34
Amargha djǎrèja, maskè ghădjhina la tjè' radjăna, ta' ghellem kamendăngen, sabăb talèbăt bănnja' kakareppanna, tjara opamana aèng sè èsèlèn ka boengboeng bhoerto', tanto terros ngalotjor kakabbhi taḍă' tjèttjèrra sakalè. Apa polè la băḍă ètja'-otja'an, djha' kakareppanna manosa rèja taḍă' potossa.,Alantaran dări sè kasebbhoet kabbhi, Radhin Sorawijăsa pas djhoebǎ' polè asmana, taḍă' orèng partjadjǎ ngotangè.
Tja'na orèng sè wa-towa: sabhărăng sè bădă è dhoennja rèja tadă'sè langgheng ; sè ngodă bhakal towa'a, sè odi' bhǎkal matè'a, sè anḍi' pangkat bhakal amboeă dări pangghăbăjănna, sè soghi tarkaḍhăng pas mèskèn, sè podjhoer băḍă băktona palang. Bărijă kèja bhab kabăḍă'ănna Radhin Sorawijăsa dări ghi' anomma podjhoer bhăi, tapè saellana ollè doewă taon sè dhăddhi Bădhana, bhoeroe tèbhǎ ka apessa. Bit-abit ladjhoe songkan lempo, marghă talèbăt nakal ka rèng băbinè', kongsè tapaksa aparmèsi, atokar angèn ka Tjipanas. Dhinèng songkanna so'è abit so'è sara, kongsè tello boelăn ta' ngennèng apangghăbăj. Răng -bhărăngnga kongsè ghemmet sè èdjhoewali, marghǎ èkaongkos sè songkan; orèng sè nanaghi ondhoer dǎteng, tadă' peggha'na. Amarghǎ djărèja Radhin Sorawijăsa talèbăt sossana, rèbek rèkong padă bădă, sabab mèkkèrè songkanna sarta djhărepdjhebbhen bi' orèng sè ḍăteng nanaghi. Sakèng dări sompekka pangghǎlianna, kongsè aghărăbhăsăn aèng sotjana ta' èkarassa.
Sarrèna abă'na la ta' njangghoep ngastanè pangghăbăjăn polè, molana pas aperlop terros, njo'on pansioen. Kadhăddhiăn Radhin Sorawijăsa ollè amboe kalaban hormat, tapè ta' ollè pansijoen, marghă ghi' ta' napa' ka eḍḍissa.
Saellana Radhin Sorawijăsa amboe dări pangghăbăjănna, dhălem băn pakaranganna ebisla bi orèng sè andi paotang ka abǎ'na; răng-bhărăng laènna padă ghemmet, taḍă' karèna nè'-sakonè'a, marghă èserra'aghi ka otangnga băn èkabelli tambhă. Amargha djărèja abăna pas apolong băn mattowana; sè dhăddhi dha'arră nèng ollèna kasappa Dhin adjoena, sè adjhă djhoewǎl kalaban bhănḍhă sakonè'.
Prandhinèng Radhin Sorawijăsa rèja talèbăt mellassa, sabăb asalla tjè' moldjăna, mangka satèja talèbăt malarat sarta a'ib, sabǎb èkennèng kotja' ta' kaaghoengan djhăroem potong bhălǎkka', tor kan-songkanen.
Anangèng katjalaka'an băn kasossa'anna sè bărijă djǎrèja padă dări kasala'anna dhibi' kakabbhi. Djhǎ' sakènga lăn-bilănna abina ta atètèngkan bắt-talèbăt sarta ta’alorbă kakareppanna, apa polè lèboer long-molong pèssè, tanto nalèkana abǎ'na songkan terros kongsè amboe dări pangghăbăjănna ta' kèra sossa băn mellas loe'-ghǎlloe' tjara ghellǎ'.
