[᭓᭐30B]
᭓᭐
ᬦ᭄ᬲᬵᬫ᭄ᬧᬸᬦ᭄᭞ᬧ᭄ᬭᬲᬶᬤ᭄ᬥᬵᬗᬢᬹᬭᬂᬢᬫ᭄ᬩᬵ᭞ᬢᬦ᭄ᬜᬶᬤᬬᬂ᭞ᬚᬧᬵᬫᬦ᭄ᬢ᭄ᬭᬗᬯ᭠ᬭᬲᬶᬦ᭄᭞ᬲᬃᬯ᭄ᬯᬲ᭄ᬤᬦᬵᬦᬾᬢ᭄ᬮᬲ᭄᭟ᬲᬲᬗᬶᬳᬓᬸᬤᬂᬲᬲᬗᬶᬫᬢ᭄ᬕᭂᬧᬦ᭄᭞ᬭᬶᬂᬕᬸ
ᬦᬸᬂᬭᬶᬂᬳᬮᬲ᭄᭞ᬭᬶᬂᬧᬹᬭᬧᬫ᭄ᬭᬚᬦ᭄ᬲᬫᬶ᭞ᬧᬦᬸᬗ᭄ᬕᬸᬦ᭄ᬓᬭᬂᬲᬵᬫ᭄ᬧᬸᬦ᭄᭞ᬲᬗ᭄ᬕᬸᬧ᭄ᬧᬘᬂᬫᬜᬭᭀᬦᬶᬦ᭄᭞ᬳᬦ᭄ᬢᬸᬓ᭄ᬘᬭᬸᬋᬱᬶᬕᬡᬵ᭞ᬧ᭄ᬭᬲᬶᬤ᭄ᬥᬵᬳᬗ᭄ᬕᬾᬦ᭄ᬫᬬᬸᬄ᭞ᬲᬶ᭠
ᬜᬳᬶᬧᬸᬦ᭄ᬗᬭᬸᬪᬾᬤ᭄ᬥᬵ᭞ᬗᬯᬾᬲᬸᬗ᭄ᬓᬦ᭄᭞ᬳᬸᬬᬗᬾᬢᬦ᭄ᬓ᭄ᬦᬶᬢᬫ᭄ᬩᬦᬶᬦ᭄᭞ᬓᬤᬶᬓ᭄ᬦᬶᬚᬭᬦ᭄ᬕᬸᬬᬂ᭟ᬭᬭᬶᬲ᭄ᬳᬶᬤᬵᬭᬶᬓᬵᬮᬦᬶᬂᬯ᭄ᬗᬶ᭞ᬫᬜᬸᬫ᭄ᬧᭂᬦᬵ᭞ᬓᬭᬯᬸ
ᬳᬦ᭄ᬳ᭄ᬬᬂ᭞ᬓᬧᬓᬕᬦ᭄ᬧᬶᬢᬸᬤᬸᬳᬾ᭞ᬭᬾᬄᬳᬶᬭᬶᬓᬶᬓᬯᬸᬯᬸᬲ᭄᭞ᬯᬾ᭠ᬦ᭄ᬢᭂᬦ᭄ᬩᬮ᭄ᬬᬦ᭄ᬲᬶᬓᭂᬢ᭄ᬫᬡ᭄ᬥᬶ᭞ᬳᬯᬦᬦ᭄ᬭᬢᬸᬢᬶᬢ᭄ᬬᬂ᭞ᬳᬯᬯᬦᬦ᭄ᬭᬢᬸᬢᬶᬢ᭄ᬬᬂ᭠
[᭓᭑31A]
ᬢᬗ᭄ᬓᬶᬮ᭄ᬭᬶᬂᬳᬶᬭᬢᬸ᭞ᬜᬤ᭄ᬬᬢᬶᬢ᭄ᬬᬂᬦᬸᬦᬲ᭄ᬳᬸᬩᬤ᭄᭞ᬢᬫ᭄ᬩᬵᬳᬸᬬᬂ᭞ᬍᬂᬍᬂ᭠ᬩᬸᬗᭂᬂᬮᬶᬗ᭄ᬮᬸᬂᬧᬮᬶᬂ᭞ᬗᬫᬾᬳᬫᬾᬭᬢᬸᬩᬸᬮᬦ᭄᭟ᬲᬫᬶᬩᬸᬗᭂᬂᬩᭂᬮ᭄ᬩᭂᬮᭂᬦ᭄ᬲᬂ᭠
ᬧ᭄ᬢᬂᬤᬶᬭᬶ᭞ᬢᬦ᭄ᬧᬗᬸᬘᬧ᭄᭞ᬳᬶᬭᬶᬓᬵᬦᭀᬕᬲᬂ᭞ᬳᬶᬩᬸᬘᬶᬘᬵᬕ᭄ᬮᬶᬲ᭄ᬜᬯᬸᬭᬶᬦ᭄᭞ᬜᬦ᭄ᬢᬾᬅ᭄ᬜᬦ᭄ᬢᭂᬮ᭄ᬫᬸᬜᬶᬦᬶᬧᬸᬦ᭄᭞ᬳᬶᬄᬳ᭄ᬜᬾᬦ᭄ᬳᬤᬦ᭄ᬘᬳᬶᬦᬾ᭞᭠
ᬫᬳᬶᬫᬳᬶᬗᬶᬤᬶᬄᬳᬸᬩᬤ᭄᭞ᬦᬕᬶᬄᬩᬲᬦ᭄ᬲᬶᬫ᭄ᬩᬸᬄ᭞ᬳᬲ᭄ᬢ᭄ᬭᬾᬦ᭄ᬩᬯᬂᬫ᭄ᬯᬂᬧᬦᬯᬃ᭞ᬮᬮ᭄ᬓᬲᬦ᭄᭞ᬩᬲ᭄ᬓᬮᬶᬯᬢ᭄ᬧᭀᬗᬄᬚ᭄ᬯᬭᬶ᭞ᬕᭀᬩᬦᬾᬗᭂᬢᬸᬳᬂᬫ᭠
ᬢ᭄ᬣᬵ᭟ᬢ᭄ᬯᬄᬲᬚᬵᬧᬫᬸᬜᬶᬦ᭄ᬘᬳᬶ᭞ᬳᬤᬵᬩᬮ᭄ᬬᬦ᭄᭞ᬲᬶᬓᭂᬢ᭄ᬢᬦ᭄ᬧᬫᬵᬦ᭄ᬢ᭄ᬭ᭞ᬯᬭᬲ᭄ᬳᬲᬶᬂᬓᬢᬫ᭄ᬩᬦᬶᬦ᭄᭞ᬢᬦ᭄ᬧᬫᬶᬦ᭄ᬤᭀᬧᬶᬂᬢ᭄ᬮᬸ᭞ᬳᬧᬶᬲᬦ᭄ᬯᬭᬲ᭄ᬲᬂ
Page:Bali-lontar-gaguritan-manukan-400ppi.pdf/31
Jump to navigation
Jump to search
This page has been proofread.
