[᭒᭓ 23B]
᭒᭔
ᬲᬮᬶᬂᬢᬶᬦ᭄ᬤᬶᬄᬩᬳᬦ᭄ᬩᬢᬸ᭞ᬢᬦ᭄ᬯᬾᬦ᭄ᬢᭂᬦ᭄ᬕᭂᬫᬶᬂᬓᬲᭂᬫ᭄ᬧ᭄᭞ᬫᬗᬗᭀᬩᬶᬦ᭄᭞ᬢᭂᬕᬸᬄᬜᬯᬮᬸᬬᬯᬚ᭟᭜᭟ᬓᬮᬸᬤ᭄ᬳᬶᬕᭂᬥᬾᬩ᭄ᬭᬦ᭄ᬤᬮ᭄᭞ᬘᬸᬮᬶᬕ᭄ᬗᬸᬮ᭄ᬕᬸᬮ᭄ᬘᭂᬭᬶᬓ᭄ᬘᭂᬭᬶᬓ᭄᭞ᬓᬦ᭄ᬢᬸᬦ᭄ᬚᭀᬄᬳᬶᬧᬸ
ᬦ᭄ᬫᬓᭂᬮᬧ᭄᭞ᬲᬫ᭄ᬧᬸᬦ᭄ᬲᬫᬶᬧᬢᬶᬓᬧ᭄ᬮᬸᬧ᭄᭞ᬫᬮᬳᬶᬩ᭄ᬫᬦᬦ᭄ᬤᬂᬕᭂᬢᬧ᭄᭞ᬩᬶᬦ᭄ᬢᬶᬢ᭄ᬧᬮᬶᬂ᭞ᬜᬮᬸᬓ᭄ᬱᬸᬓ᭄ᬓᬩᬢᬦ᭄ᬳᬸᬫᬄ᭟᭜᭟ᬫᬗ᭄ᬓᬶᬦ᭄ᬭᬶᬂᬓᬵᬮᬫᬚᬮᬦ᭄᭞ᬧᬧᬓ᭄ᬧᬧᬓ᭄ᬓᬲᭂᬧᭂᬕᬶᬦ᭞ᬢᭀᬂᬢᬳᬾᬦ᭄ᬫᭂ
ᬚᬂᬓᬮᬾᬯᬂ᭞ᬓᬤᬕᬗᬾᬗᬤᬸᬕᬤᬸᬕ᭄᭞ᬗᬫᬄᬩᬸᬤᬕ᭄ᬢᭀᬂᬜᬓ᭄ᬫᬬᬄ᭞ᬘᭂᬕᬓ᭄ᬘᭂᬕᬶᬓ᭄᭞ᬓᬤᬶᬤᬾᬍᬫᬾᬭᬶᬂᬯᬬᬂ᭟᭜᭟ᬲᭂᬩᭂᬂᬚᭂᬗᬶᬲ᭄ᬢᬶᬦ᭄ᬤᬓ᭄ᬗᭀᬬᬕ᭄᭞ᬫᬢᬩᬭᬓ᭄ᬤᭂᬮᬓ᭄ᬤᭂᬮᬶᬓ᭄᭞
ᬳᬚᬸᬫ᭄ᬢᭂᬕᬸᬄᬤᬧᬫ᭄ᬩ᭄ᬬᬦᬦ᭄᭞ᬢᭂᬗᬄᬮᬸᬲᬶᬦ᭄ᬫᬓ᭄ᬧᬓ᭄ᬮᬸᬫᬸᬃ᭞ᬗᬓᬸᬕᭂᬦᬶᬢ᭄ᬜᭀᬄᬘᭀᬄᬳᬯᬓ᭄᭞ᬳᬦ᭄ᬢᬸᬓ᭄ᬢᬚᬶ᭞ᬢᬚᬶᬦᬾᬢᬾᬓᭀᬮ᭄ᬭᬶᬳᬶᬦᬦ᭄᭟᭜᭟ᬮᬶᬬᬦᬦ᭄ᬭᬶᬂᬲᬧᬸᬦᬶᬓ᭞ᬫᬫᭀ
[᭒᭔ 24A]
ᬢᭀᬄᬫᬫᬸᬳᬢ᭄ᬫᬳᬶᬢ᭄᭞ᬫᬫᬸᬜᬄᬫᬗᬸᬭᬳᬸᬭ᭞ᬢᬍᬃᬓᬲᬸᬩ᭄ᬗᭂᬕᬶᬕ᭄ᬳᬶᬧᬸᬦ᭄᭞ᬫᬭᬶᬓᭀᬱᬲᭀᬫᬄᬢᬶᬫ᭄ᬧᬮ᭄᭞ᬳᬓᬾᬄᬫᬮᬶᬄ᭞ᬦᬾᬗᬯᬶᬦᬂᬲᬓᬶᬢ᭄ᬧᬭ᭟᭜᭟ᬳᬶᬗ᭄ᬕᬶᬄᬯᬦ᭄ᬢᬄᬳ
ᬫᬸᬦᬶᬓᬵ᭞ᬢᬶᬢ᭄ᬬᬂᬜᬶᬤᬬᬂᬗᬢᬸᬭᬶᬦ᭄᭞ᬢᬶᬢ᭄ᬬᬂᬳᬬᬢ᭄ᬗᬫ᭄ᬩᬶᬮ᭄ᬢᭀᬬ᭞ᬩᬧᬫᬃᬕ᭄ᬕᬶᬲᬶᬫ᭄ᬧᬂᬤᬸᬫᬸᬦ᭄᭞ᬳᬶᬭᬶᬓᬭᬶᬂᬧᭀᬦ᭄ᬤᭀᬓ᭄ᬢᬶᬢ᭄ᬬᬂ᭞ᬤᬶᬢᬸᬭᬭᬶᬲ᭄᭞ᬩᬧᬜᬯᬶᬲ᭄ᬜᬸᬓ᭄ᬧᭂᬫᬬᬂ᭟᭜᭟ᬚ᭄ᬭᭀᬯᭀᬂ
ᬳᬶᬲ᭄ᬢ᭄ᬭᬶᬳᬶᬤᬾᬯ᭞ᬲᬫ᭄ᬧᬸᬦ᭄ᬗᬗᭂᬢ᭄ᬲᬮᬶᬢ᭄ᬢᬫ᭄ᬧᬶ᭞ᬤ᭄ᬬᬲ᭄ᬢᬸᬢᬦ᭄ᬦᬾᬫᬗ᭄ᬓᬶᬦ᭄ᬲᬶᬫ᭄ᬧᬂ᭞ᬩᭀᬬᬓᬶᬭᬂᬩᬾᬜ᭄ᬚᬂᬧᬸᬗ᭄ᬓᬸᬃ᭞ᬦᬾᬭᬸᬭᬸᬄᬫᬭᬶᬓᬶᬢᬶᬢ᭄ᬬᬂ᭞ᬤᬶᬢᬸᬫᬮᬶᬄ᭞ᬯᬯᬦᬶᬦ᭄ᬫᬮᬶᬄᬲᬸᬫᬶᬫ᭄ᬧᬂ᭟᭜᭟ᬲᬸᬩᬲᬮᬶᬂ
ᬲᬸᬓ᭄ᬱᭂᬫᬬᬂ᭞ᬩᬧᬗᬾᬗ᭄ᬕᬮᬂᬫᬧᬫᬶᬢ᭄᭞ᬧᬚᬮᬦ᭄ᬩᬧᬦᬾᬦᬸᬫ᭄ᬩ᭄ᬭᬕ᭄᭞ᬗᬫᬸᬮᬶᬳᬂᬦᬸᬭᬸᬦ᭄ᬩᬸᬦᬸᬄ᭞ᬢᬓᬸᬢ᭄ᬓᬾᬦ᭄ᬩᬸᬯᬶᬦ᭄ᬲᬗ᭄ᬓᬮ᭞ᬦᬾᬳᬶᬦᭂᬧᬶᬦ᭄᭞ᬢᬍᬃᬬᬳᬶᬦᬦ᭄ᬩᬚᬶᬗᬦ᭄᭟᭜᭟ᬲᬂᬅᬃ
Page:Bali-lontar-gaguritan-giriputri-250ppi.pdf/25
Jump to navigation
Jump to search
This page has been proofread.
