[᭒᭔ 24B]
᭒᭕
ᬚ᭄ᬚᬯᬭᬭᬶᬲ᭄ᬦᬶᬫ᭄ᬩᬮ᭄᭞ᬢᬶᬢ᭄ᬬᬂᬜᬸᬓ᭄ᬱᭂᬫᬭᬶᬳᬢᬶ᭞ᬫᬸᬗ᭄ᬕ᭄ᬯᬶᬂᬩᬯᭀᬲ᭄ᬤᬂᬕᬸᬭ᭄ᬯ᭞ᬩᬗᭂᬢ᭄ᬧᬶᬲᬦ᭄ᬦᬸᬤᬸᬢ᭄ᬓᬬᬸᬦ᭄᭞ᬫᬧᭀᬦᬤᬓ᭄ᬤᬤᭀᬲ᭄ᬭᬸᬦ᭄ᬢᬕ᭄᭞ᬤᬸᬓ᭄ᬫᬶᬭᬕᬶ᭞ᬩᬶᬓᬲ᭄ᬳᬶᬕᭂᬥᬾᬩ᭄ᬭᬦ᭄ᬤᬮ᭄᭟᭜᭟ᬲᬂᬢᬧᬭᬭᬶ
ᬲ᭄ᬫᬦᬶᬫ᭄ᬩᬮ᭄᭞ᬢᬸᬯᬄᬲᬚᬓᬾᬢᭀᬘᭂᬦᬶᬂ᭞ᬬᬦ᭄ᬓᬤᬸᬓ᭄ᬧᬜ᭄ᬚᬓᬂᬘᭀᬭᬄ᭞ᬲᭀᬓ᭄ᬮᬤᬶᬧᬫᭂᬓᭂᬮ᭄ᬚᬭᬸᬄ᭞ᬧᭂᬢᭂᬂᬍᬫᬄᬓᬧᬸᬢ᭄ᬲᭂᬮᬂ᭞ᬲᬳᬶᬭᬶᬫ᭄ᬭᬶᬫ᭄᭞ᬓᬤᬾᬦ᭄ᬫᬸᬲᬸᬄᬲᬶᬂᬓᬢᭀᬂᬦᬂ᭟᭜᭟ᬲᬗ᭄ᬓᬦ᭄ᬤᬩ᭠
ᬦ᭄ᬜᬕᭂᬕᬩᬄ᭞ᬳᬧᬂᬤᬜᭂᬗ᭄ᬲᭂᬮ᭄ᬓᬳᬸᬭᬶ᭞ᬬᬾᬦᬶᬂᬫᬸᬧᬸᬢᬂᬓᬓᭂᬜ᭄ᬘᬦ᭄᭞ᬫᭂᬮᬄᬳᬢᬶᬦᬗᬂᬫᬮᬸ᭞ᬭᬶᬂᬳᬶᬤᬲᬂᬢᬸᬳᬸᬧ᭄ᬭᬚ᭄ᬜᬦ᭄᭞ᬧᬂᬳᬸᬦᬶᬗᬶᬦ᭄᭞ᬫᭂᬮᬳᬾᬓᬗ᭄ᬕᬾᬯᬂᬚᬕᬢ᭄᭟᭜᭟
ᬓᬕᬾᬢ᭄ᬳᬬᬫᬾᬗ᭄ᬯᬗ᭄ᬲᬶᬢᬂ᭞ᬲᬂᬅᬃᬚ᭄ᬚᬯᬮᬦ᭄ᬲᬂᬬᭀᬕᬶ᭞ᬫᬗ᭄ᬤᬯᬸᬲᬦ᭄ᬫᬩᬯᭀᬲᬦ᭄᭞ᬯᬶᬭᬾᬄᬲᬫ᭄ᬧᬸᬦ᭄ᬢᭂᬗᬄᬤᬮᬸ᭞ᬲᬂᬢᬧᬳᬮᭀᬦᬗᬸᬘᬧ᭄᭞ᬲᬤᬓᭂᬜᬶᬂ᭞ᬤᬸᬄᬘᭂᬦᬶᬂᬦ
[᭒᭕ 25A]
ᬦᬓ᭄ᬳᬃᬚ᭄ᬚᬯ᭟᭜᭟ᬚᬮᬦ᭄ᬚᬫᭀᬦ᭄ᬢᭀᬧᬗ᭄ᬓᭂᬤᬂ᭞ᬫᬕᭂᬕᭀᬜ᭄ᬚᬓᬦᬾᬘᭂᬦᬶᬂ᭞ᬫᬸᬜᬶᬦ᭄ᬳᬬᬸᬫᬾᬫᬩ᭄ᬭᬶᬬᬕ᭄᭞ᬘᬭᬦᬸᬦ᭄ᬤᬾᬦ᭄ᬲᬶᬋᬧ᭄ᬫᬮᬸ᭞ᬭᬾᬄᬫᬮᬶᬄᬳᬚᬳᬦ᭄᭞ᬲᬸᬩᬩᬸᬯᬶᬦ᭄᭞ᬢᭂᬓᬕᬦ᭄ᬢᬶᬦᬾᬗᬃ
ᬘ᭄ᬘᬦ᭟᭜᭟ᬲᬂᬅᬃᬚ᭄ᬚᬯᬗᭂᬮᬸᬗᬗ᭄᭞ᬲᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬗᬶᬭᬶᬂ᭞ᬲᬂᬢᬧᬭᬭᬶᬲ᭄ᬓᬚ᭄ᬭᭀᬯᬦ᭄᭞ᬓᬧᬢᬸᬭᭀ᭠ᬦ᭄ᬳᬶᬤᬗ᭄ᬮᬦ᭄ᬢᬸᬃ᭞ᬲᬂᬅᬃᬚ᭄ᬚᬯᬵᬫᬗᬶᬕᬶᬗᬂ᭞ᬫᬶᬦᬩ᭄ᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬲᬶᬋᬧ᭄ᬫᬓᬭᬸᬯ᭟᭜᭟ᬧᬸᬧᬸᬄᬓᬸᬫᬫ᭄ᬩᬂᬕ᭄ᬮᬶᬲᬶᬘ᭄ᬭᬶ
ᬢ᭞ᬦᬾᬫᬗ᭄ᬓᬶᬦ᭄ᬭᬶᬂᬳᬶᬭᬶᬧᬸᬢ᭄ᬭᬶ᭞ᬲᬫ᭄ᬧᬸᬦ᭄ᬧᬳᬓ᭄ᬮᭂᬫᬄ᭞ᬲᬯᬢᬭᬕᬮᬂᬓᬗᬶᬦ᭄᭞ᬲᬣᬯᬦᬗᬯᬵᬗ᭄ᬲᬶᬢᬂ᭟᭜᭟ᬳ᭄ᬬᬂᬪᬱ᭄ᬓᬭ᭞ᬫᬶᬦᬩ᭄ᬬᬸᬲ᭄ᬫᬢᬓᬶᬢᬓᬶ᭞ᬫᭂᬤᬮ᭄ᬗᬫᬸᬗ᭄ᬕᬳᬂ᭞ᬧᬶᬲᬭᬵᬢ᭄ᬧᬘᬂᬜᬸᬮᬸᬳᬶᬦ᭄᭞ᬚᬕ
ᬢᬾᬦᬾᬓᬧᭂᬢᭂᬗᬦ᭄᭟᭜᭟ᬮᬫ᭄ᬢᭀᬭᭀᬕᬸᬂ᭞ᬘ᭄ᬫᬭᬕᬫᬮ᭄ᬤᬧ᭄ᬤᬧ᭄ᬰᬓ᭄ᬢᬶ᭞ᬧᬶᬓᬦ᭄ᬢᭂᬦ᭄ᬫᭀᬬᭀᬤᬦ᭄᭞ᬯᬶᬢ᭄ᬢᭂᬫ᭄ᬧᬸᬄᬳᬶᬦ᭄ᬗᬲᬶᬃᬲᬶᬃ᭞ᬫᬓᭀᬳᭀᬲ᭄ᬬᬧᬢᭂᬮᬦᬦ᭄᭟᭜᭟ᬲᬬᬦ᭄ᬫ᭄ᬭᬢᬢ᭄᭞ᬕᬮᬗᬾᬫᬗᭂᬦᬄ
Page:Bali-lontar-gaguritan-giriputri-250ppi.pdf/26
Jump to navigation
Jump to search
This page has been proofread.
