[᭘᭔ 84B]
᭘᭔
ᬓᬵ᭞ᬓᬯᬸᬮᬓᬂᬢᬗ᭄ᬕᭂᬮ᭄ᬩᬾᬗᬶᬂ᭞ᬫᬦᬯᬶᬧᬸᬢ᭄ᬭᬦ᭄ᬢᬲᬶᬬ᭞ᬳᬶᬂᬧᬥᬸᬓᬰ᭄ᬭᬷᬪᬸᬧᬢᬶ᭞ᬤᬾᬦᬾᬩᬩᬶᬂᬳᬕᬫᬶ᭞ᬲᬓᬵᬃᬱᬧᬥᬸᬓᬫᬦᬹᬢ᭄᭞ᬓᬳᬸᬢ᭄ᬢᬫᬾᬦ᭄ᬓᬾᬯᬮ᭞ᬫᬦᬯᬶᬧᬥᬸᬓᬕᬦ᭄ᬢᬶ᭞ᬲᬭᬓ᭄ᬭᬲᬸᬮ᭄ᬳᬜᭂᬩᬸᬢ᭄ᬳ
ᬰ᭄ᬫᬦᬶᬂᬳᬮ᭄ᬮᬄ᭟ᬬᬾᬦ᭄ᬢᬦ᭄ᬓᬵᬃᬱᬢᬦ᭄ᬧᬸᬦᬧ᭞ᬓᬭᬡᬩᬩᬶᬂᬳᬕᬫᬶ᭞ᬢᬦ᭄ᬫᬸᬳᬸᬂᬲᬮᬢ᭄ᬲᭂᬫ᭄ᬩᬄᬳ᭄ᬬᬂ᭞ᬧᬶᬓᭂᬓᬳᬶᬧᬸᬦᬶᬲ᭄ᬮᬫᬶ᭞ᬫᬸᬂᬲᬤᬢ᭄ᬧᬢᭀᬓᬦᬶᬂ᭞ᬦᬤ᭄ᬬᬦ᭄ᬲᬮᬢ᭄ᬤᬶᬗ᭄ᬓᬮ᭄ᬤᬶᬗ᭄ᬓᬸᬮ᭄᭞ᬬᬾᬦ᭄ᬤᬾᬭᬾᬂᬗᬺᬢᭀᬲ᭄ᬳᬤᬢ᭄᭞
ᬢᭂᬢᭂᬧᬾᬦ᭄ᬫᬓ᭄ᬱᬶᬄᬓᬧᬶᬃ᭞ᬳᬗᬦ᭄ᬤᬶᬓᬲᬗ᭄ᬳᬵᬧ᭄ᬭᬪᬸᬩ᭄ᬭᬯᬶᬚᬬ᭟ᬲᬤᬢ᭄ᬳᬶᬓᬸᬓᬬᬗᬧ᭞ᬫᬦᬶᬭᬤᬸᬭᬸᬂᬫᬗᬺᬢᬶ᭞ᬮᬄᬢᬲᬶᬭᬳᬸᬘᬧᭂᬦ᭞ᬲᬸᬦ᭄ᬧᬶᬋᬗᬾᬓᬵᬃᬡ᭄ᬦᬫᬫᬶ᭞ᬫᬵᬢᬹᬃᬚᭂᬂᬲᬸᬦᬦ᭄ᬓᬮᬶ᭞ᬗ᭄ᬕᬶᬄᬧᬸᬦᬶᬓᬮᬧᬮᬶ
ᬧᬸᬦ᭄᭞ᬗᬸᬘᬧ᭄ᬳᬲᬤ᭄ᬯᬮ᭞ᬳᬶᬬᬳᬶᬮ᭄ᬮᬳᬳᬶᬮᬮ᭄ᬮᬳᬶ᭞ᬓᬧᬶᬂᬓᬮᬶᬄᬳᬗᬸᬘᬧ᭄ᬳᬲᬤ᭄ᬯᬦ᭟ᬫᬸᬳᬤ᭄ᬥᬃ᭠ᬭᬲᬸᬮᬸᬮ᭄ᬮᬄ᭞ᬢᭂᬕᭂᬲᬾᬳᬶᬗ᭄ᬲᬸᬦ᭄ᬦᭂᬓ᭄ᬱᬾᬦᬶ᭞ᬧᬦ᭄ᬳᭀᬭᬳᬦᬧᬗᬾᬭᬦ᭄᭞ᬳᬫᬸᬂᬳᬮᬄᬓᬂᬲᬚᬢᬶ᭞ᬮᬦ᭄ᬳᬶᬂᬲᬸ
[᭘᭕ 85A]
ᬦ᭄ᬳᬦᬾᬓ᭄ᬱᭂᬦᬶ᭞ᬚᭂᬦᬪᬶᬫᬸᬳᬫᬤ᭄ᬳᬶᬓᬸ᭞ᬳᬸᬢᬸᬲᬦᬶᬭᬳᬮ᭄ᬮᬄ᭞ᬮᬳᬶᬮ᭄ᬮᬳᬳᬶᬮ᭄ᬮᬮᬳᬶ᭞ᬬᬫᬸᬳᬤ᭄ᬭᬲᬸᬮᬸᬮ᭄ᬮᬄᬓᬂᬲᬜ᭄ᬚᬢ᭟ᬧᬸᬦᬶᬓᬵᬲᬤᬢ᭄ᬲᬭᬾᬗᬢ᭄᭞ᬢᭂᬕᭂᬲᬾᬲᬭᬾᬗᬢᬶᬓᬶ᭞ᬚᭂᬂᬲᬭᬾᬯᬤᬶᬦᬾᬦ᭄ᬚᭂ᭠
ᬗᬢ᭄᭞ᬢᬭᬾᬓᬦ᭄ᬢᬭᬾᬦ᭄ᬓᬂᬳᬾᬲ᭄ᬢ᭄ᬭᬶ᭞ᬓᬓᬾᬓᬢ᭄ᬦᬸᬗ᭄ᬕᬶᬮ᭄ᬓᬵᬧ᭄ᬢᬶ᭞ᬓᭂᬤᬄᬭᬸᬚᬸᬓ᭄ᬳᬾᬲ᭄ᬢ᭄ᬭᬶᬓᬓᬸᬂ᭞ᬫᬓᬶᬧ᭄ᬭᬢ᭄ᬗᬺᬢᭀᬲ᭄ᬯᬶᬓᬦ᭄᭞ᬲᬭᬵᬓ᭄ᬲᬭᬵᬢ᭄ᬮᬓᬶᬭᬩᬶ᭞ᬗᬩᬾᬦ᭄ᬳᬮᬓᬳᬶᬤᬾᬦ᭄ᬜᬚᬚᬄᬭᬾᬡ᭟ᬧᬶᬂᬓᬮᬶᬄᬳᬶᬤᬶᬦᬶᬂ
ᬭᬵᬚ᭞ᬧᬶᬂᬢᬶᬕᬲᬓ᭄ᬱᬶᬲᭂᬲᬫᬶ᭞ᬜᬸᬯᬸᬦ᭄ᬳᬶᬤᬶᬩᬧᬩᬶᬬᬂ᭞ᬮᬦ᭄ᬢᬭᬦᬾᬯᬸᬚᬸᬤ᭄ᬫᬫᬶ᭞ᬜᬸᬯᬸᬦ᭄ᬳᬶᬤᬶᬓᬵᬃᬧ᭄ᬧ᭠ᬢᬶ᭞ᬯᬯᬓᬶᬮᬶᬭᬳ᭄ᬬᬂᬳᬕᬸᬂ᭞ᬲᬓ᭄ᬱᬶᬥᬢᭂᬂᬲᬲᬫ᭞ᬓᬳᬸᬦᬶᬗᬦ᭄ᬳᬶᬂᬲᬲᬫᬶ᭞ᬳᬾᬲ᭄ᬢᬶᬦᬶᬓᬶᬫᬲ᭄ᬚᬸᬤᬸᬮ᭄ᬓᬋᬫ᭄ᬓᬯᬸᬮ᭟
ᬗ᭄ᬕᬾᬦᬶᬂᬭᬱᬳᬸᬮᬸᬦ᭄ᬫᬸᬮ᭄ᬬ᭞ᬓᬾᬩ᭄ᬮᬢ᭄ᬳᬸᬮᬸᬦ᭄ᬲᬮᬢ᭄ᬓᬚᬶ᭞ᬭᬸᬓᬸᬓᬾᬭᬸᬓᬸᬦᬶᬂᬢᬾᬓᬤ᭄᭞ᬲᬸᬚᬸᬤᬾᬯᬸᬚᬸ᭠ᬤᬶᬂᬩᬬᬶ᭞ᬫᬶᬮᬤᬶᬧᬸᬦ᭄ᬯᬱ᭄ᬝᬦᬶ᭞ᬲᬳᬤᬢ᭄ᬲᬭᬾᬗᬢ᭄ᬳᬶᬓᬸ᭞ᬲᬭᬶᬗᬦ᭄ᬧᬦᬶᬫ᭄ᬩᬗᬦ᭄᭞ᬢᬢᬶᬫ᭄ᬩᬗᬦ᭄ᬮᬓᬶᬭᬩᬶ᭟
Page:Bali-lontar-gaguritan-dharmma-gandul-300ppi.pdf/85
Jump to navigation
Jump to search
This page has been proofread.
