[᭒᭑ 21B]
᭒᭑
ᬜ᭄ᬚᬶᬦᬾ ᬧᭂᬚᬄ᭞ᬳᬬᬸᬥᬓᬮᬯᬦ᭄ᬳᬫᬶᬃ᭞ᬮᬄᬢ᭄ᬭᬧᬓᭂᬦᬯᭀᬂᬫᬾᬦᬓ᭄ᬳᬦᬯᬸᬭᬶᬦ᭄᭟᭐᭟ᬗ᭄ᬕᬶᬗᬶᬗ᭄ᬲᬸᬦ᭄ᬫᬃᬕ᭄ᬕᬾᬂᬬᬸᬥᬵᬧᬮᬢ᭄ᬭᬳ᭞ᬫᬜ᭄ᬚᬶᬂᬲ᭄ᬯᬃᬕ᭄ᬕᬤᬶᬍᬯᬶᬄᬬᬦ᭄ᬧᭂᬚᬄᬫᬭᬾᬂᬓᬸᬫ᭄ᬧᬃ᭞ᬮᬳ᭄ᬬᬢᬦ᭄ᬤᬶᬂ
ᬧᬺᬯᬶᬭ᭞ᬯᬾᬦ᭄ᬕᬥᬕᬶᬦᬥᬓᬮᬶᬄ᭞ᬲᬸᬭᬓᬶᬂᬩᬮᬵ᭞ᬓᬤᬶᬳᭀᬩᬄᬓᬂᬧ᭄ᬭᬣᬶᬯᬶ᭟᭐᭟ᬧᭂᬤᬂᬧᬶᬦᭂᬥᬓᬧ᭄ᬮᬸᬓ᭄ᬢᬾᬚᬓᬸᬫᭂᬜᬃ᭞ᬦᭂᬫ᭄ᬧᬸᬄᬧᬭᬶᬲᬾᬯᭂᬲᬶ᭞ᬳᬜ᭄ᬚ᭄ᬭᬶᬢ᭄ᬧᬸᬦᬂᬓᬸᬤ᭞ᬭᬓᬧ᭄ᬯᬦ᭄ᬢᬸᬲᬾᬲᬂ
ᬦᬣ᭞ᬅᬫ᭄ᬱ᭄ᬬᬄᬩᬕᬶᬡ᭄ᬥᬅᬫᬶᬃ᭞ᬮᬶᬦ᭄ᬢᬂᬧ᭄ᬭᬓᭀᬱ᭞ᬳᬦ᭄ᬤᬧᬮᬶᬢ᭄ᬧ᭄ᬭᬚᬸᬭᬶᬢ᭄᭟᭐᭟ᬧᬸᬃᬯ᭄ᬯᬚᬕᬢ᭄ᬳᬫᭂᬦ᭄ᬢᬂᬳᬶᬲ᭄ᬢ᭄ᬭᬶᬚ᭄ᬭᬤ᭄᭞ᬓᭂᬦᬾᬂᬮᬶᬫᬸᬢ᭄ᬲᬂᬅᬫᬶᬃ᭞ᬢᬦᬦ᭄ᬤᬸᬮᬸᬧᬭᬦ᭄᭞ᬫᬸᬯᬂᬳᬶᬲᭂᬓᬤᬾᬢ᭄ᬬ
ᬜᬸᬲᬸᬧ᭄ᬫᬜ᭄ᬚᬶᬗᬶᬂᬯᬦᬤ᭄ᬯᬶ᭞ᬫᬗ᭄ᬕᬶᬄᬓᬮᬭᬦ᭄᭞ᬲᬫ᭄ᬬᬳᬦᬦ᭄ᬤᬂᬲᭂᬤᬶᬄ᭟᭐᭟ᬲᬓ᭄ᬯᬾᬳᬾᬯᭀᬗᬭᬜᬸᬲᬸᬧᬶᬂᬯᬦ᭞ᬳᬶᬗᬲ᭄ᬢ᭄ᬭᬓᬯᬃᬡ᭄ᬦᬳᬵ᭞ᬤᬾᬯᬶᬫᬲ᭄ᬓᬸᬭᬾᬳᬾᬲᬶᬦ᭄᭞ᬤᬸᬭᬸ
[᭒᭒ 22A]
ᬲ᭄ᬫᬧᭂᬦ᭞ᬓᬕ᭄ᬬᬢ᭄ᬦᬸᬮᬶᬤᬢᬗᬶ᭟᭐᭟ᬧᬸᬄᬲᭂᬫᬭᬦ᭄ᬤᬦ᭟᭐᭟ᬲᬶᬭᬤᬾᬯᬶᬓᬸᬭᬳᬾᬲᬶᬦ᭄᭞ᬢᬶᬦᬗ᭄ᬓᬶᬮ᭄ᬤᬾᬦᬶᬂᬭᬳᬤ᭄ᬬᬦ᭄᭞ᬧᬫᬦ᭄ᬲᬭᬲᬶᬮ᭄ᬢᬋᬓᭀ᭞ᬮᬯᬦ᭄ᬭᬤᬫᬢᬶᬮ᭄ᬧᬢ᭄ᬬ᭞ᬧᬗᭂᬮᬶᬗᬮᭀᬦ᭄ᬲᬂ
ᬭᬢ᭄ᬦᬵ᭞ᬧᬫᬦ᭄ᬲ᭄ᬯᬧᬸᬦᬂᬤᬮᬸ᭞ᬅᬫ᭄ᬱ᭄ᬬᬄᬓᬋᬫᬾᬂᬲᬫᬸᬤ᭄ᬭ᭟᭐᭟ᬭᬳᬤᬾᬦ᭄ᬜᬳᬸᬭᬶᬦᬭᬶᬲ᭄᭞ᬤᬾᬯᬫᬲ᭄ᬓᬮᬶᬦ᭄ᬢᬂᬳᬶᬮ᭞ᬳᬶᬂᬫᬗ᭄ᬓᬾ ᬧᬭᬦ᭄ᬓᬬᬸᬦᬾ᭞ᬳᬗᬦ᭄ᬤᬶᬓᬦᬶᬫᬲ᭄ᬭᬢ᭄ᬦ᭞ᬧᬫᬦ᭄ᬤ
ᬮᬸᬗ᭄ᬳᬳᬵ᭞ᬫᬦᬯᬫᬗ᭄ᬕᬶᬄᬧᬓᬾᬯᬸᬄ᭞ᬚᭂᬂᬭᬫᬩᬕᬦ᭄ᬤᬭᬫ᭄ᬱ᭄ᬬᬄ᭟᭐᭟ᬮᬸᬗᭀᬫᬭᬶᬂᬩᬸᬓᬶᬢ᭄ᬩ᭄ᬭᬚᬶ᭞ᬳᬲ᭄ᬯᬭᬳᬶᬂᬩᬮᬳᬲ᭄ᬯᬓ᭄᭞ᬚᬶᬫ᭄ᬳᬯᬸᬲ᭄ᬧ᭄ᬭᬬᬢ᭄ᬦᬓᬩᬾᬄ᭞ᬮᬸᬫᬭᬶᬲ᭄ᬲᬫ᭄ᬬ
ᬗ᭄ᬕᬕᬦ᭞ᬗᬶᬭᬶᬂᬳᬦ᭄ᬤᬶᬓᬦᬶᬭ᭞ᬦᬶᬫᬲ᭄ᬘᬓ᭄ᬭᬓᬸᬲᬸᬫᬵᬳᬬᬸ,ᬲᬶᬬᬂᬤᬮᬸᬳᬗ᭄ᬕᬕᬦ᭟᭐᭟ᬳᬗᬸᬗ᭄ᬓᬸᬮᬶᬦ᭄ᬧ᭄ᬭᬡᬄᬰᬳᬶᬤ᭄᭞ᬓᬂᬧᬶᬦᬮᬚᭂᬗᬶᬂᬤᬾᬢ᭄ᬬ᭞ᬲᬂᬤ᭄ᬬᬳᬗ᭄ᬭᬸᬗᬸᬢᬗᬶᬲᬾ
Page:Bali-lontar-gaguritan-amir-hamsyah-300ppi.pdf/22
Jump to navigation
Jump to search
This page has been proofread.
