[᭒᭒ 22B]
᭒᭒
ᬲᬶᬦᬫ᭄ᬩᬢ᭄ᬤᬾᬩᬂᬫᬃᬫᬬᬵ᭞ᬫᬗ᭄ᬓᬾᬲᬂᬭᬢ᭄ᬦᬤᬾᬯ᭄ᬬ᭞ᬳᬕᬾᬦᬶᬧᬫᬦ᭄ᬢᬸᬫᬸᬭᬸᬦ᭄᭞ᬭᬸᬭᬸᬳᭂᬦ᭄ᬢᬗᬶᬲᬶᬂᬧᬭᬦ᭄᭟᭐᭟ᬢᬸᬫᭂᬤᬓ᭄ᬭᬳᬤᬾᬦ᭄ᬰᬳᬶᬤ᭄᭞ᬤᬾᬦᬾᬭᬤᬲᬢᬶᬮ᭄ᬲᬶᬭ᭞ᬓᬢᭀᬦ᭄ᬭᬳᬤᬾᬦ᭄
ᬰᬳᬶᬤ᭄ᬳᬮᬸᬗ᭄ᬕᬸᬳᬶᬂᬗᬗ᭄ᬕᬲ᭄᭞ᬳᬦᬗᬶᬲ᭄ᬲᬸᬫᭂᬦ᭄ᬤᬶᬂᬢᬸᬯ᭞ᬭᬳᬤ᭄ᬬᬦ᭄ᬢᬸᬫᬸᬮᬶᬢᬸᬫᬸᬗ᭄ᬓᬸᬮ᭄᭞ᬳᬓᬾᬳᬵᬲᬶᬦᬫ᭄ᬩᬢ᭄ᬓᬭᬸᬡ᭟᭐᭟ᬩᬬᬢᬶᬦᬸᬤᬸᬳᬶᬂᬯᬶᬥᬶ᭞ᬓᬮᬭᭀᬦ᭄ᬫᬃᬕ᭄ᬕᬾᬂᬯᬦᬶᬣ᭞ᬮᬶᬦ᭄ᬢᬂ
ᬦᬮᬗ᭄ᬲᬂᬳᬢᬶᬦᬾ ᭞ᬓᬮᬭᬦ᭄ᬤᬸᬭᬸᬗᬲ᭄ᬫᬭ᭞ᬦᭀᬭᬳᬶᬗᬾᬫᬦ᭄ᬓᬂᬮᬫ᭄ᬧᬸᬲ᭄᭞ᬧᬦ᭄ᬬᬸᬲ᭄ᬚᬜ᭄ᬚᬶᬦᬶᬧᬗᬾᬭᬦ᭄᭟᭐᭟ᬗᬦ᭄ᬤᬶᬓᬭᬤᬾᬦ᭄ᬲᬭᬲᬶᬮ᭄᭞ᬥᬸᬄᬤᬾᬯᬰᬳᬶᬤ᭄ᬭᬳᬤ᭄ᬬᬦ᭄᭞ᬧᬭᬦ᭄ᬲᬶᬓᬃᬬ᭄ᬬ
ᬦᬶᬂᬗ᭄ᬓᬾᬦᬾ᭞ᬳᬶᬫᬤ᭄ᬬᬦᬶᬂᬳᬮᬲ᭄ᬚᭂᬫ᭄ᬩᬃ᭞ᬫᬸᬗᬸᬄᬧᬶᬗ᭄ᬕᬶᬭᬶᬂᬕᬸᬯᬵ᭞ᬭᬳᬤᬾᬦ᭄ᬰᬳᬶᬤ᭄ᬳᬦ᭄ᬤᬸᬮᬸ᭞ᬢᬸᬱ᭄ᬝᬵᬫᬦᬳᬾ ᬓᬮᬶᬦ᭄ᬢᬂ᭟᭐᭟ᬲᬶᬗ᭄ᬕᬶᬳᬾᬬᬂᬳᬫ᭄ᬪᬢᬸᬢᬸᬭᬶᬦ᭄᭞ᬳᬫ᭄ᬪᬧᬶᬦᬦ᭄ᬤᬸᬗᬶᬤᬾ
[᭒᭓ 23A]
ᬢ᭄ᬬ᭞ᬲᬂᬓᬸᬫ᭄ᬪᬓᬭᬯᬲ᭄ᬢᬦᬾ ᭞ᬓᬮᬶᬄᬧᬢᬶᬄᬩᬸᬢᬦ᭄ᬤᬾᬕᬦ᭄᭞ᬯᬲ᭄ᬢᬦᬾ ᬧᬸᬦᬂᬬᬓ᭄ᬱ᭞ᬤᬸᬭᬸᬂᬯᭂᬮᬲ᭄ᬤᬾᬦ᭄ᬬᬢᬸᬢᬸᬃ᭞ᬦᭀᬮᬶᬭᬯᬸᬄᬓᬂᬤᬦᬯᬵ᭟᭐᭟ᬳᬗᬸᬗᬲ᭄ᬳᬦ᭄ᬩᬦᬶᬂᬳ᭄ᬚᬶᬫ᭄᭞ᬲᬶᬦᭂᬗ᭄ᬕᬶᬄᬫᬸᬲᬸᬄᬓᬂ
ᬧ᭄ᬭᬧ᭄ᬢ᭞ᬗ᭄ᬭᬦᬗᬸᬯᬄᬓᬂᬲ᭄ᬯᬭᬦᬾ ᭞ᬧᬗ᭄ᬮᬸᬤᬸᬲᬾ ᬓᬤᬶᬕᭂᬮᬧ᭄᭞ᬕᭂᬦ᭄ᬢᭂᬃᬳᭀᬩᬄᬧ᭄ᬭᬣᬮ᭞ᬲᬭᬲᬶᬮ᭄ᬧ᭄ᬭᬬᬢ᭄ᬦᬲᬫ᭄ᬧᬸᬦ᭄᭞ᬳᬫᭂᬦ᭄ᬢᬂᬧᬦᬄᬕᬦ᭄ᬤᬾᬯ᭟᭐᭟ᬯᬸᬲ᭄ᬧᭂᬤᭂᬓ᭄ᬭᬤᬾᬦ᭄ᬲᬭᬲᬶᬮ᭄᭞ᬳᬗᬋ
ᬧ᭄ᬧᬸᬦᬂᬤᬾᬢᬵᬬ᭞ᬳᬧ᭄ᬭᬂᬓᬶᬦᭂᬫ᭄ᬩᬸᬮᬦ᭄ᬋᬓᭀ᭞ᬧᬦ᭄ᬳ᭄ᬚᬶᬫ᭄ᬓᬲᭀᬭᬦᬶᬂᬮᬕᬵ᭞ᬤᬾᬢ᭄ᬬᬮᬶᬦ᭄ᬢᬂᬧ᭄ᬭᬓᭀᬱ᭞ᬳ᭄ᬚᬶᬫ᭄ᬓᬭᭀᬲᬫ᭄ᬬᬫᬸᬦ᭄ᬤᬸᬃ᭞ᬬᬦ᭄ᬧᬋᬓ᭄ᬗᬫ᭄ᬩᬮᬶᬳᬧ᭄ᬭᬂ᭟᭐᭟ᬲᬤᬸᬮᬸᬤᬾᬭᬲ᭄ᬦᬕ᭄ᬧᬸᬢ᭄ᬭᬶ
ᬦᬶᬤᬾᬯᬶᬘᬓ᭄ᬭᬓᬸᬲᬸᬫᬵ᭞ᬲᬂᬤ᭄ᬬᬄᬫᬍᬲᬢ᭄ᬳᬕᬾ᭞ᬳᬫᬦ᭄ᬢᭀᬦᬶᬦ᭄ᬫᬦᬶᬭ᭞ᬳᬧᬢᬸᬢᬶᬂᬤᬦᬯ᭞ᬧᬶᬦᭂᬤᬂᬭᬢᬸᬦᬶᬂᬤ᭄ᬬᬸᬄ᭞ᬦᬸᬮ᭄ᬬᬧᭂᬕᬢ᭄ᬳᭂᬮᬭᬶᬭ᭟᭐᭟ᬭᬸᬦ᭄ᬢᬸᬄᬲᬂᬤᬾᬢ᭄ᬬᬳᬶᬂᬲᬶ
Page:Bali-lontar-gaguritan-amir-hamsyah-300ppi.pdf/23
Jump to navigation
Jump to search
This page has been proofread.
