[᭔᭓43B]
᭔᭓
ᬓᬯᬵᬧᬥᬵᬲ᭄ᬧᬶ᭞ᬧ᭄ᬭᬘᬶᬭᬶᬦ᭄ᬫᬦ᭄ᬢ᭄ᬭᬦᬾᬳᬸᬗ᭄ᬕᬸᬮ᭄᭞ᬧᬫᬸᬦᬄᬥᬹᬃᬕ᭄ᬕᬵᬪᬶᬘᬭᬵᬲᬕᬾᬢ᭄ᬧ᭄ᬭᬧ᭄ᬢᬵᬫᬲ᭄ᬩᭂᬲᭂᬦ᭄ᬤᬸᬳᬶᬓᬸᬓᬹᬃ᭞ᬓ᭄ᬮᬾᬫ᭄ᬧᬄᬚ᭄ᬮᬾᬫ᭄ᬧᭀᬄᬫᬵᬢᬹᬃᬜᬸᬫ᭄ᬩᬄ᭞ᬢ᭠
ᬩᬸᬳᬾᬫᬗᬲᬶᬳᬲᬶᬄ᭟ᬲᬶᬗ᭄ᬕᬶᬄᬭᬢᬸᬤᬾᬯᬦ᭄ᬢᬶᬢ᭄ᬬᬂ᭞ᬤᭀᬂᬢᬸᬮᬸᬲᬂᬲ᭄ᬯᬾᬘᬦᬾᬭᬢᬸᬫᬗ᭄ᬓᬶᬦ᭄᭞ᬭᬾᬄᬮᬘᬹᬃᬢᬶᬢ᭄ᬬᬂᬤᬸᬭᬸᬲ᭄᭞ᬲᭀᬫᬄᬧ᭄ᬬᬦᬓ᭄ᬦᬶᬗ᭄ᬕᬮ᭄ᬧᭂᬚᬄ
᭞ᬯᬳᬸᬧᬶᬲᬦ᭄᭞ᬲᬫᬶᬳᬚᬓ᭄ᬢᬶᬢ᭄ᬬᬂᬗ᭄ᬭᬸᬓ᭄᭞ᬢᬦ᭄ᬧᬮᬭᬧᬦ᭄ᬲᬓᬶᬢ᭄ᬩᬲᬂᬢᬦ᭄ᬲᬶᬤ᭄ᬥᬵᬳᬦ᭄ᬢᬸᬓ᭄ᬦᬸᬮᬸᬗᬶᬦ᭄᭟ᬬᬾᬦᬶᬂᬲᬤ᭄ᬬᬳᬶᬧᬸᬦ᭄ᬯᬭᬲ᭄᭞ᬫᬗ᭄ᬤᬵᬗᬬᬄᬭᬶᬂ
ᬧᬸᬭᬶᬤᬤᭀᬲ᭄ᬧᬓ᭄ᬫᬶᬢ᭄᭞ᬳᬶᬧᬸᬢᭂᬄᬜᬋᬗᬶᬦ᭄ᬳᬶᬧᬸᬦ᭄᭞ᬤᬤᭀᬲ᭄ᬢᬸᬓᬂᬧᬦᬮᬶᬓᬦ᭄᭞ᬫᬗᬢᬹᬭᬂ᭞ᬤᬤᬸᬯᬳᬦ᭄ᬲᬦᬾᬧᬢᬸᬢ᭄᭞ᬳᬗ᭄ᬕᬾᬦ᭄ᬭᬢᬸᬫᬜᬶ᭠
[᭔᭔44A]
ᬳ᭄ᬦᬬᬂ᭞ᬭᬳᬶᬦᬵᬓᬮᬵᬯᬦ᭄ᬯᭂᬗᬶ᭟ᬲᬂᬧᬸᬢ᭄ᬭᬶᬳᬮᭀᬦ᭄ᬫᬦᬶᬫ᭄ᬩᬮ᭄᭞ᬫᬗᬦ᭄ᬤᬶᬓᬤᭀᬂᬤᬢᬾᬬᬮᬸᬲ᭄ᬤᬶᬄ᭞ᬤᬸᬫᬤᬓ᭄ᬲ᭄ᬯᬾᬘᬳ᭄ᬬᬂᬢᬸᬤᬸᬄᬫ᭄ᬲᬶᬤ᭄ᬥᬵᬗᬶᬘᬾᬦ᭠
ᬫᭂᬃᬢ᭄ᬣᬵ᭞ᬧᬗᬼᬩᬹᬃᬭᬦ᭄ᬫ᭄ᬳᬮᬵᬧᬢᬓᬦᬾᬭᬧᬸᬄ᭞ᬮᬭᬵᬭᬵᬕᬲᬶᬤ᭄ᬥᬵᬢᬸ᭠ᬲ᭄ᬢᬲ᭄᭞ᬧᬧᬵᬓ᭄ᬮᬾᬱᬧᬸᬦᬄᬲᬫᬶ᭟ᬤᭀᬂᬳᭂᬜ᭄ᬘᬾᬦ᭄ᬧᬦᬓᬾᬮᬭᬵ᭞ᬳᬧᬂᬦᬶ
ᬭᬵᬢᬢᬲ᭄ᬫᬳᬦ᭄ᬜᬶᬗᬓᬶᬦ᭄᭞ᬫᬦᬶᬫ᭄ᬩᬮ᭄ᬳᬢᬹᬃᬳᬶᬓᬸᬓᬹᬃ᭞ᬭᬢᬸᬓᬦ᭄ᬢᬸᬦ᭄ᬭᬶᬂᬚᬩᬵ᭞ᬤᬸᬭᬸᬲ᭄ᬘᬶᬗᬓ᭄᭞ᬢᬸᬫᬸᬮᬶᬭᬭᬶᬲ᭄ᬮᬸᬫᬓᬸ᭞ᬢᬜ᭄ᬘ᭄ᬭᬶᬢᬬᬂᬭᬶᬂᬳᬯᬦ᭄᭞ᬲᬕᬾ᭠
ᬢ᭄ᬲᬫ᭄ᬧᬸᬦ᭄ᬲᬫᬶᬧ᭄ᬭᬧ᭄ᬢᬶ᭟ᬳᬶᬓᬸᬓᬹᬃᬳᬶᬚᬸᬗᬾᬜ᭄ᬘᭀᬮᬂ᭞ᬜᬗ᭄ᬓᭀᬮ᭄ᬧ᭄ᬬᬦᬓ᭄ᬗᬢᬹᬭᬂᬭᬶᬂᬢ᭄ᬯᬦ᭄ᬧᬸᬢ᭄ᬭᬶ᭞ᬧᬸᬦᬶᬓᬶᬭᬢᬸᬤᬾᬯᬵᬬᬸ᭞ᬧᬋᬓᬦ᭄ᬘᭀᬓᭀᬃ
Page:Bali-lontar-gaguritan-manukan-400ppi.pdf/44
Jump to navigation
Jump to search
This page has been proofread.
