[᭘᭐ 80B]
᭘᭑
ᬫᭂᬕᬢᬶᬦ᭄᭞ᬫᭂᬮᬄᬜᬦᬾᬚᬦᬶᬓᬓᬶ᭞ᬳᬾᬗ᭄ᬕᬮᬂᬫᬸᬮᬶᬄᬫᬯᬗ᭄ᬲᬸᬮ᭄᭞ᬭᬾᬄᬫᬓᭂᬮᭀᬦᬶᬗ᭄ᬕᬮ᭄ᬤᬳᬵ᭞ᬳᬶᬤᬤᭀᬂᬧᬤᬍᬫ᭄ᬫᬶᬭᬶ᭞ᬤ᭄ᬭᬮᬲ᭄ᬳᬕᬸᬂ᭞᭞ᬗᭂᬫᬶᬢ᭄ᬓᬲᬸᬕᬶᬳᬦ᭄ᬳᭀᬩᬄ᭟᭜᭟ᬳᬦᬓᬾ
ᬮᬸᬄᬧ᭄ᬮᬳᬶᬩᬂᬢᬸᬦᬶᬬᬦ᭄᭞ᬳᭂᬦ᭄ᬢᭀᬢᭂᬭᬂᬲᭀᬮᬄᬧᭂᬮᬶᬄ᭞ᬳᬾᬗ᭄ᬕᬮᬂᬦᬸᬦᬲ᭄ᬳᬫ᭄ᬧᬸᬭ᭞ᬤᬓᬦ᭄ᬢᬶᬗᬶᬦᭂᬧᬂᬧᭂᬮᬶᬄ᭞ᬳᬶᬭᬓ᭄ᬱᬲᬫᬢᬸᬃᬲᭂᬤᬶᬄ᭞ᬲᬶᬗ᭄ᬕᬶᬄᬚᭂᬭᭀᬳᬦᬓ᭄ᬳᭂᬮᬸᬄ᭞ᬮᬾᬤᬂᬉᬕᬶᬗ᭠ᬓ᭄ᬱᬫᬬᬂ᭞ᬓᬓᬶᬦᬾᬚᬦᬶᬫᬚᬜ᭄ᬚᬶ᭞ᬲᬸᬯᬸᬤ᭄ᬩᬸᬤᬸᬄ᭞ᬗᬬᬳᬶᬦ᭄ᬲᭀᬮᬄᬤᬹᬃᬰᬶᬮ᭟᭜᭟ᬤᬩᭂᬲ᭄ᬫᬓᭂᬮᭀᬜᭂᬩᭂᬢᬂ᭞ᬩᬶᬓᬲ᭄ᬓᬓᬶᬦᬾᬤᬶᬢᬸᬦᬶ᭞ᬫᬶᬭᬶᬩ᭄ᬲᬸᬩᬕᬦ᭄ᬢᬶᬦ᭄ᬮᭂᬩᬃ᭞ᬳᬮᬦ᭄ᬓᬃᬫ᭄ᬫᬦ᭄ᬓ
ᬓᬶᬗᬸᬦᬶ᭞ᬲᬗ᭄ᬓᬦ᭄ᬢᭂᬧᬸᬓ᭄ᬩᬸᬓᬚᬦᬶ᭞ᬲᬢ᭄ᬳᬶᬤᬾᬯᬗᬮ᭄ᬬᬂᬭᬸᬭᬸᬂ᭞ᬦᬾᬗᬯᬶᬦᬂᬓᬓᬶᬲᬤ᭄ᬬ᭞ᬲᬸᬩᬢᬸᬯᬦᬦ᭄ᬤᭂᬲ᭄ᬫᬢᬶ᭞ᬫᬦ᭄ᬫᬚᬸᬫᬸ᭞ᬫᬮᬚᬳᬶᬦ᭄ᬥᬃᬫ᭄ᬫᬢᬢ᭄ᬯ᭟᭜᭟ᬳᬦᬓᬾᬮᬸᬄᬢᬦ᭄ᬜᬯᬸᬭᬂ᭞
[᭘᭑ 81A]
ᬯᬦ᭄ᬢᬄᬫᬗ᭄ᬕᬸᬢᬦ᭄ᬳᬓᬶᬤᬶᬓ᭄᭞ᬫᬦᬯᬶᬓᬦ᭄ᬢᬸᬦ᭄ᬩᭂᬮ᭄ᬩᭂᬮᬦ᭄᭞ᬓᬢᭂᬳᭂᬩ᭄ᬚᭂᬭᭀᬦᬶᬂᬧᬢᬶ᭞ᬗᭂᬦᭂᬳᬂᬳᬸᬦ᭄ᬤᬸᬓ᭄ᬜᬗᬸᬦᬶ᭞ᬭᬶᬂᬓ᭄ᬭᬲᬬᬂᬧᬘᬂᬮᬫ᭄ᬧᬸᬲ᭄᭞ᬤ᭄ᬬᬲ᭄ᬢᬸᬳᬶᬧᬸᬦ᭄ᬲᭀᬓ᭄ᬫᬗ᭄ᬕᬸᬢᬦ᭄᭞ᬳᬶ
ᬭᬓ᭄ᬱᬲᬲᬫ᭄ᬧᬸᬦ᭄ᬗᭂᬃᬢ᭄ᬢᬶ᭞ᬫ᭄ᬭᬲᬳᬶᬧᬸᬦ᭄᭞ᬲᬫ᭄ᬧᬸᬦ᭄ᬓᬶᬘᬾᬦ᭄ᬧᬗᬫ᭄ᬧᬸᬭ᭟᭜᭟ᬳᬶᬭᬓ᭄ᬱᬲᬫᬢᬗᬦᬦ᭄᭞ᬗᬸᬦᬶᬗᬂᬦᬸᬦᬲ᭄ᬫᬧᬫᬶᬢ᭄᭞ᬓᬸᬫᬄᬜᬓᬕᬸᬳᬵᬭᬵᬚ᭞ᬲᬂᬩᬕᬸ
ᬲ᭄ᬫᬮᬶᬄᬫᬓᬾᬮᬶᬂ᭞ᬤᬸᬄᬭᬵᬓ᭄ᬱᬲᬲᬬᬂᬓᬓᬶ᭞ᬩᬾᬜ᭄ᬚᬗᬦ᭄ᬧᬲ᭄ᬢᬶᬬᬦ᭄ᬭᬯᬸᬄ᭞ᬫᬗᬸᬜᬳᬶᬦ᭄ᬕᬸᬳᬵᬭᬵᬚ᭞ᬓᬫ᭄ᬮᭂᬤᬦ᭄ᬓᭂᬦᭂᬳᬾᬫᬳᬶᬤ᭄᭞ᬦᬸᬢᬸᬃᬦᬸᬢᬸᬃ᭞ᬗᬶᬓᭂᬢ᭄ᬢᬮᬶᬦ᭄ᬧᬲᬯᬶᬢ᭄ᬭᬦ᭄᭟᭜᭟
ᬬᬦᬶᬂᬲᬸᬩᬢᭂᬓᭂᬤ᭄ᬚᬸᬫᬄ᭞ᬳᬾᬗ᭄ᬕᬮᬂᬤᬶᬢᬸᬩᬺᬲᬶᬳᬶᬦ᭄᭞ᬕᬸᬳᬦᬾᬫᬕᬸᬦᬸᬂᬢᬸᬮᬂ᭞ᬦᬾᬲᬦ᭄ᬤᬶᬂᬢᬮᬕᬕᭂᬢᬶᬄ᭞ᬓᬯᬸᬦ᭄ᬢᭂᬦ᭄ᬤᬲᬾᬧᬕ᭄ᬮᬶᬮᬶᬓ᭄᭞ᬫᬓᭂᬚᬂᬢᬸᬜ᭄ᬚᭂᬃᬮ᭄ᬧᬂᬧᬸᬯᬸᬦ᭄᭞ᬳ
Page:Bali-lontar-gaguritan-giriputri-250ppi.pdf/82
Jump to navigation
Jump to search
This page has been proofread.
