[᭘᭕ 85B]
᭘᭕
ᬯᬚᬶᬩ᭄ᬧᭂᬃᬮᬸᬗᬯ᭄ᬭᬸᬳᬶᬲᬤᬢ᭄ᬲᬭᬾᬗᬢ᭄᭟ᬧᬸᬦᬶᬓᬗᬾᬮ᭄ᬫᬸᬧᬸᬱᬓᬵ᭞ᬧᬶᬓᭂᬓᬄᬳᬶᬲ᭄ᬮᬫ᭄ᬳᬕᬫᬶ᭞ᬓᬗ᭄ᬕᬾᬮᬳᬶᬃᬓᬩᬢᬶᬦᬦ᭄᭞ᬳᬶᬗ᭄ᬳᬯᬮ᭄ᬧ᭄ᬭᬧ᭄ᬢᬳᬶᬂᬳᬳᬶᬃ᭞ᬫᬮᬵᬤᬶᬧᬸᬦ᭄ᬯᬱ᭄ᬝᬦᬶ᭞ᬓᬮᬶᬫᬄᬓᬮᬶᬄᬧᬸᬦᬶᬓᬵ᭞ᬓᬂᬗᬾᬲ᭄ᬢ᭄ᬭᬶᬲ᭠
ᬭᬵᬢ᭄ᬫᬮᬸᬫᬄ᭞ᬳᬱ᭄ᬝᬜᬜᭂᬧᭂᬗᬶᬯᬤᬶ᭞ᬦᬫᬶᬲᬄᬤᬢ᭄ᬗᭂᬲᬄᬓᭂᬦ᭄ᬭᭀᬄᬮᬦ᭄ᬤᬢᬶᬂᬯᬶᬸᬳ᭄ᬬᬂ᭟ᬫᬶᬮᬵᬯᬾᬦ᭄ᬢᭂᬦ᭄ᬓᬾᬩ᭄ᬮᬢ᭄ᬯᬾᬢᬦ᭄᭞ᬯᬶᬯᬶᬢᬦᬾᬯᬸᬚᬸᬤ᭄ᬚᬦ᭄ᬫᬶ᭞ᬓᬸᬮᭀᬦ᭄ᬧᬸᬦ᭄ᬩᬧᬵᬓᭂᬮᭀᬦᬦ᭄᭞ᬓᬶᬤᬸᬮ᭄ᬓᬮᬫ᭄ᬦᭂᬤᬸᬤᬸᬮ᭄ᬯᬤᬶ᭞
ᬫᭂᬢᭂᬂᬦᬾᬂᬢᭂᬗᬄᬰ᭄ᬯᬃᬕ᭄ᬕᬶ᭞ᬮᭀᬃᬳᬮᬶᬃᬭᬱᬗ᭄ᬕᬾᬦᬶᬧᬸᬦ᭄᭞ᬢᬗ᭄ᬕᬮ᭄ᬧᬶᬲᬦ᭄ᬧᬹᬃᬡ᭄ᬦᬫ᭞ᬲᭂᬦ᭄ᬢᬾᬕ᭄ᬧᬶᬲᬦ᭄ᬳᬦᬶ᭠ᬕᬲᬶ᭞ᬭᬫ᭄ᬩᬭᬶᬂᬯᬶᬢ᭄ᬘᬄᬘᬶᬮᬾᬲᬵᬫ᭄ᬧᬸᬦ᭄ᬲᬸᬮᬬ᭟ᬢᬶᬬᬂᬓᬂᬦᭂᬫ᭄ᬩᬄᬫᬸᬂᬳᬭᬦ᭄᭞ᬢᬦ᭄ᬯᬶᬓᬦ᭄ᬯᬸᬚᬸᬤ᭄ᬢᭂᬕᭂᬲᬶᬂ᭞ᬢᭂᬢᭂ
ᬧ᭄ᬤᬤᭀᬲ᭄ᬓᬧᬶᬭᬶᬭ᭞ᬲᬶᬦ᭄ᬢᭂᬦ᭄ᬢᬶᬬᬂᬦᭂᬫ᭄ᬩᬄᬧᬸᬭᬶ᭞ᬓᬂᬲᬶᬧᬢ᭄ᬯᬸᬚᬸᬤ᭄ᬯᬃᬡ᭄ᬦᬶ᭞ᬦᭂᬫ᭄ᬩᬄᬩ᭄ᬭᬳᬮᬭᬦᬶᬧᬸᬦ᭄᭞ᬮᬳᬶᬃᬩᬢᬶᬦᬾᬲᬫ᭞ᬯᬶᬓᬦᬦᬶᬂᬮᬳᬶᬃᬩᬢᬶᬦ᭄᭞ᬢᭂᬬᬂᬗᬸᬘᬧ᭄ᬲᬸᬫᬸᬭᬸᬧᬓᬂᬤᬾᬦ᭄ᬳᬸᬘᬧ᭄᭟ᬢᭂᬕᭂᬲᬾᬦᬫᬶ
[᭘᭖ 86A]
ᬫᬸᬳᬫᬤ᭄᭞ᬭᬲᬸᬮᬸᬮ᭄ᬮᬄᬓᬂᬲᬚᬢᬶ᭞ᬫᬸᬳᬫᬤ᭄ᬫᬓᬫ᭄ᬓᬸᬩᬸᬭᬦ᭄᭞ᬓᬸᬩᬸᬭᬾᬭᬱᬲᬓᬮᬶᬃ᭞ᬭᬕᬦᬶᬂᬚᬦ᭄ᬫᬦᬶᬓᬶ᭞ᬓᬸᬩᬸᬭᬾᬭᬱᬲᬤᬵᬭᬹᬫ᭄᭞ᬫᬸᬚᬶᬩᬤᬦ᭄ᬧ᭄ᬭᬶᬩᬤ᭄ᬬ᭞ᬢᬦ᭄ᬫᬸᬚᬶᬫᬸᬳᬫᬤ᭄ᬳᬃᬩᬶ᭞ᬭᬕᬦᬶᬗ᭄ᬯᭀᬂ
ᬯᬬᬗᬦ᭄ᬤᬢᬶᬂᬧᬗᬾᬭᬦ᭄᭟ᬯᬸᬚᬸᬤ᭄ᬫᬓᬫ᭄ᬓᬸᬩᬹᬭᬱ᭞ᬭᬲᬸᬮ᭄ᬭᬱᬓᬂᬦᬸᬲᬸᬮᬶ᭞ᬭᬱᬧᬗᬦ᭄ᬫᬜ᭄ᬚᬶᬂᬮᬾᬲᬦ᭄᭞ᬭᬲᬸᬮᬾᬫᬜ᭄ᬚᬶᬂᬲᭀᬓ᭄ᬫᬃᬕ᭄ᬕᬶ᭞ᬳᬍᬩᬹᬃᬢᬦ᭄ᬧᬤᬤᬶ᭞ᬮᬾᬮᬾᬄᬮᬸᬮᬸᬄᬤᬤ᭄ᬬᬳᭂᬦ᭄ᬤᬸᬢ᭄᭞ᬓᬲᭂᬩᬸ
ᬢ᭄ᬭᬲᬸᬮᬸᬮ᭄ᬮᬄ᭞ᬭᬸᬧᬳᬮᬕᬡ᭄ᬥᬩᬘᬶᬦ᭄᭞ᬦᬫᬶᬮᭀᬮᬄᬭᬸᬧᬳᬮᬕᬦ᭄ᬤᬲᬮᬄ᭟ᬭᬾᬄᬦᬶᬂᬲᭂ᭠ᬩᬸᬢᬦᬶᬭ᭞ᬫᬸᬳᬫᬤ᭄ᬭᬲᬸᬮᬸᬮ᭄ᬮᬳᬶ᭞ᬓᬂᬤᬶᬗᬶᬦ᭄ᬗᬯ᭄ᬭᬸᬳᬶᬩᬤᬦ᭄᭞ᬧᬶᬂᬓᬮᬶᬄᬗᬯ᭄ᬭᬸᬳᬶᬢᭂᬤᬶ᭞ᬧᬶᬂᬢ᭄ᬭᬶᬗᬯ᭄ᬭᬸ
ᬳᬶᬳᬶᬲᬶ᭞ᬭᬲᬚ᭄ᬭᭀᬲᬸᬯᬃᬕ᭄ᬕᬦᬶᬧᬸᬦ᭄᭞ᬯᬸᬲ᭄ᬯᬚᬶᬩᬾᬫᬦᬸᬱ᭞ᬫᬗ᭄ᬭᬦ᭄ᬭᬕᬭᬱᬢᭂᬤᬶ᭞ᬤᬤᭀ᭠ᬲ᭄ᬜᭂᬩᬸᬢ᭄ᬫᬸᬳᬫ᭄ᬫᬤᬃᬭᬲᬸᬮᬸᬮ᭄ᬮᬄ᭟ᬫᬶᬮᬦᬾᬲᬦ᭄ᬢ᭄ᬭᬶᬲᭂᬫ᭄ᬩᬬᬂ᭞ᬳᬜᭂᬩᬸᬢ᭄ᬮᬧᬮ᭄ᬳᬸᬲᬮᬶ᭞ᬳᬗᬯ᭄ᬭᬸᬳᬶᬳᬲᬮᬶ
Page:Bali-lontar-gaguritan-dharmma-gandul-300ppi.pdf/86
Jump to navigation
Jump to search
This page has been proofread.
