[᭖ 6B]
᭖
ᬯᭀᬲᬾᬩᭂᬘᬶᬓ᭄᭞ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬳᬶᬦ᭄ᬤᬶᬓ᭄ᬧᬤᬸᬫ᭄ᬤᬸᬫᬦ᭄ᬓᬃᬬ᭄ᬬ᭟᭐᭟ᬧᬸᬧᬸᬢ᭄ᬤᬕᬶᬂᬧᬦᬗ᭄ᬓᬶᬮᬦ᭄᭞ᬲᬫ᭄ᬧᬸᬦ᭄ᬢᬚᭂᬕ᭄ᬲᬂᬳ᭄ᬬᬂᬭᬯᬶ᭞ᬓᬚᭂᬭᭀᬧᬸᬭᬲᬂᬓᬢᭀᬂ᭞ᬧᬭᬧᬗ
ᬩᬶᬄᬫᬗᬶᬭᬶᬂ᭞ᬩᬳᬸᬤᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬅᬩ᭄ᬭᬶᬬᬸᬓᬦ᭄ᬲᬫᬶᬫᬦ᭄ᬢᬸᬓ᭄᭞ᬗᬸᬗ᭄ᬲᬶᬓᬭᬂᬓᬧᬢᬶᬬᬦ᭄᭞ᬮᬶᬗ᭄ᬕᬶᬄᬤᬦᬾᬕᬸᬲ᭄ᬢᬶᬧᬢᬶᬄ᭞ᬲᬫ᭄ᬧᬸᬦ᭄ᬭᬯᬸᬄ᭞ᬫᬭᬶᬂᬚᭂᬭᭀᬲᭀ
ᬯᬂᬲᭀᬯᬂ᭟᭐᭟ᬘᬭᬶᬢᬬᬂᬧᬢᬶᬄᬯᬺᬤ᭄ᬥ᭞ᬢᬍᬃᬲᬫ᭄ᬧᬸᬦ᭄ᬤᬦᬾᬧ᭄ᬭᬵᬧ᭄ᬢᬶ᭞ᬭᬩᬶᬦ᭄ᬤᬦᬾᬲᬤᬳᬾᬜ᭄ᬘᭀᬮ᭄᭞ᬜᬧᬫᬤᬸᬮᬸᬭᬦ᭄ᬓᭂᬜᬶᬂ᭞ᬫᬮᬶᬗ᭄ᬕᬶᬄᬤᬸᬫᬸᬦ᭄ᬩᭂᬮᬶ᭞ᬢᬶᬢ᭄ᬬᬂ
ᬓᬧ᭄ᬯᬃᬕ᭄ᬕᬦ᭄ᬤᬸᬫᬸᬦ᭄᭞ᬓᬦ᭄ᬢᬸᬦ᭄ᬦᬩ᭄ᬤᬩᬂᬲᭀᬤᬬᬦ᭄᭞ᬫᬮᬶᬗ᭄ᬕᬶᬄᬳᬶᬕᬸᬲ᭄ᬢᬶᬧᬢᬶᬄ᭞ᬲᬕᬾᬢ᭄ᬭᬯᬸᬄ᭞ᬭᬩᬶᬦᬾᬫᬓ᭄ᬢᬳᬚᭂᬗᬦ᭄᭟᭐᭟ᬲᬂᬓᬵᬮᬶᬄᬳᬸᬲᬦ᭄ᬫᬚᭂᬗᬦ᭄᭞ᬭᬩᬶ
[᭗ 7A]
ᬦ᭄ᬤᬦᬾᬕᬸᬲ᭄ᬢᬶᬧᬢᬶᬄ᭞ᬢᬸᬫᬸᬮᬶᬳᬸᬫᬢᬸᬃᬳᬮᭀᬦ᭄᭞ᬫᬶᬦᬩ᭄ᬯᬾᬦ᭄ᬢᭂᬦ᭄ᬩᬯᭀᬲ᭄ᬧᬶᬗᬶᬢ᭄᭞ᬳᬯᬶᬦᬦ᭄ᬓᬦ᭄ᬢᭀᬲ᭄ᬢᭂᬗᬳᬶ᭞ᬧᬦᬗ᭄ᬓᬶᬮᬦᬾᬳᬶᬯᬳᬸ᭞ᬧᬫᬦ᭄ᬯᬺᬤ᭄ᬥᬫᬗᬦ᭄ᬤᬶᬓ᭞ᬲᬚᬩᬸᬓ
ᬭᬯᭀᬲᬤᬶ᭞ᬦᬲᬂᬧ᭄ᬭᬪᬸ᭞ᬧᬘᬂᬗᬯᬗᬸᬦ᭄ᬧᬧᬶᬦ᭄ᬤᬦ᭄᭟᭐᭟ᬧᬧᬶᬦ᭄ᬤᬦ᭄ᬚᬕᬢ᭄ᬲ᭄ᬯᬃᬕ᭄ᬕ᭞ᬜᬢ᭄ᬯᬬᬂᬳᬢ᭄ᬫᬦᬾᬲᬫᬶ᭞ᬲᬦᬾᬫᬗ᭄ᬕᬸᬳᬂᬓᬲᬸᬓᬦ᭄᭞ᬨᬮᬦ᭄ᬧᬓᬃᬤ᭄ᬥᬶᬦᬾᬩᭂᬘᬶᬓ᭄᭞᭠
ᬲᬗ᭄ᬓᬦᬶᬂᬢᭂᬍᬩ᭄ᬗᬦᬹᬢᬶᬦ᭄᭞ᬲᭀᬮᬳᬾᬲᬦᬾᬭᬳᬬᬸ᭞ᬢᭂᬍᬩ᭄ᬫᬤᬵᬦᬧᬸᬡ᭄ᬬ᭞ᬪᬓ᭄ᬢᬶᬭᬶᬂᬳᬶᬤᬳ᭄ᬬᬂᬯᬶᬥᬶ᭞ᬲᭀᬮᬄᬳᬦᬹᬢ᭄᭞ᬗᬦᬹᬢᬶᬦ᭄ᬤᬕᬶᬂᬅᬕᬫ᭟᭐᭟ᬧᬧᬶᬦ᭄ᬤᬦ᭄ᬚᬕ
ᬢ᭄ᬦᬵᬭᬓ᭞ᬲᬗᭂᬢ᭄ᬧᬶᬲᬦ᭄ᬗᬚᬚ᭄ᬭᬶᬳᬶᬦ᭄᭞ᬲᬮ᭄ᬯᬶᬃᬳᬢ᭄ᬫᬦᬾᬓᬲᬲᬃ᭞ᬓᬤᬸᬄᬓᬶᬢᬦ᭄ᬓᬲᬓᬶᬢᬦ᭄᭞ᬲᬢᬢᬵᬲᭂᬤᬶᬄᬓᬶᬂᬓᬶᬂ᭞ᬮᬭᬭᭀᬕᬦᬾᬫᬤᬸᬕ᭄ᬤᬸᬕ᭄᭞ᬨᬮᬦ᭄ᬧᬓᬃᬤ᭄ᬥᬶᬦᬾ
Page:Bali-lontar-gaguritan-nilacandra-300ppi.pdf/7
Jump to navigation
Jump to search
This page has been proofread.
