[᭘᭑ 81B]
᭘᭒
ᬩᬸᬦ᭄ᬜᬳᬜᬸᬤ᭄ᬓᬓᬶᬢᬸᬓᬤ᭄᭞ᬢ᭄ᬮᬕᬕᭂᬢᬶᬳᬾᬳᬲᬶᬮᬸᬭᬶᬦ᭄᭞ᬩᬳᬦ᭄ᬩᬜᬸ᭞ᬧᬸᬮᬳᬶᬦ᭄ᬢᬸᬜ᭄ᬚᬸᬂᬧᬂᬩᬸᬗᬄ᭟᭜᭟ᬢᬍᬃᬲᬫ᭄ᬧᬶᬂᬩᬸᬗᬲ᭄ᬕᬸᬳᬵ᭞ᬲᬗᭂᬢ᭄ᬮᬸᬳᬸᬂᬬᬦ᭄ᬧᬸᬮᬳᬶᬦ᭄᭞ᬧᬸᬜᬦ᭄ᬚᭂᬧᬸᬦ᭄ᬩᬮᬶᬳᬕ᭞ᬧᬮᬶ
ᬤ᭄ᬧᬶᬤᬶᬦ᭄ᬳᬜ᭄ᬘᬓ᭄ᬲᬚᬶ᭞ᬕᬳᬾᬦᬂᬤᬶᬢᬸᬧᬮᬶᬗ᭄ᬕᬶᬄ᭞ᬢᭀᬗᭀᬲ᭄ᬗᬲ᭄ᬢᬯᬳ᭄ᬬᬂᬢᬸᬤᬸᬄ᭞ᬓᬤᬸᬂᬲᭀᬓ᭄ᬲᬗ᭄ᬕᬄᬧᭀᬮ᭄ᬧᭀᬮᬦ᭄᭞ᬬᬾᬦ᭄ᬜᬓ᭄ᬫᬶᬗᬶᬢᬂᬤᬶᬳᬢᬶ᭞ᬲᬶᬦᬄᬤᬶᬢᬸ᭞ᬮᬾᬤᬂᬳ᭄ᬬᬂ
ᬯᬶᬤᬶᬫᬮᬶᬗ᭄ᬕ᭟᭜᭟ᬕᬸᬳᬵᬳᬗ᭄ᬓᭂᬃᬓᬪᬶᬦᬯ᭞ᬦᬾᬫᬸᬮᬢᬓᬸᬢᬶᬦ᭄ᬚᬤ᭄ᬫᬶ᭞ᬦᬤᬓ᭄ᬤᬶᬢᬸᬫᬲᬶᬮᬸᬫᬦ᭄᭞ᬓᬢᭀᬦ᭄ᬤᬸᬫ᭄ᬬᬗᬸᬮᬗᬸᬦᬶᬦ᭄᭞ᬲᬳᬶᬓᬭᬯᬸᬳᬦ᭄ᬚᬤ᭄ᬫᬶ᭞ᬦᬾᬲᬭᬢ᭄ᬩ᭄ᬮᬂᬮᬂᬉᬮᬗᬸ
ᬦ᭄᭞ᬫᬲᭂᬲᬜ᭄ᬚᬦ᭄ᬲᬫ᭄ᬧᬶᬂᬕᬸᬳᬵ᭞ᬫᬶᬗ᭄ᬓᬶᬦ᭄ᬜᬓ᭄ᬓᬓᬶᬲᬲᬳᬶ᭞ᬲᭂᬫᬸᬂᬓᭂᬜᬸ᭞ᬜᬧᬲᬂᬳᬲᬶᬂᬧ᭄ᬭᬧ᭄ᬢᬵ᭟᭜᭟ᬲᬶᬦᬄᬓᬧᬸᬚᬶᬭᬶᬂᬚᬕᬢ᭄᭞ᬓᬓᬶᬯᬶᬢ᭄ᬲᬳᬶᬦᬓᬸᬢᬶᬦ᭄᭞ᬩᬦᬾᬫ
[᭘᭒ 82A]
ᬫᬲᬮᬶᬦ᭄ᬤᬤᬓᬦ᭄᭞ᬲᬂᬬᬓ᭄ᬱᬓᬤᬶᬲᬂᬱᬱᬶ᭞ᬗᬫ᭄ᬩᭂᬓᬂᬓᬥᬃᬫ᭄ᬫᬦ᭄ᬮᭂᬯᬶᬄ᭞ᬢᭂᬍᬩ᭄ᬪᬓ᭄ᬢᬶᬭᬶᬂᬳ᭄ᬬᬂᬢᬸᬤᬸᬄ᭞ᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬭᬶᬂᬲᬂᬬᬓ᭄ᬱᬰᬶᬮᬥᬃᬫ᭄ᬫ᭟᭜᭟ᬦᬄᬢᬸᬯᬄᬳᬫᭀᬦ᭄ᬢᭀ
ᬳᬶᬬᬂ᭞ᬫᬧᭂᬲᭂᬓᭂᬦ᭄ᬢᭂᬓᬾᬦ᭄ᬓᬓᬶ᭞ᬳᬬ᭄ᬯᬮᬮᬶᬳᬚᬮᬸᬧ᭞ᬫᬦᬶᬬᬦ᭄ᬬᬾᬦ᭄ᬲᬸᬩᬵᬫᬸᬭᬶᬤ᭄᭞ᬜᬶᬤᬬᬂᬓᬓᬶᬗᬶᬲᬶᬦᬶᬦ᭄᭞ᬧᬗᬶᬤᬶᬄᬳᬶᬬᬦᬾᬯᬮᬶᬸᬯᬸ᭞ᬲᬶᬦᬄᬳᬶᬬᬂᬮᬓᬃᬢᭂᬓ᭞
ᬫᬮᬮᬶᬲᬫ᭄ᬩᬶᬮ᭄ᬗᬶᬮ᭄ᬗᬧ᭄ᬕᬧᬶᬦ᭄᭞ᬩᬶᬩᬶᬢ᭄ᬳᬸᬗ᭄ᬕᬸᬮ᭄᭞ᬫᬶᬯᬄᬮᭀᬦ᭄ᬢᬃᬲᬃᬯ᭄ᬯᬢᬢ᭄ᬯ᭟᭜᭟ᬳᬶᬭᬵᬓ᭄ᬱᬲᬲᭂᬫᬸᬳᬾᬕᬃ᭞ᬫᬸᬭᬸᬓ᭄ᬫᬢᬸᬃᬫᭂᬮᬧᬦᬶᬦ᭄᭞ᬯᬸᬄᬭᬢᬸᬲᬂᬧᬦᭂᬫ᭄ᬩᬳᬦ᭄᭞ᬢᬶᬢ᭄ᬬᬂᬫᬗᬦ᭄ᬢᭀᬲᬂ
ᬳᬸᬕᬶ᭞ᬓᬭᬯᬸᬳᬦ᭄ᬲᬂᬮᬶᬦᭂᬯᬶᬄ᭞ᬓᭂᬤᭂᬄᬫᬦᬄᬢᬶᬢ᭄ᬬᬂᬭᬢᬸ᭞ᬫᬗ᭄ᬤᬳᬢᭂᬧ᭄ᬫᬕᭂᬋᬢᬦ᭄᭞ᬳᬦ᭄ᬢᭂᬦ᭄ᬧᬲ᭄ᬯᬶᬢ᭄ᬭᬦᬾᬩᭂᬘᬶᬓ᭄᭞ᬭᬾᬄᬳᬶᬭᬢᬸ᭞ᬧᬗ᭄ᬮᬸᬓᬢ᭄ᬫᭀᬫᭀᬫᬦᬄ᭟
Page:Bali-lontar-gaguritan-giriputri-250ppi.pdf/83
Jump to navigation
Jump to search
This page has been proofread.
