[᭓᭑31B]
᭓᭑
ᬲᬓᬶᬢ᭄᭞ᬫ᭄ᬯᬮᬶᬚᬢᬶᬚ᭄ᬦᬃ᭞ᬢᬦ᭄ᬧᬢᬫ᭄ᬧᬓ᭄ᬲᬶᬫ᭄ᬩᬸᬄ᭞ᬢᬦ᭄ᬧᬢᬫ᭄ᬧᬓ᭄ᬧᬦᬯᬃ᭞ᬲᬶᬤ᭄ᬥᬵᬯᬭᬲ᭄᭞ᬦᬗ᭄ᬳᬶᬂᬲᬓᬶᬢᬾᬫᬧᬶᬮᬶᬄ᭞ᬦᬾᬧᬘᬂᬓᬳᬶᬘᬾ᭠
ᬦ᭄ᬳᬸᬩᬤ᭄᭟ᬬᬦᬶᬂᬳᬤᬵᬳᬦᬓ᭄ᬢᬶᬯᬲ᭄ᬫᬲ᭄ᬓᬶᬦ᭄᭞ᬓᬲᬓᬶᬢᬦ᭄᭞ᬫᬭᬵᬓᬶ᭠ᬘᬾᬦ᭄ᬳᬸᬩᬤ᭄᭞ᬦᬗ᭄ᬳᬶᬂᬗᬩᬵᬭᬸᬦ᭄ᬢᬸᬢᬦᬾ᭞ᬫᬤᬓ᭄ᬱᬶᬡᬵᬢ᭄ᬮᬳᬶᬂᬢᬦᬸ᭞ᬫᬘ᭠
ᬦᬂᬩᬸᬤ᭄ᬥᬶᬧᬓᭂᬃᬢ᭄ᬢᬶ᭞ᬫᬓᬢᬶᬧᬢ᭄ᬩᬳᬦ᭄ᬢᬶᬗ᭄ᬓᬄ᭞ᬲᭀᬮᬳᬾᬭᬳᬬᬸ᭞ᬫᬧᬚᬢᬶᬩᬦ᭄ᬓ᭄ᬭᬸᬡ᭞ᬫᬦᭀᬳᬭᬵ᭞ᬲᬶᬤ᭄ᬥᬵᬗᬮᬾᬤᬗᬶᬦ᭄ᬳᬢᬶ᭞ᬫᬗᬯᬾ
ᬓ᭄ᬭᬳᬬ᭄ᬯᬦ᭄ᬚᬕᬢ᭄᭟ᬳᬶᬘᬭᬸᬓ᭄ᬘᬸᬓ᭄ᬭᬭᬶᬲ᭄ᬦᬶᬫ᭄ᬩᬮ᭄ᬫᬫᬸᬜᬶᬫᬗᬫ᭄ᬩ᭄ᬭᬾᬲᬂ᭞ᬳᬶᬄᬢᬫ᭄ᬬᬸᬓᬾᬦ᭄ᬓᬾᬦᬦ᭄᭞ᬓᬧᬸᬧᬸᬗᭂᬦ᭄ᬢᭂᬓᬵᬫᬳᬶ᭞ᬫᬶᬭᬶᬩ᭄ᬢᬾᬫᬭᬩᬗᬸᬦ᭄᭞
[᭓᭒32A]
ᬚ᭄ᬦᭂᬂᬓᬾᬬᬲᬸᬳᬸᬦ᭄ᬗᬶᬧᬶ᭞ᬲᬗ᭄ᬓᬦ᭄ᬧᭂᬲᬸᬭᬯᭀᬲ᭄ᬜᬧ᭄ᬜᬧ᭄᭞ᬢᬓᭂᬄᬕᬼᬫ᭄ᬗᭂᬩᬸᬲ᭄᭞ᬧᬦᬲᬾᬓᬼᬫ᭄ᬓᬢ᭄ᬗᬄ᭞ᬤᬶᬦᬶᬳᭂᬫ᭄ᬧᬄ᭞ᬲᬗ᭄ᬓᬦ᭄ᬬᬫᬗᬸᬭᬶᬫᬶᬓ᭄᭞ᬢᭀᬂᬜ
ᬦ᭄ᬤᬂᬩᬓᬢ᭄ᬋᬲᭂᬧᬂ᭟ᬤᭀᬂᬳᬾᬗ᭄ᬕᬮᬂᬦᬾᬚᬦᬶᬳᬸᬩᬤᬶᬦ᭄᭞ᬳᬧᬂᬯᬭᬲ᭄᭞ᬩᬗ᭄ᬮᬾᬢᭀᬳᬲᬩᬂ᭞ᬘ᭄ᬓᬸᬄᬫᬲ᭄ᬯᬶᬳᬶᬲᬶᬦᬶᬦ᭄᭞ᬘᬦ᭄ᬤᬦᬵᬩᬋᬂᬤᬶᬢᬸ᭞
ᬦ᭄ᬢᭀᬳᬗ᭄ᬕᭀᬦ᭄ᬦᬢᬾᬭᬾᬓᬶᬦ᭄᭞ᬤᭀᬦ᭄ᬚᬸᬳᬸᬓ᭄ᬩᬶᬦ᭄ᬳᬮᬶᬳᬂ᭞ᬢᬸᬫ᭄ᬩᬄᬓᬸᬜᬶᬢ᭄ᬘ᭄ᬓᬸᬄ᭞ᬲᬵᬫ᭄ᬧᬃᬯᬦ᭄ᬢᬸᬭᬶᬂᬩᬳᬲ᭄᭞ᬢᭀᬢ᭄ᬭᬧᬂ᭞ᬗ᭄ᬕᭀᬦ᭄ᬜᬶᬫ᭄ᬩᬸᬄᬢ᭄ᬮᬧᬓ
ᬦ᭄ᬩᬢᬶᬲ᭄᭞ᬳᭂᬦ᭄ᬢᭀᬧᬗᬺᬋᬤᬦ᭄ᬧᬦᬲ᭄᭟ᬬᬦᬶᬂᬧᬃᬡ᭄ᬦᬕᬸᬮᬶᬲᭀᬮ᭠ᬳᬾᬗᬶᬦ᭄ᬢᬶᬧ᭄᭞ᬲᬤ᭄ᬥᬵᬫ᭄ᬭᬾᬗᬂ᭞ᬫᬢᬵᬚᭀᬄᬤᬶᬢ᭄ᬗᬄ᭞ᬓ᭄ᬮᬸᬲ᭄ᬢᭂᬧᬸᬕᭀᬩᬵᬤ᭄ᬓᬶᬮ᭄᭞
Page:Bali-lontar-gaguritan-manukan-400ppi.pdf/32
Jump to navigation
Jump to search
This page has been proofread.
