[᭗ 7B]
᭗
ᬘᭀᬭᬄ᭞ᬫᬗᬯᬶᬦᬂᬳᬦᬓ᭄ᬲᬓᬶᬢ᭄᭞ᬢ᭄ᬯᬭᬩᬸᬯᬸᬂ᭞ᬲᬓᬶᬢᬾᬩᬓᬢ᭄ᬢᬶᬫᭀᬓᬂ᭟᭐᭟ᬓᬾᬢᭀᬤᬕᬶᬂᬧᬲᬫᬸᬯᬦ᭄᭞ᬧᬘᬂᬓᬯᬗᬸᬦ᭄ᬤᬶᬕᭂᬮᬶᬲ᭄᭞ᬭᬩᬶᬦ᭄ᬤᬦᬾᬫᬮᬶᬄᬦᬶᬫ᭄ᬩᬮ᭄᭞ᬳᬫ᭄ᬧᬸᬭᬫ
ᬭᬸᬧᬫᭂᬮᬶᬤ᭄᭞ᬬᬦ᭄ᬢᬦ᭄ᬫᬗᬯᬶᬦᬂᬲᬶᬲᬶᬧ᭄᭞ᬦᬶᬓᬳᬶᬦ᭄ᬢᬶᬢ᭄ᬬᬂᬳᬧᬸᬗ᭄ᬕᬸᬂ᭞ᬦᬸᬦ᭄ᬬᬦ᭄ᬗᭂᬮᬶᬗᬦ᭄ᬤᬶᬓᬬᬂ᭞ᬳᬶᬦ᭄ᬤᬶᬓ᭄ᬫᬤᬵᬦᬦᬾᬩᭂᬘᬶᬓ᭄᭞ᬬᬦ᭄ᬲᬂᬮᬘᬸᬃ᭞ᬲᬫᬸᬦᬧᬶᬬᬂᬫᬤᬵᬦ᭟᭐᭟ᬤᬾᬦᬶᬂᬧᬮᬶᬄ
ᬳᬲᬫ᭄ᬩᭂᬓᬦ᭄᭞ᬬᬤ᭄ᬬᬦ᭄ᬫᬓᬃᬬ᭄ᬬᬫᬧᬸᬕ᭄ᬮᬶᬂ᭞ᬗᬮᬶᬄᬩᬮᬂᬗᬩᬳᬮᬸᬢᬦ᭄᭞ᬓᬤᬶᬲᬲᭀᬗ᭄ᬕᬦᬾᬭᬶᬳᬶᬦ᭄᭞ᬯᬯᬸᬳᬾᬮᬶᬳᬲᬶᬓᬶ᭞ᬩᬮᬗᬾᬲᬫ᭄ᬧᬸᬦ᭄ᬓᬢᬸᬦᬸ᭞ᬲᬧᬸᬦᬶᬓᬬᬦ᭄ᬳᬶᬢᬶ
ᬯᬲ᭄᭞ᬲᬶᬦᬄᬪᬶᬦᬭᬶᬂᬲᬂᬲᬸᬕᬶᬄ᭞ᬗᭂᬮᬄᬮᬶᬬᬸ᭞ᬳᬾᬮᬄᬬᬦ᭄ᬫᬤᬦᬤᬦ᭟᭐᭟ᬕᬸᬲ᭄ᬢᬶᬧᬢᬶᬄᬫᬗᬦ᭄ᬤᬶᬓ᭞ᬗᬸᬤᬓᬾᬢᭀᬩᬳᬦ᭄ᬳᬤᬶ᭞ᬲᬶᬦᬄᬧᬦᬫ᭄ᬧᬾᬦᬾᬳᬶᬯᬂ᭞ᬜᭂᬗ᭄ᬕᬸᬳᬂᬲᬵ᭠
[᭘ 8A]
ᬦᬦᬾᬍᬯᬶᬄ᭞ᬳᬸᬮ᭄ᬬᬦ᭄ᬮᬶᬬᬸᬳᭂᬫᬲ᭄ᬧᬶᬧᬶᬲ᭄᭞ᬬᬦ᭄ᬢᬦ᭄ᬫᬦᬹᬢ᭄ᬳᬶᬦ᭄ᬤᬶᬓ᭄ᬳᬶᬧᬸᬦ᭄᭞ᬬᬦ᭄ᬢᬦ᭄ᬲᬗ᭄ᬓᬦᬶᬂᬮᬰ᭄ᬘᬃᬬ᭄ᬬ᭞ᬢ᭄ᬯᬭᬧᭀᬮᬶᬄᬨᬮᬩᭂᬘᬶᬓ᭄᭞ᬭᬾᬄᬢᬦ᭄ᬫᬦᬹᬢ᭄᭞ᬳᬶᬦ᭄ᬤᬶᬓᬾᬦᬶᬯᬓᬂᬤᬵᬦ᭟᭐᭟
ᬬᬤ᭄ᬬᬲ᭄ᬢᬸᬦ᭄ᬳᬦᬓᬾᬢᬶᬯᬲ᭄᭞ᬲᬶᬤ᭄ᬥᬫᬤᬵᬦᬬᬾᬄᬧᬸᬢᬶᬄ᭞ᬫᬋᬧ᭄ᬭᬶᬂᬳᬦᬓᬾᬩᭂᬤᬓ᭄᭞ᬲᬤ᭄ᬬᬬᬦ᭄ᬫᬤᬵᬦᬦᬵᬲᬶ᭞ᬲᬗ᭄ᬓᬦᬶᬂᬩᬦᬶᬜᭂᬧᬶᬄ᭞ᬓᬤᬵᬦᬬᬂᬭᬶᬂᬲᬂᬲᭂᬤᬸᬓ᭄᭞ᬫᭀᬮᬶ
ᬳᬂᬨᬮᬉᬢ᭄ᬢᬫ᭞ᬧᬢᬸᬄᬭᬶᬂᬳᬦᬓᬾᬲᬸᬕᬶᬄ᭞ᬦᬸᬚᬸᬕᭂᬫᬸᬄ᭞ᬮᬰ᭄ᬘᬃᬬ᭄ᬬᬫᬤᬵᬦᬳᭂᬫᬵᬲ᭄᭟᭐᭟ᬧᬢᬸᬄᬨᬮᬦ᭄ᬜᬦᬾᬯᭂᬓᬲ᭄᭞ᬚᬕᬢ᭄ᬲ᭄ᬯᬃᬕ᭄ᬕᬓᬧᬸᬧᭀᬦᬶᬦ᭄᭞ᬬᬤ᭄ᬬᬲ᭄ᬢᬸᬦ᭄ᬫᬤᬵᬦᬩᭀ
ᬩᭀᬓ᭄᭞ᬭᬶᬂᬲᬂᬧᭂᬢᭂᬗᭂᬦ᭄ᬭᬶᬂᬫᬃᬕ᭄ᬕᬶ᭞ᬫᬤᬵᬦᬤᬯᬸᬦ᭄ᬫᬮᬶᬄ᭞ᬲᬦᬾᬤᬤᭀᬲ᭄ᬳᬗ᭄ᬕᬾᬦ᭄ᬢᭂᬤᬸᬂ᭞ᬭᬶᬂᬲᬂᬲᬩᭂᬳᭂᬦ᭄ᬭᬶᬂᬚᬮᬦ᭄᭞ᬧᭀᬮᬶᬄᬨᬮᬫᬉᬢ᭄ᬢᬫᬶ᭞ᬢᭀᬓᬢᬶᬭᬸ᭞ᬓᬬᬂᬚᬦᬶᬫᬓᬗ᭄ᬕᭂᬳᬵᬂ
Page:Bali-lontar-gaguritan-nilacandra-300ppi.pdf/8
Jump to navigation
Jump to search
This page has been proofread.
