35
TJARETANA TOKANG MAÈN.
Radhin Bhaghoes Kamal talèbăt èkalèboeri sarta èkadjoendjoenè bi' aghoengnga. Mon aghoengnga jos-mèjosan mastè èadjhǎk, sabãб tako' sè tapèsa'a. La -mala mon asarè mastè èka polong.
E nalèka sèttong bǎkto Ghoes Kamal kasokan amaèn pè-sapèan, aghoengnga èatorè (èsoro) arangka', pas èsèkklaka bi' Ghoes Kamal. Sarrèna talèbăt lèboer, neser sarta kadjendjen ka bădjǎna, maskè panjo'onna Ghoes Kamal ghella' tjè' ta' patotta, ètorotè bhăi.
Prandhinèng aghoengnga Ghoes Kamal rèja orèng aghoeng ongghoeăn sarta tjè' soghina. Pottrana nèng kasorang, băbinè', ijă arèja èbhoena Ghoes Kamal, sèdhă ghi' nom-anom. Amarghă djărèja panganèser băn pangalèboerrǎ tèbhă ka bădjăna kakabbhi , kongsè Ghoes Kamal èkadjoendjoenè băt- talèbắt.
Saellana Ghoes Kamal aomor bălloeng taon, pas èpanjantrè, èpakon adjhăr maos kora'an. Ghi' bhoeroe ollè doewa' tello arè, pas èpaamboe, nèng èpakon maos è dhălemma, sabǎb èkarassa nèser tapèsa bit-abit. Anangèng saopama Ghoes Kamal teppa' sengka, ta' kentjeng maos, ta' lè-sakalè èpaksa, apa polè èbhengngèsè. Amarghǎ djărèja pangadjhina boeddhoe.
Prandhinèng Ghoes Kamal rèja tjè' leboerră amaen, opama: atjèrek , aeppot , aokkè băn èn -laènna.
Sèpat amaen maste atataroan pèssè; atjèrek ètaroè pèssè, aeppot ètaroè pèssè, apa polè aokkè' so'è radjă tarona. Ekala' pandǎ'na tjarèta, Ghoes Kamal la èsonnat, èkardjăi tjè' radjāna, sabăb bădjăna orèng aghoeng soghi, sarta talèbăt èkadjoendjoenè. Sabărăssa èsonnat, pas èpasakola. Ghi' bhoeroe tolle sataon sè asakola la lèntjem, sarta ladjhoe amboe ta' kalabản bădã lè- ollèna. Maskè bărija Ghoes Kamal ta ’ èpama-bărămma bi' aghoengnga, sabab panganèser băn pangalèboerrǎ ka bădjana èkennèng opama'aghi nètè oboe' salambăr, tjè' tako'na sè kalèroa.
Sarrèna Ghoes Kamal satèja la bhăllik, so'è băngal adjhălănnaghi lalakon ma'sèjat, ijă arèja sè talèbăt èkalèboeri nèng parkara maèn băn lèboer ka rèng babinè'. Dhinèng pangalèboerră ka maèn ta' kațèk mèmèlènè, sabărnana maèn padă èkalèboeri, opama: tjepplè', okkè', kartoe, lèttrè', ngaddhoe embi', negghel, njaboeng, ngaddhoe kamèrè, ngaddhoe ghemmek, ngaddhoe dhără, ngaddhoe djhăngkrèk kabbhi padă ètaroè; apa polè mon amaèn na'-pana'an, sabab djărèja lakar kasennengngan na para pottra.
