[᭓᭐ 30B]
᭓᭐
ᬫᬶᬢᬶᬲ᭄ᬤᬤᬶᬚᬓ᭄ᬫᬵ᭞ᬳᬶᬭᬶᬓᬢᬶᬢ᭄ᬬᬂᬫᬦᬯᬸᬃ᭞ᬫᬦᬢᬓᬶᬦ᭄ᬚ᭄ᬮᬾᬫ᭄ᬮᬄ᭞ᬦᬾᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬧᬫᬶᬢ᭄ᬲᬧᬶᬲᬦ᭄᭟᭐ᬳᬫ᭄ᬩᬸᬮ᭄ᬢᭀᬢᬸᬮᬶᬲᬾᬧ᭄ᬭᬕᬢ᭄᭞
ᬲᬫ᭄ᬧᬸᬦ᭄ᬧᭀᬮᬶᬄᬓᬧᬘᬳᬶᬦ᭄᭞ᬧᬢᬹᬢ᭄ᬢ᭄ᬯᬭᬵᬳᬤᬍᬧᬲ᭄᭞ᬢᬢᬸᬮ᭄ᬲᬦ᭄ᬫᬦᬄᬳᬶᬩᬸᬓ᭄᭞ᬤᬶᬤᬶᬗ᭄ᬤᬶᬗᬾᬓᬲᬼᬢᬂ᭞ᬳᬧᬂᬫᬗ᭄ᬓᬶᬦ᭄᭞ᬢᬶᬗ᭄ᬓᬄᬜᬦᬾ
ᬧᬘᬂᬧᭂᬚᬄ᭟᭐ᬲᬕᬾᬣᬤᬩ᭄ᬯᬶᬦ᭄ᬢᭂᬓ᭞ᬫᬭᬾᬭᭀᬤ᭄ᬲᬋᬂᬓᬓᬵᬮᬶᬄ᭞ᬧᬺᬦᬄᬜᬫᬦ᭄ᬜᬤᬶᬫᬶᬲᬦ᭄᭞ᬦᬗ᭄ᬳᬶᬂᬧᬥᬳ᭄ᬮᬸᬄ᭞ᬫᬜᭀᬚᭀᬕ᭄ᬮᬯᬸᬢᬸᬮ᭄ᬬᬦ᭄᭞
ᬫᬦ᭄ᬮᭀᬓᬶᬦ᭄᭞ᬗᬸᬤ᭄ᬬᬂᬫ᭄ᬩᭀᬓ᭄ᬢᬸᬫ᭄ᬩᬾᬜᬲ᭄᭟᭐ᬦᬶᬓ᭄ᬢᬸᬢ᭄ᬓᬯᬶᬫᬦᬶᬫ᭄ᬩᬮ᭄᭞ᬳᬶᬗ᭄ᬕᬶᬄᬫ᭄ᬩᭀᬓ᭄ᬫᬭᬢᬸᬦᬶ᭞ᬫᬲᭂᬳᬶᬦ᭄ᬲ᭄ᬩᭂᬮ᭄ᬤᬶᬳᬯᬓ᭄᭞ᬜᬸᬫᬸᬳᬶᬦ᭄ᬢᬸᬮᬶᬳᬶ
[ ᭓᭑ 31A]
᭓᭑
ᬢ᭄ᬮᬸᬦ᭄᭞ᬲᬗ᭄ᬓᬦ᭄ᬚᬦᬶᬧᬲᭂᬫ᭄ᬗᬦ᭄᭞ᬫᬩᬺᬱᬶᬄ᭞ᬗᬶᬮᬗᬂᬲ᭄ᬩᭂᬮ᭄ᬤᬶᬳᬯᬓ᭄᭟᭐ᬓᬮᬶᬄᬳᭂᬫ᭄ᬩᭀᬔᬶᬩᬶᬲᬜ᭄ᬚ᭞ᬳᬶᬧ᭄ᬬᬦᬾᬚ᭄ᬮᬾᬕᬢᬶ᭞ᬓᬾᬦ᭄ᬓᬾᬦ᭄ᬳᭂᬫ᭄ᬩᭀᬓᬾᬚᬭᬦ᭄ᬜᬵ
᭞ᬗᬶᬧ᭄ᬬᬃᬳᬸᬫᬳᬾᬧᬸᬳᬸᬦ᭄᭞ᬲᬳᬶᬲᬶᬦ᭄ᬕᬸᬫᬳᬾᬢ᭄ᬮᬲ᭄᭞ᬧᬥᬰᬶᬄ᭞ᬢ᭄ᬯᬭᬵᬳ᭄ᬦᬸᬫᬕᬦ᭄ᬢᬸᬮᬦ᭄᭟᭐ᬓᬾᬢᭀᬳᬶᬧᬶᬬᬦᬾᬳᬮᬵ᭞ᬤᭀᬬᬦ᭄ᬳᬤᬫᬗᭂᬫᬲᬶᬦ᭄᭞
ᬩ᭄ᬲᬶᬓ᭄ᬩᭂᬲᬶᬓ᭄ᬲᬮᬄᬢᬸᬗ᭄ᬕᬮ᭄᭞ᬲᬗ᭄ᬓᬦ᭄ᬓᭂᬦᭂᬄᬫ᭄ᬩᭀᬓᬾᬳᬶᬩᬸᬓ᭄᭞ᬫᬢᬶᬦᬾᬢ᭄ᬓᬵᬥᬥᬓᬦ᭄᭞ᬦᬗ᭄ᬳᬶᬂᬜᬳᬶ᭞ᬳ᭄ᬤᬵᬫᬸᬗ᭄ᬕᭂᬮᬂᬧᬶᬢᬺᬱ᭄ᬡᬵ᭟᭐ᬫᬶᬲᬦᬾᬫᬓᬤ
ᬤ᭄ᬯᬵ᭞ᬦᬾᬫᬳᬤᬦ᭄ᬳᬶᬲᬸᬮᬢ᭄ᬭᬶ᭞ᬦᬾᬘ᭄ᬭᬶᬓᬦ᭄ᬥᬫᬸᬃᬬᬰ᭞ᬫᬲᬯᬸᬢ᭄ᬫᬸᬜᬶᬦᬾᬳᬮᬸᬲ᭄᭞ᬯ᭄ᬬᬓ᭄ᬢᬶᬳᭂᬫ᭄ᬩᭀᬓ᭄ᬱᬧᬸᬦᬶᬓᬵ᭞ᬮᬫᬸᬗᬦ᭄ᬢᬦ᭄ᬢᬶ᭞ᬲᬶᬂᬤᬤᬶᬧᬘᬂᬓ᭄ᬮᬶᬤᬂ᭟᭐
