[᭔᭑ 41 B]
᭔᭑
ᬲ᭄ᬲᬶᬭᬗᬦ᭄ᬥᬶᬓ᭛ᬩᬬᬸᬩᬚ᭄ᬭᬫᬸᬲᬸᬲ᭄ᬳᬦ᭄ᬥᬢᭂᬂᬗᬶ᭞ᬲ᭄ᬭᬸᬫᬦ᭄ᬦᭂᬫ᭄ᬧᬸᬄᬫ᭄ᬭᬫ᭄ᬪᬳᬶᬂᬯᬦᬵᬃᬕ᭄ᬕ᭞ᬲ᭄ᬬᬸᬄᬭᬸᬕ᭄ᬲᭂᬩᬢ᭄ᬓᬓᬬᭀᬦ᭄ᬦᬾ᭞ᬳᬕ᭄ᬭᬦ᭄ᬦᬶᬂᬗᬃᬕ᭄ᬕᬫᬾᬗ᭄ᬕᬸᬂ᭞ᬭᬤᬾᬦ᭄ᬓᬮᬶᬄᬯᬶᬦᬯᬾᬂᬗᬗᬶᬦ᭄᭞ᬲᬓᬮᬯᬸᬲ᭄ᬳᬍᬗ᭄ᬕᬄ᭞ᬗᬃᬱᬦ᭄ᬦᬾᬲᬂᬯᬶᬓᬸ᭞ᬘᬶᬧ᭄ᬢᬦ᭄ᬦᬶᬭᬮᬶᬃ᭠
ᬦᬸᬧᭂᬦ᭄ᬦ᭞ᬳᬗ᭄ᬮᭀᬂᬘᬶᬢ᭄ᬢᬓᭂᬦ᭄ᬦᬳᬶᬂᬗᬧᬲᬸᬦ᭄ᬳᬶᬓᬶ᭞ᬲᬸᬲᬸᬯᭀᬦ᭄ᬦᬾᬦᬾᬂᬯᬦ᭛ᬫᭂᬗ᭄ᬓᭀᬳᬦᬾᬂᬤᬾᬤᬾᬧᭀᬓ᭄ᬓᬶᬂᬗᬃ᭠ᬥᬶ᭞ᬲᬧᬳᬶᬓᬂᬳᬗ᭄ᬕᬯᬫᬭᬶᬂᬗ᭄ᬯᬂ᭞ᬤᬾᬦ᭄ᬦᬾᬳᬶᬬᬗᬶᬧᬶᬩᬳᬾ᭞ᬲᬫᬦᬢᬲᬂᬯᬶᬓᬸ᭞ᬧᬶᬦᬭᬓ᭄ᬦᬾᬂᬧᬶᬤᬶᬓ᭄ᬓᬦ᭄ᬳᬤᬶ᭞ᬳᬃ᭠
ᬚ᭄ᬚᬭᬲᬓ᭄ᬓᬦ᭄ᬳᬫ᭄ᬩᬮ᭄᭞ᬭᬳᬤᬾᬦ᭄ᬳᬦ᭄ᬤᭂᬓᬸ᭞ᬤᬳᬢ᭄ᬩᬗ᭄ᬓᬶᬢ᭄ᬳᬗᬦ᭄ᬥᬶᬓ᭞ᬫᬓ᭄ᬱᬶᬄᬕᬳᭀᬓ᭄ᬳᬸᬫᬶᬬᬢ᭄ᬧᬵᬡ᭄ᬥᬶᬢᬵ᭠ᬮᬶᬗ᭄ᬕᬶᬄ᭞ᬳᬯᬶᬗᬶᬢ᭄ᬮᬶᬃᬚᬣ᭛ᬓᬃᬣᬶᬭᬕᬓᬃᬲᭀᬫᬧ᭄ᬭᬧ᭄ᬢᬶ᭞ᬲ᭄ᬭᬸᬫᬦᬗᬶᬲ᭄ᬦᬸᬮ᭄ᬬᬮᬢᬄᬮᬢᬄ᭞ᬤᬾᬦ᭄ᬬᬫᬸ
ᬮᬢ᭄ᬫ᭄ᬭᬶᬂᬭᬳᬤᬾᬦ᭄᭞ᬓᬮᬶᬄᬍᬗ᭄ᬕᬄᬢᬸᬫᬸᬗ᭄ᬓᬸᬮ᭄᭞ᬲᬂᬧᬵᬡ᭄ᬥᬶᬢᬗᬦ᭄ᬥᬶᬓᬳᬭᬶᬲ᭄᭞ᬩᬕ᭄ᬬᬢᭂᬫᭂᬦ᭄ᬲᬦ᭄ᬳᬾᬲᬂ᭞ᬓᬩᬜ᭄ᬘᬭᬦ᭄ᬫᬤᬸ᭞ᬓᬭᭀᬩᬦ᭄ᬲᬫᭀᬤ᭄ᬭᬓᬶᬮᬂ᭞ᬗᬃᬘ᭄ᬘᬫᬦᬶᬓ᭄ᬫᬵᬲ᭄ᬧᬸᬢᬸᬧ᭄ᬭᬧ᭄ᬢᬳᬶᬂᬗ᭄ᬭᬶᬓᬶ᭞ᬮᬶᬃᬓᬢᬸᬭᬸᬦ
[᭔᭒ 42 A]
ᬦ᭄ᬤᬾᬯ᭛ᬳᬕᬾᬃᬢᬶᬕᬲ᭄ᬓᬯᬸᬃᬬ᭄ᬬᬦ᭄ᬧᬸᬦ᭄ᬓᬓᬶ᭞ᬲᬓ᭄ᬱᬢ᭄ᬧᭂᬚᬄᬓᬲᬶᬦᬸᬗᬦ᭄ᬕᭂᬲᬂ᭞ᬧᬸᬦᬧᬲᬸᬦ᭄ᬯᬍᬲᬦ᭄ᬦᬾ᭞ᬭᬤ᭄ᬬᬦ᭄ᬓᬮᬶᬄᬳᬦᬸᬳᬸᬦ᭄᭞ᬤᬢᬦ᭄ᬲᬕᭂᬦ᭄ᬫᬢᬸᬃᬲᬂᬬᭀᬕᬶ᭞ᬓᬤᬶᬯᬸᬲ᭄ᬓᬳᬸᬦ᭄ᬦᬶᬗᬦ᭄᭞ᬓᬍᬩᭂᬢ᭄ᬢᬶᬂᬓᬮ᭄ᬪᬸ᭞ᬲᬂᬢᬧᬫᬾ᭠
ᬲᭂᬫ᭄ᬩᬦ᭄ᬥᬶᬓ᭞ᬮᬄᬳᬶᬂᬧᬸᬦ᭄ᬥᬶᬫᬃᬕ᭄ᬕᬦ᭄ᬦᬾᬧᬸᬦ᭄ᬓᬓᬶᬳᬸᬦ᭄ᬦᬶᬂ᭞ᬮᬫᬸᬦ᭄ᬩᭀᬢᭂᬓ᭄ᬯᬶᬦ᭄ᬦᬃᬣᬦ᭄᭛ᬳᬧᬧᬗ᭄ᬕᬶᬄᬬᬯᬶᬕ᭄ᬱᬧᬸᬦ᭄ᬦᬶᬓᬶ᭞ᬢᬶᬬᬂᬗᬃᬕ᭄ᬕᬲᬕᭂᬤ᭄ᬥᬾᬧᬸᬦ᭄ᬦᬧ᭞ᬓᬢᬓ᭄ᬕᬫ᭄ᬪᬶᬮᬶᬓᬯ᭄ᬭᬸᬳᬾ᭞ᬭᬳᬤ᭄ᬬᬦ᭄ᬦᭂᬫ᭄ᬩᬄᬫᬢᬸᬃ᭞ᬢᬶᬬᬂᬯᬦᬦ᭄ᬓᬯ᭄ᬮᬲ᭄ᬲᬲᬶᬄ᭞ᬢ
ᬦ᭄ᬯᬬᬄᬢᬦ᭄ᬧᬲᬦ᭞ᬮᬶᬃᬲᬶᬫ᭄ᬩᬃᬦᬾᬂᬓᬬᬸ᭞ᬮᬸᬫᬓ᭄ᬱᬡ᭄ᬦᬢᬦ᭄ᬧᬲᭂᬤ᭄ᬬ᭞ᬳᬗᬦ᭄ᬥᬶᬓᬪᬕᬯᬵᬦ᭄ᬲᬦ᭄ᬢᬸᬦᬸᬫᬹᬃᬢ᭄ᬢᬶ᭞ᬲᬶᬦ᭄ᬢᭂᬦ᭄ᬧᬶᬦᬸᬤ᭄ᬬᬾᬂᬓ᭄ᬭᬫ᭞ᬗ᭄ᬮᬶᬂᬓᬸᬲᬸᬲ᭄ᬫᬫᬦ᭄ᬦᭂᬗᭂᬃᬭᬦ᭄ᬫᬫᬶ᭞ᬳᬭᬶᬦ᭄ᬳᬸᬦ᭄ᬯᬲ᭄ᬢᬤᬦᬹᬃᬯᬾᬦ᭄ᬥ᭞ᬫᬾᬲᭂᬫ᭄ᬲᬂᬯᬶᬓᬸᬤᭂᬮᬶᬂᬗᬾ᭞᭠
ᬲᬫ᭄ᬧᬸᬦ᭄ᬲᬗᭂᬢ᭄ᬫᬲ᭄ᬧᬸᬢᬸ᭞ᬳᬗ᭄ᬮᬶᬂᬮᬧ᭄ᬧᬶᬥᬢᭂᬂᬧᬸᬦ᭄ᬓᬓᬶ᭞ᬫᭀᬗ᭄ᬲᬲᬶᬮᬶᬄᬢᬶᬗ᭄ᬕᬮ᭞ᬮᬩᭂᬢ᭄ᬢᬶᬂᬯ᭄ᬯᭀᬂᬮᬸᬳᬸᬃ᭞᭠ᬳᬦᬳᬶᬂᬩᬸᬫᬶᬓᬲᬧ᭄ᬢ᭞ᬮᬓᬸᬮᬶᬗ᭄ᬕᬶᬄᬲᭀᬮᬄᬫᬸᬦ᭄ᬦᬮᬯᬦ᭄ᬫᬸᬦ᭄ᬦᬶ᭞ᬧᬦᭂᬗ᭄ᬭᬦ᭄ᬚᬦ᭄ᬫᬢᬫ᭛ᬲᬶᬭᬢ᭄ᬭᬳᬶᬂᬫᬮ᭠
Page:Bali-lontar-gaguritan-anging-kusuma-250ppi.pdf/42
Jump to navigation
Jump to search
This page has been proofread.
