[᭔᭐ 40 B]
᭔᭐
ᬬᬳᬢᬸᬃᬫᬤᬬ᭞ᬳᬶᬗᬸᬘᬸᬮ᭄ᬮᬢᬸᬫᬸᬮᬶ᭞ᬳᬸᬫᬢᬸᬃᬫᬗᬺᬧ᭞ᬓᬳᬸᬮᬜᬸᬳᬸᬦ᭄ᬮᬷᬮ᭞ᬳᬸᬫᬦ᭄ᬢᬸᬓ᭄ᬥᬢᭂᬂᬦᬵᬕᬭᬷ᭞ᬧᬸ᭠ᬢ᭄ᬭᬷᬓᬳᬸᬮ᭞ᬓᬮᬶᬄᬓᬢᬸᬃᬭᬘᬾᬝᬶ᭛ᬬᬾᬦ᭄ᬲᬮᬷᬮᬦ᭄ᬲᬘᭀᬦ᭄ᬤ᭄ᬭᬓᬳᬸᬮᬧ᭄ᬭᬧ᭄ᬢ᭞ᬫᬯᬩ᭄ᬭᬡ᭄ᬦᬮᬦ᭄ᬧᬸᬢ᭄ᬭᬷ᭞ᬫᬳᬾ
ᬲ᭄ᬫ᭄ᬭᬶᬂᬗᬮ᭄ᬮᬓ᭞ᬳᭂᬳᬤ᭄ᬬᬧᭂᬝᬸᬓ᭄ᬳᬶᬂᬓᬃᬱ᭞ᬮᬸᬫᬾᬗ᭄ᬲᬾᬃᬰ᭄ᬭᬷᬦᬭᬧᬢᬶ᭞ᬕᬸᬫ᭄ᬭᬄᬲᬯᬤ᭄ᬬ᭞ᬩᬸᬤᬮ᭄ᬮᬶᬂᬤᬦ᭄ᬥᬂᬕᭂᬦ᭄ᬥᬶᬲ᭄᭛᭜᭛ᬬᬢᬲᬶᬭᬰᬷᬯᬬᬾᬦ᭄ᬓᬓᬮᬶ᭞ᬳᬃᬱᬫᬶᬗ᭄ᬕᬄᬫᬭᬂᬳᬶᬂᬗᬘᬮ᭞ᬫᬦ᭄ᬥᭂᬕ᭄ᬫᬗᬸᬳᬶᬂᬮᬫ᭄ᬧᬳᬾ᭞ᬰᬭᬷᬭᬦ᭄ᬦᬶ
ᬭᬍᬲᬸ᭞ᬤᬳᬢ᭄ᬲᬬᬄᬫᭂᬦ᭄ᬢᬲ᭄ᬳᬚᬸᬭᬶᬢ᭄᭞ᬭᬶᬦ᭄ᬦᬲᬳᬶᬂᬢ᭄ᬬᬲ᭄ᬳᬶᬭ᭞ᬬᬾᬦ᭄ᬫᬸᬗ᭄ᬕᬄᬳᬳᬶᬗ᭄ᬲᬸᬦ᭄᭞ᬧᬗ᭄ᬕᬄᬮᬯᬦ᭄ᬲᬂᬧᬵᬡ᭄ᬥᬶᬢ᭞ᬫᬸᬂᬲᬨᬮᬫᬫ᭄ᬭᬶᬄᬳᬦ᭄ᬢᬸᬓ᭄ᬳᬍᬫ᭄ᬥᬤᬶ᭞ᬫᬶᬫᬶᬦ᭄ᬢᭀᬦ᭄ᬦᬓᭂᬦ᭄ᬓᬃᬬ᭄ᬬᬫ᭄ᬭᬶᬂᬕᬶᬦᬸᬗ᭄ᬕᬸᬂᬲᬂᬫᬳᬵᬫᬸᬦᬶ᭞ᬳᬶᬓᬸ
ᬤᬸᬤᬸᬮᬓᬸᬦ᭄ᬦᬶᬂᬧ᭄ᬭᬯᬷᬭ᭞ᬦᬾᬬᬦᬕᬶᬄᬕᬜ᭄ᬚᬭᬦ᭄ᬦᬾ᭞ᬲᬓᬶᬦ᭄ᬥᬭᬶᬦ᭄ᬭᭀᬂᬮᬓᬸ᭞ᬲᬶᬦᭂᬫᭀᬦ᭄ᬦᬦ᭄ᬳᬶᬗ᭄ᬲᬸᬦ᭄ᬗᬮᬧ᭄ᬲᬶᬄ᭞ᬫᬾᬦ᭄ᬤᬄᬯᬶᬭᬂᬫᬦ᭄ᬦᬶᬭ᭞ᬍᬂᬗᬗᬜᬸᬢ᭄ᬢᬸᬯᬸᬄ᭞ᬮᬯᬦ᭄ᬦᬶᬗ᭄ᬲᬸᬦ᭄ᬦᬗ᭄ᬕᬸᬮᬂᬧ᭄ᬭᬂ᭞ᬤᬸᬤᬸᬲᬓᬶᬂᬧᬓᭀᬦ᭄ᬦᬶᬭᬲᬂᬬᭀᬕᬶ᭞
[᭔᭑ 41 A]
ᬓᬃᬱᬦ᭄ᬦᬶᬗ᭄ᬲᬸᬦ᭄ᬧ᭄ᬭᬬᭀᬗ᭄ᬕ᭛ᬳᬸᬗ᭄ᬕ᭄ᬯᬦ᭄ᬦᬶᬗ᭄ᬲᬸᬦ᭄ᬫ᭄ᬭᬶᬄᬫᬃᬕᬦ᭄ᬦᬧᬢᬶ᭞ᬍᬳᭂᬂᬳᬶᬗ᭄ᬲᬸᬦ᭄ᬮᬚᬸᬳᬳᬸᬫᬾᬦᬵᬢᬃ᭞ᬳᬗ᭄ᬮᬗᬸᬣᬶᬂᬲᬧᬭᬦ᭄ᬦᬾ᭞ᬤᬤ᭄ᬬᬵᬗ᭄ᬮᬶᬂᬫ᭄ᬭᬶᬂᬓᬶᬧᬸᬢᬸᬢ᭄᭞ᬳᬶᬗ᭄ᬲᬸᬦ᭄ᬤᬸᬭᬸᬂᬫᬸᬗ᭄ᬕᬄᬳᬶᬂᬗᬃᬤ᭄ᬥᬶ᭞ᬓᬂᬮᬶᬦ᭄ᬦᬶᬗᬦ᭄ᬓᬭᬸᬡ᭄ᬦ᭞ᬳᬲᬗᭂᬢ᭄ᬳᬸᬃᬭᬶᬧᬸᬦ᭄᭞
ᬦᬗ᭄ᬳᬶᬂᬤᬢᬦ᭄ᬧᬶᬦ᭄ᬦᬶᬂᬗᬃᬱ᭞ᬦᬃᬧᬲᬸᬢᬯᬶᬲᬢᬫᬜ᭄ᬚᬶᬂᬯᬦᬵᬤ᭄ᬭᬶ᭞ᬫᬹᬃᬯ᭄ᬯᬳᬜ᭄ᬚᬸᬚᬸᬃᬧᬭᬂ᭞ᬧᬸᬢᬸᬢ᭄ᬓᬮᬶᬄᬮᬸᬫᬬᬸᬳᬦᬗᬶᬲ᭄᭞ᬢᭂᬩᬄᬚᬚᬲᬸᬫᭂᬗ᭄ᬓᬳᬶᬂᬗᬃᬕ᭄ᬕ᭞ᬲᭂᬤ᭄ᬬᬫᬢᬸᬃᬳᬶᬂᬕᬸᬲ᭄ᬢᬶᬦ᭄ᬦᬾ᭞ᬓᬯᬃᬡ᭄ᬦᬳᬲᬂᬯᬶᬓᬸ᭞ᬳᬦᬾᬂᬲᬗ᭄ᬕᬃᬮᬗ᭄ᬕᬢ᭄ᬳ
ᬮᬶᬗ᭄ᬕᬶᬄ᭞ᬧᬶᬦᭂᬓᬸᬃᬳᬦᬾᬂᬗᬃᬱ᭞ᬦᬳᬾᬦ᭄ᬥᬂᬫᬜᬯᬸᬦ᭄᭞ᬫᭀᬗ᭄ᬓᬮᬸᬮᬸᬭᬄᬳᬶᬂᬳᬾᬦ᭄ᬥᬂ᭞ᬯ᭄ᬭᬸᬄᬳᬶᬂᬘᬶᬧ᭄ᬢ᭞ᬧᬲᭂᬗ᭄ᬕ᭄ᬭᬳᬯᬦ᭄ᬦᬾᬮᬦ᭄ᬢᬶᬧ᭄᭞ᬯᬸᬮᬂᬗᬶᬭᬲᬂᬤ᭄ᬯᬶᬚ᭛ᬫᬶᬘᬭᬾᬂᬢ᭄ᬬᬲ᭄ᬲᬶᬭᬲᬂᬗᬬᭀᬕᬶ᭞ᬢᬦ᭄ᬓᬬᬄᬳᬧᬸᬢ᭄ᬭᬳᬶᬂᬫᬮᬯ
᭞ᬢᭂᬓᬳᬲᬮᬄᬢᬦ᭄ᬧᬶᬦ᭄ᬦᬾ᭞ᬢᬦ᭄ᬧᬶᬳᬦ᭄ᬥᭂᬮ᭄ᬮᬫ᭄ᬭᬶᬂᬳᬶᬗ᭄ᬲᬸᬦ᭄᭞ᬳᬶᬓᬂᬫᭂᬦ᭄ᬢᬲ᭄ᬦᬗ᭄ᬕᬸᬮᬂᬚᬸᬭᬶᬢ᭄᭞ᬤᬳᬦ᭄ᬤᬾᬦ᭄ᬦ᭄ᬬᬢᬦ᭄ᬦᬃᬱ᭞ᬓᬓᬭᬸᬄᬮᬦ᭄ᬦᬶᬗ᭄ᬲᬸᬦ᭄᭞ᬳᬜ᭄ᬚᬸᬚᬸᬃᬕᬸᬦᬸᬂᬮᬗᬾᬢᬦ᭄᭞ᬳᬶᬗ᭄ᬲᬸᬦ᭄ᬢᭂᬥᬧ᭄ᬭᬧ᭄ᬢᬳᬳᬶᬂᬗᬃᬱᬫᬫᬶ᭞ᬲᬯᬸ᭠
Page:Bali-lontar-gaguritan-anging-kusuma-250ppi.pdf/41
Jump to navigation
Jump to search
This page has been proofread.
