[᭑᭐10B]
᭑᭐
ᬦᬂᬦ᭄ᬢᭀᬲᬸᬚᬢᬶᬦᬾᬧᬢᬸᬄ᭞ᬤᬤ᭄ᬯᬫ᭄ᬮᬄᬢ᭄ᬮᬸᬫᬥ᭄ᬬ᭞ᬧᬢ᭄ᬧᬢ᭄ᬦᬶᬱ᭄ᬝᬰ᭄ᬭᬶᬍ᭠ᬩᬶᬄ᭞ᬤ᭄ᬯᬦᬶᬂᬲᬵᬫ᭄ᬧᬸᬦ᭄ᬲᬧᬸᬦᬶᬓᬵ᭞ᬧᬕᬸᬦᬶᬢᬦ᭄ᬳᬶᬓᬸᬕ᭄ᬓᬸᬕᬦ᭄ᬮᬦ᭄ᬳᬶᬩ᭄ᬮᬶᬩᬶᬲ᭄᭞᭠
ᬳᬶᬭᬶᬓᬵᬭᬭᬶᬲ᭄ᬲᬂᬧ᭄ᬭᬪᬹ᭞ᬤᬯᬸᬄᬋᬦ᭄ᬢᭂᬄᬧᬯᬘᬦᬵ᭞ᬲ᭄ᬫᬸᬩᬶᬗᬃᬢᬩᬸᬳᬾᬫᬢ᭄ᬭᬸᬄᬢ᭄ᬭᬸᬄ᭞ᬭᬾᬄᬳᬦ᭄ᬤᭂᬮᬶᬂᬯᬺᬤ᭄ᬥᬬᬵ᭞ᬚᬦ᭄ᬢᭂᬦ᭄ᬧᬜ᭄ᬘᬶᬗᬾᬗᬚᬭᬶᬦ᭄᭟
ᬉᬥᬸᬄᬧᬭᬵᬤ᭄ᬫᬸᬂᬗᬶᬭᬵ᭞ᬫ᭄ᬯᬂᬧ᭄ᬭᬫᬾᬦᬓ᭄ᬧ᭄ᬭᬫᬦ᭄ᬢ᭄ᬭᬶᬧᬢᬶᬄᬲᬫᬶ᭞ᬤᭀᬂᬳ᭄ᬦᬄᬓᬾᬫᬲᬯᬸᬢ᭄᭞ᬓᬮᬶᬂᬦᬸᬤᬶᬧᬦᬗ᭄ᬓᬶᬮᬦ᭄᭞ᬳᭀᬜᬂᬧᭂᬲ᭄ᬯᬂ᭞ᬳᬶᬢᬸ
ᬗᬦᬾᬦᬾᬦᬾᬧᬢᬸᬢ᭄᭞ᬳᬧᬂᬲᬶᬂᬤᬶᬚᬩᬬᬦ᭄᭞ᬩ᭄ᬯᬶᬦ᭄ᬗᬭᬾᬫᭀ᭠ᬦ᭄ᬗᬸᬭᬶᬫᬶᬓ᭄᭟ᬢ᭄ᬯᬭᬵᬫᬦᬹᬢᬶᬂᬰᬰᬡ᭞ᬬᬦ᭄ᬲᬂᬓ᭄ᬱᬢ᭄ᬭᬶᬬᬩᬦᬶᬦᬾᬢ᭄ᬯᬄ
[᭑᭑11A]
ᬤᬶᬤᭀᬭᬶ᭞ᬳᬶᬗᭂᬃᬲᬢ᭄ᬯᬦᬾᬦᬾᬫᬮᬸ᭞ᬲ᭄ᬤᬸᬓ᭄ᬤᬶᬤ᭄ᬯᬭᬯᬢ᭄ᬬ᭞ᬫᬕᬸᬦᭂᬫᬦ᭄ᬲᬓ᭄ᬭᬳᬶᬂᬯᬢᭂᬓ᭄ᬬᬥᬸ᭞ᬦᬗ᭄ᬓᬶᬮᬶᬦ᭄ᬧ᭄ᬭᬪᬹᬓᬺᬱ᭄ᬡᬵ᭞ᬫᬕ᭄ᬩᬸᬕ᭄ᬢᬶᬫ᭄ᬩᬮ᭄ᬫᬗᬸᬮᬶᬄ᭟ᬫᬗᬸᬮᬶ
ᬳᬸᬮᬶᬄᬗ᭄ᬭᬱ᭞ᬲᬸᬫᬗ᭄ᬤᬾᬦᬾᬧ᭄ᬭᬲᬶᬤ᭄ᬥᬵᬫᬦ᭄ᬫᬸᬮᬸᬯᬶᬄ᭞ᬲᬕᬮᬓ᭄ᬕᬶᬮᬶᬓ᭄ᬲᬕᬸᬮᬸᬓ᭄᭞ᬓᬾᬢᭀᬧᬫᬦ᭄ᬫᬓ᭄ᬚᬂ᭞ᬳᬧᬂᬲᬶᬤ᭄ᬥᬳᬶᬢᬸᬗᬦᬾᬗᬶᬮᬶᬓ᭄ᬢᬸᬫᬸᬲ᭄᭞ᬫ
ᬦᭂᬫ᭄ᬯᬂᬧᬦᭀᬪᬬ᭞ᬗᬺᬜ᭄ᬘᬓᬵᬓᬺᬢ᭄ᬢᬦᬶᬂᬩᬸᬫᬶ᭟ᬓᬾᬦ᭄ᬓᬾᬦ᭄ᬩᬳᬦ᭄ᬧᬫᬦ᭄ᬗᬶᬢᬸᬗᬂ᭞ᬤᬶᬚᬵᬳᬤᬵᬫᬳᭀᬃᬢ᭄ᬢᬵᬭᬚᬵᬧᬸᬢ᭄ᬭᬶ᭞ᬦᬾᬧ᭄ᬭᬚ᭄ᬜᬦ᭄ᬢᬸᬭᬶᬂᬳᬬᬸ᭞᭠
ᬜᬦ᭄ᬤᬂᬳᬗ᭄ᬕᭀᬦ᭄ᬩᬸᬗᬦ᭄ᬦᬢᬂ᭞ᬳᬧᬂᬩᬸᬗᬄᬧᬸᬭᬶᬦᬾᬫᬯᬸᬯᬸᬄᬯᬸᬯᬸᬄ᭞ᬫᬥᬸᬦᬾᬩᬳᬗᬶᬦ᭄ᬯᬥᬄ᭞ᬫᬡᬶᬓ᭄ᬱᭂᬥᬝᬶᬓᬵᬫᬸᬓᬶᬃ᭟ᬭᬶᬯᬯᬳᬸᬳᬲᬧᬸ
Page:Bali-lontar-gaguritan-manukan-400ppi.pdf/11
Jump to navigation
Jump to search
This page has been proofread.
