[᭔᭔44B]
᭔᭔
ᬳᬶᬤᬾᬯ᭄ᬯᬵ᭞ᬧᬸᬢ᭄ᬭᬶᬲ᭄ᬬᬸᬂᬢᬸᬫᬸᬮᬶᬳᬶᬤᬵᬳᬦ᭄ᬤᬸᬮᬸ᭞ᬲᬳᬫᬦᬢᬩᬶᬦ᭄ᬢᬗᬦ᭄᭞ᬓᬳᬢᭂᬃᬜᬦ᭄ᬫᬦ᭄ᬢ᭄ᬭᬲᬦ᭄ᬤᬶ᭟ᬲᬕᬾᬢ᭄ᬤᬤᬶᬫᬗ᭄ᬭᬾᬚᬢ᭄᭞ᬓᬧᬸᬧᬸᬗ᭠
ᬦ᭄ᬬᬫᬓᬶᬢᬵᬫᬮᬳᬶᬩ᭄᭞ᬳᬾᬗ᭄ᬕᬮ᭄ᬫᬾᬫᬾᬜᬫᬗ᭄ᬮᬸᬢ᭄᭞ᬢᭀᬘ᭄ᬦᬶᬂᬮᬓᬃᬓᬶᬚᬵ᭞ᬦ᭄ᬤᬾᬦ᭄ᬩᭂᬦᭂᬳᬂᬦᬾᬢᭀᬮᬶᬄᬳᬶᬤᬵᬲᬗᬬᬸ᭞ᬳᬰ᭄ᬯᬶᬦᭀ᭠
ᬤᬾᬯ᭄ᬯᬵᬤᬶᬮ᭄ᬫᬄ᭞ᬗᬶᬘᬾᬦ᭄ᬢᬶᬃᬢ᭄ᬣᬲᬜ᭄ᬚᬶᬯᬦᬶ᭟ᬫᬤᬓ᭄ᬘᭂᬦᬶᬂᬲᬶᬤ᭄ᬥᬵᬯᬭᬲ᭄᭞ᬯᭂᬃᬤ᭄ᬥᬶᬚᬶᬯ᭄ᬯᬳᬚᬓ᭄ᬫᬾᬫᬾᬩᬋᬂᬲᬓᬶᬬ᭄᭞ᬦᬢᬓᬶᬦ᭄ᬧᬳᬶᬘᬦ᭄ᬢᬸᬤᬸᬄ᭠
ᬫᬾᬫᬾᬓᬤᬸᬂᬗᬮᬶᬯᬢ᭄᭞ᬜᬲᬗᬶᬬᬂᬳᬸᬓᬸᬤᬦ᭄ᬘᭂᬦᬶᬗᬾᬩᬳᬸ᭞ᬳᬧᬂᬤᬤᬶᬧᬗᬬᬄ᭞ᬢᬸᬓᬂᬧᬦᬮᬶᬓᬦ᭄ᬧᬸᬭᬶ᭟ᬤᬸᬭᬸᬂᬧᬸᬧᬸᬢ᭄ᬧᬭᬭ
[᭔᭕45A]
ᬱᬦ᭄᭞ᬲᬕᬾᬢ᭄ᬯᬾᬦ᭄ᬢᭂᬦ᭄ᬧᬶᬦᬶᬓᬵᬭᬯᬸᬄᬯ᭄ᬗᬶ᭞ᬫᬳᬸᬍᬓᬤ᭄ᬢᭂᬕᭂᬄᬩᬸᬗ᭄ᬕᬸᬮ᭄᭞ᬤᭂᬤᭂᬢ᭄ᬓᬩᬶᬦᬵᬩᬶᬦᬵ᭞ᬓᬤᬶᬫᬾᬖᬵᬭᬶᬓᬵᬮᬰᬰᬶᬄᬓᬳᬸᬮᬸ᭞᭠
ᬫᬢᭂᬮ᭄ᬢᭂᬮ᭄ᬫᬗ᭄ᬫᬸᬳᬸᬤᬦ᭄᭞ᬫᬗᬃᬬ᭄ᬬᬋᬲ᭄ᬋᬲᬶᬗ᭄ᬳᬢᬶ᭟ᬓᬦ᭄ᬤᬸᬕᬶᬭᬭᬶᬲ᭄ᬓ᭠ᬘᬶᬗᬓ᭄ᬭᬶᬂᬲᬂᬤ᭄ᬬᬄᬧ᭄ᬭᬯᬸᬄᬯ᭄ᬗᬶᬦᬾᬫᬗ᭄ᬓᬶᬦ᭄᭞ᬳᬯᬦᬦ᭄ᬳᬶᬤᬵᬲᬗᬬᬸ᭞ᬢ᭄ᬭᬕ᭄ᬬᬵ
ᬫᬲᬗᬂᬬᭀᬕ᭄ᬕᬵ᭞ᬚᬧᬵᬫᬦ᭄ᬢ᭄ᬭ᭞ᬲᬹᬃᬬ᭄ᬬᬲᬳᬰᬺᬓᬕᬶᬦᬸᬂ᭞ᬧᬫᬸᬘᭂᬄᬯ᭄ᬗᬶᬲᬚᬕᬢ᭄᭞ᬧᬗᬼᬩᬹᬃᬲᬵᬃᬯ᭄ᬯᬵᬪᬶᬘᬭᬶ᭟ᬳᬯᬦᬦ᭄ᬫᬯ᭄ᬢᬸᬕᬮᬂ᭞ᬮ᭄ᬯᬶᬃᬲᬧᬸᬢᬂᬢ
ᬦ᭄ᬓᬦ᭄ᬢᬸᬦ᭄ᬫᬭᬯᬢ᭄ᬯᭂᬗᬶ᭞ᬲᬕᬾᬢ᭄ᬳᬶᬗᭀᬲ᭄ᬗᭀᬲᬦ᭄ᬩᬸᬦ᭄ᬢᬸᬓ᭄᭞ᬲ᭄ᬩᭂᬗᬾᬓᬚ᭄ᬗᬄᬚ᭄ᬗᬄ᭞ᬢᬹᬃᬫᬜᬸᬫ᭄ᬩᬄ᭞ᬫᬗ᭄ᬳᭂᬲ᭄ᬲᬳᬵᬫᬳᬢᬹᬃ᭞ᬲᬶᬗ᭄ᬕᬶᬄᬭᬢᬸᬲᬗᬤ᭄ᬬᬄ᭞ᬯ
Page:Bali-lontar-gaguritan-manukan-400ppi.pdf/45
Jump to navigation
Jump to search
This page has been proofread.
