫᬶᬫᬗᬾᬮᬶᬗᬶᬦ᭄ᬳᬸᬫᬄ᭚ᬓᭂᬲ᭄ᬬᬄᬓᭂᬲ᭄ᬬᬸᬄ᭞ᬰ᭄ᬭᬡᬦᬶᬦ᭄ᬩᬦ᭄ᬫᬲ᭄ᬯᬶᬚᬗᬸ᭞ᬲᭂᬫ᭄ᬩᬃᬯᬾᬢᬦ᭄ᬓᬸᬮᭀᬦ᭄᭞ᬮᭀᬃᬓᬶ
[᭑᭐ 10A]
ᬤᬸᬮ᭄᭞ᬫ᭄ᬦᬾᬓ᭄ᬩᬮᬶᬓ᭄᭞ᬢᬸᬮᬓ᭄ᬧᬢᬸᬄ᭞ᬲᬫᬶᬯ᭄ᬟᬶᬢᬦ᭄ᬗ᭄ᬭᬸᬩᬾᬤ᭄ᬟ᭚᭜᭚ᬧᬹᬄᬤᬹᬃᬫ᭄ᬫᬵ᭚ᬰᬶᬯᬵᬢᬶᬕᬤᬤᬶᬬᬬᬄᬇᬩᬸᬭᬵᬕ᭞ᬢ᭄ᬭᬶᬦᬵᬤᬶᬯᬸᬲ᭄ᬳ᭄ᬦᬶᬂ᭞ᬦᬸᬗ᭄ᬕᬮ᭄ᬤᬤᬶᬰᬩ᭄ᬤ᭞ᬰᬩ᭄ᬤᬦᬾᬤ
ᬤᬶᬳᬢ᭄ᬫ᭞ᬳᬢ᭄ᬫᬦᬾᬫᬦᬤᬶᬳᬗᬶᬦ᭄᭞ᬫᬸᬮᬶᬄᬭᬶᬂᬲᬸᬦ᭄ᬬ᭞ᬬᬫᬦᬤᬶᬰᬶᬯᬧᬢᬶ᭟ᬬᬦᬶᬂᬫᭀᬓ᭄ᬱᬄᬳᬢ᭄ᬫᬦᬾᬭᬶᬂᬢᬳᬸᬮᬦ᭄᭞ᬳᬦᬫᬕ᭄ᬕᬦᬾᬘ᭄ᬦᬶᬓ᭄᭞ᬫᬃᬕ᭄ᬕᬲᬲᬸᬦᬸᬢᬦ᭄᭞ᬩ᭄ᬦᭂᬃᬓᬗᬶᬦ᭄ᬦ᭄ᬤ
ᬢᬦ᭄ᬲᬶᬫ᭄ᬧᬂ᭞ᬫᬦᬸᬯᬸᬢ᭄ᬲ᭄ᬮᬦᬶᬂᬩᬸᬓᬶᬢ᭄᭞ᬫᬃᬕ᭄ᬕᬉᬢ᭄ᬢᬵᬫ᭞ᬫᬃᬕ᭄ᬕᬦᬶᬂᬦᬶᬭᬵᬗ᭄ᬓᬾᬲᬭᬶᬩ᭄ᬬᭀᬫᬦ᭄ᬢᬭᬮᭀᬓᬵᬦᬵᬣᬢ᭄ᬭᬸᬲ᭄ᬧᬢᬮ᭞ᬦᬵᬢᬃᬤᬶᬩ᭄ᬬᬕᭂᬫᭀᬦᬶᬦ᭄᭞ᬳᬤᭀᬄᬧᬸᬦᬂᬓᬯᬄ
᭞ᬓᬸᬓᬸᬲ᭄ᬢᬦ᭄ᬳᬦᬳᬶᬭᬶᬓᬵ᭞ᬭᬶᬂᬘᬢᬸᬃᬮᭀᬓᬫᬶᬸᬳᬫᬸᬱ᭄ᬝᬶ᭞ᬬᬤᬾᬱᬦᬶᬭ᭞ᬳ᭄ᬬᬂᬧᬶᬢᬭᬫᬗ᭄ᬕᬶᬄᬚᬢᬶ᭚ᬦ᭄ᬬᬢᬭᬵᬢ᭄ᬦᬉᬧᬥᬦᬓᬢᬸᬢᬸᬭᬦ᭄᭞ᬳᬭᬂᬯᭀᬂᬫᬗᬯ᭄ᬭᬸᬳᬶ᭞ᬳᬗᬶᬦ᭄
Page:Bali-lontar-gaguritan-sebun-bangkung-300ppi.pdf/10
Jump to navigation
Jump to search
This page has been proofread.
