[᭙9B]
᭙
ᬩᬶᬲ᭄᭞ᬳᬶᬓᬸᬕ᭄ᬓᬸᬕᬦ᭄ᬭᬭᬶᬲ᭄ᬫᬲᬯᬸᬢ᭄᭞ᬳᬶᬄᬘᬳᬶᬮ᭄ᬬᬸᬦᬦ᭄ᬲᬢ᭄ᬯ᭞ᬫᬩᭂ᭠ᬢ᭄ᬧ᭄ᬭᬚ᭄ᬜᬦ᭄᭞ᬳᭂᬦ᭄ᬢᭀᬫᬤᬦ᭄ᬫᬧᬶᬢᬸᬢᬹᬃ᭞ᬧᬢᬓᬾᬦ᭄ᬳᬶᬤᬵᬤᬶᬗᭂᬳᬂ᭞ᬤᭀᬂ᭠
ᬳ᭄ᬮᬾᬦ᭄ᬳᬗ᭄ᬕᭀᬦ᭄ᬜᬳᬸᬢᬶᬦ᭄᭟ᬓᬤᬾᬦ᭄ᬳᬶᬩᬵᬫᬧᬶᬯᬭᬄ᭞ᬫᬧᬶᬤᬃᬢ᭄ᬣᬵᬢ᭄ᬓᬾᬦ᭄ᬧᬶᬲᬕᬵᬲᬫᬶ᭞ᬗᭀᬭᬳᬂᬢ᭄ᬯᬭᬵᬚᬧᬢᬸᬢ᭄᭞ᬬᬦ᭄ᬧᬤᬾᬫᬗ᭄ᬮᬄᬧᬦᬓ᭄᭞
ᬩᭂᬲ᭄ᬮ᭄ᬬᬸᬦᬦ᭄᭞ᬫᬗᬯᬾᬦᬂᬫᬸᬂᬧᬂᬮᬓᬸ᭞ᬭᬾᬄᬢ᭄ᬯᬭᬵᬲᬶᬗᬶᬸᬤ᭄ᬥᬗ᭄ᬭᬸᬗᬸᬯᬂ᭞ᬫᬗᬶᬗᬹᬗᭂᬲᬶᬓᬂᬲᬳᬶ᭟ᬓᬳᬶᬢᬳᬾᬦ᭄ᬫᬗᬦ᭄ᬢᭂᬦᬂ᭞ᬘ᭄ᬭᬶᬓ᭄ᬘ᭄ᬭᬶᬓ᭄ᬤᬶᬩᬗᬯᬦᬾᬫᭂ
ᬲᬶᬓ᭄᭞ᬩᬢᬶᬲ᭄ᬕᬾᬫ᭄ᬧᬾᬮ᭄ᬫᬶᬲᬶᬳᭂᬦ᭄ᬤᬸᬢ᭄᭞ᬳᭂᬦ᭄ᬢᭀᬜᬾᬦ᭄ᬗᭂᬮᬳᬂ᭞᭠ᬳᬧᬂᬢᬯᬂᬳᬯᬓᬾᬮ᭄ᬬᬸᬦᬦ᭄ᬢᬸᬢᬹᬃ᭞ᬳᬶᬍᬗᬃᬫᬘᬘᬃᬘᬘᬩ᭄᭞ᬓᬾᬢᭀᬬᬦ᭄
[᭑᭐10A]
ᬧᬤᬾᬳᬸᬧᬫᬶ᭟ᬬᬦ᭄ᬓᬳᬶᬫᬗᭀᬯᬢᬳᬂ᭞ᬫᬸᬗ᭄ᬕ᭄ᬯᬶᬂᬢᬜ᭄ᬚᭂᬓ᭄ᬳᬢᬹᬭᬾᬫᬫᬶ᭠ᬲᬶᬗ᭄ᬕᬶᬄ᭞ᬫᬢᬸᬢᬂᬳᬶᬤᬵᬲᬂᬧ᭄ᬭᬪᬹ᭞ᬜᬦ᭄ᬤᬂᬫᬗᬮᬧ᭄ᬭᬩ᭄ᬬ᭞ᬓᬸᬤᬵᬤᭂᬧᬂ᭞ᬳᬶᬤᬵ᭠
ᬲᬸᬫᬗ᭄ᬤᬾᬦᬾᬦ᭄ᬭᬸᬲ᭄᭞ᬗᬺᬜ᭄ᬘᬦᬬᬂᬓᬹᬮᬯᬃᬕ᭄ᬕᬵ᭞ᬦᭂᬧᭂᬢᬶᬦ᭄ᬧᬫᬸᬜᬶᬦ᭄ᬘᬳᬶ᭟ᬳᬶᬄᬘᬳᬶᬳᬶᬩᬵᬓᬸᬕ᭄ᬓᬸᬕᬦ᭄᭞ᬳ᭄ᬤᬵᬕᬗ᭄ᬲᬃᬮᬕᬸᬢᬾᬩᬦ᭄ᬢᬲ᭄ᬫᬫᬸᬜᬶ
ᬬᬦ᭄ᬗ᭄ᬭᬯᭀᬲ᭄ᬢ᭄ᬓᭂᬫᬮᬸ᭞ᬤᬦᬸᬭᬄᬓᬸᬮ᭄ᬓᬸᬮ᭄ᬳᬩ᭄ᬬᬦ᭄᭞ᬫᬓ᭄ᬭᬾᬦ᭄ᬢᬗᬦ᭄ᬦᬗ᭄ᬳᬶᬂᬢᭀᬂᬳᬤᬵᬗᬭᬸᬗᬹ᭞ᬗᬍᬧᬸᬕᬂᬳᬶᬲᬶᬦ᭄ᬧᬧᬸᬶᬩ᭄ᬯᬦ᭄᭞ᬗᭂᬫ᭄ᬧᭂᬗᬶᬦ᭄ᬧᬶᬰ
ᬕᬲᬳᬶ᭟ᬬᬾᬦ᭄ᬲᬸᬚᬢᬶᬓ᭄ᬦᭃᬄᬩᭂᬤᬵ᭞ᬳᬧᬂᬳᬶᬤᬵᬤ᭄ᬬᬳᬾᬫᬗᬮᬧ᭄ᬭᬩᬶ᭞ᬲᬸᬫᬗ᭄ᬤᬾᬢᬦ᭄ᬳᬶᬤᬵᬧᬸᬢᬸᬂ᭞ᬦᬗ᭄ᬳᬶᬂᬬᬦ᭄ᬫᬤ᭄ᬯᬾᬳᭀᬓᬵ᭞ᬳᬶᬲ᭄ᬢ᭄ᬭᬶᬮ
Page:Bali-lontar-gaguritan-manukan-400ppi.pdf/10
Jump to navigation
Jump to search
This page has been proofread.
