[᭒᭙ 29B]
᭒᭙
ᬲᬦ᭄ᬫᬗ᭄ᬫᬲᬶᬦ᭄ᬮᬫ᭄ᬧᬸᬲ᭄᭞ᬳᬧᬂᬲᬸᬳᬸᬤ᭄ᬦᬦ᭄ᬤᬂᬚ᭄ᬗᬄ᭞ᬬᬦᬸᬫᬶᬢᬶᬲ᭄᭞ᬳᬶᬤᬵᬩ᭄ᬯᬶᬦ᭄ᬤᬤᬶᬚᬦ᭄ᬫᬵ᭟᭐ᬳᬶᬩᬸᬓ᭄ᬫᬦᬄᬤᬶᬧᭂᬤ᭄ᬫᬦ᭄᭞ᬬᬾᬄᬫᬢᬦᬾᬤᬺᬱ᭄ᬫᬶᬚᬶᬮ᭄᭞ᬳᬸᬲᬨᬸᬲᬧᬂᬢᭀᬂ
ᬳᬶᬮᬂ᭞ᬓ᭄ᬦᭂᬄᬳᬾᬫᬓᬶᬢᬜᬸᬳᬸᬤ᭄᭞ᬮᬯᬸᬢ᭄ᬩᬗᬸᬦ᭄ᬬᬧᭂᬯᬦ᭄᭞ᬢᬸᬃᬫᬓᬶᬰᬶᬕ᭄᭞ᬫᬫ᭄ᬦᭃᬦᬫ᭄ᬧᬶᬂᬧᬳ᭄ᬬᬲᬦ᭄᭟᭐ᬲᬸᬩᬲᬸᬳᬸᬤ᭄ᬬᬫᬧᬬᬲ᭄᭞ᬫᬕ᭄ᬮᬂᬳ᭄ᬫᬲ᭄ᬫᬮᬶᬳᬮᬶ᭞ᬫᬲᬸᬩᭂᬂ
ᬫᬰᭀᬘ᭄ᬘᬫᬶᬭᬄ᭞ᬧᬗᬗ᭄ᬕᭀᬦᬾᬲᬃᬯ᭄ᬯᬫᬸᬭᬹᬩ᭄᭞ᬭᬭᬶᬲ᭄ᬥᬦᬾᬗᬫ᭄ᬩᬶᬮ᭄ᬩᬶᬮᭀᬦ᭄ᬢᬃ᭞ᬮᬯᬸᬢ᭄ᬦᬸᬮᬶᬲ᭄᭞ᬫᬸᬗ᭄ᬕᬸᬄᬳᬶᬫᬾᬫᬾᬳᬶᬩᬧ᭟᭐ᬓᬮᬶᬄᬤᬦᬾᬫ᭄ᬩᬾᬓ᭄ᬜᭀᬫᬦ᭄᭞ᬫᬶᬯᬄᬫᬶᬲ
ᬦ᭄ᬫᬶᬦ᭄ᬤᭀᬦ᭄ᬲᬫᬶ᭞ᬳᬢᬹᬃᬢᬶᬢ᭄ᬬᬂᬫᬸᬗ᭄ᬕ᭄ᬯᬶᬂᬲᬸᬭᬢ᭄᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬧᬘᬂᬮᬫ᭄ᬧᬸᬲ᭄᭞ᬲᬫ᭄ᬧᬸᬦ᭄ᬧᬶᬲᬦ᭄ᬫᬜᭂᬤᬶᬳᬂ᭞ᬯ᭄ᬬᬤᬶᬦ᭄ᬫᬢᬶ᭞ᬢᬶᬢ᭄ᬬᬂᬫᬗᭂᬫᬲᬶᬦ᭄ᬲᬮᬄ᭟᭐ᬳ᭄ᬜᬾᬦ᭄ᬲᭂ
[᭓᭐ 30A]
᭓᭐
ᬮ᭄ᬲᭂᬮ᭄ᬜᬾᬦ᭄ᬲᬮᬳᬂ᭞ᬤᬾᬦᬶᬂᬲᬸᬩᬢᬶᬢᬄᬕᬦ᭄ᬢᬶ᭞ᬳᬤᬳᬸᬢᬂᬫᬢᬶᬩᬚᬂ᭞ᬲᬫ᭄ᬧᬸᬦ᭄ᬧᬶᬲᬦ᭄ᬲᬮᬶᬢ᭄ᬓᬬᬸᬦ᭄᭞ᬩᭀᬬᬜ᭄ᬮᬾᬧᭀᬮᬶᬄ᭞ᬫᬜᭂᬗᬳᬶᬦ᭄᭞ᬫᬾᬫᬾ
ᬩᬧᬵᬫᬶᬯᬄᬜᬫᬵ᭟᭐ᬯᬦ᭄ᬢᬄᬫᬦᬄᬢᬶᬢ᭄ᬬᬂᬢ᭄ᬮᬲ᭄᭞ᬦᬾᬦ᭄ᬢᭂᬦ᭄ᬧᬶᬲᬦ᭄ᬜᭀᬮᭀᬂᬳᬲᬶᬄ᭞ᬢ᭄ᬯᬭᬵᬢᬳᬾᬦ᭄ᬓᬾᬦᬾᬓᬾᬢᭀ᭞ᬗᬯᬾᬳᬸᬘᬧᬦ᭄ᬢᬦ᭄ᬧᬢᬹᬢ᭄᭞
ᬧᬂᬤᬵᬤᬤᬶᬓ᭄ᬥᬾᬓᬦ᭄᭞ᬬᬢ᭄ᬯᬄᬚᬢᬶ᭞ᬢ᭄ᬬᬂᬕᭂᬦ᭄ᬢᭂᬦ᭄ᬓᬭᬶᬩᬚᬂ᭟᭐ᬲᬫ᭄ᬧᬸᬦ᭄ᬧᬶᬲᬦ᭄ᬫᬜᭂᬮ᭄ᬲᭂᬮᬂ᭞ᬯᬦ᭄ᬢᬄᬕᬦ᭄ᬢᭀᬲ᭄ᬢᬶᬢ᭄ᬬᬂᬫᬢᬶ᭞ᬢᬦ᭄ᬓᬢᬸᬢᬹᬳ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞
ᬲ᭄ᬯᬾᬘ᭄ᬘᬵᬦ᭄ᬥᬦᬾᬳᬶᬕᬸᬭᬹᬫ᭄ᬤᬸᬭᬸᬂᬧᭀᬮᬶᬄᬫᬧ᭄ᬦᬯᬸᬭᬦ᭄᭞ᬢᬶᬢ᭄ᬬᬂᬫᬢᬶ᭞ᬤᬤᬶᬫᬸᬗ᭄ᬕᭂᬮᬂᬧᬶᬢᬺᬱ᭄ᬡᬵ᭟᭐ᬭᬶᬯ᭄ᬓᬲ᭄ᬢᬶᬢ᭄ᬬᬂᬦᬸᬢᬸᬕᬂ᭞ᬬᬦ᭄ᬩᬶᬮᬶᬄᬢᬶᬢ᭄ᬬᬂᬫᬯᬮᬶ᭞ᬦᬸ
