Једла Brandene.7/
1. ghi' ta' anjama soghi, ta' tekka ka sè èkakareppè;
2. maskè la bănnja' di'-andi'na, tapè èkaollè kalabǎn alalakon malarat, karana sè èkaterroè aba'na sopadjă soghiă, sè ta' kalaban alalakon malarat.
E nalèka sèttong malem Alnasan katamojan tatangghăna kasorang, anjama Iswaèn. Dhinèng Iswăèn rèja la djhãoe palolonganna, sarta bannja' sè ètangatè băn bănnja' pangataoanna. E bakto djărèja Iswăèn sè atjatja bi' Alnasan kongsè tengnga malem; sè èkatjatja sè kabănnja'an parkara maèn, sè la èkataoè aba'na èdalem padjhălănanna. Dă' -adă'na Iswăèn ngotja' bărija : ,,Nalèkana kaoelă èntar adjhoewal ghoelǎ ka Pagaden (Tjirebbon ) apangghi sareng orèng Djhăbă kasorang, anjama Sattja, amaèn dadoe sareng Tjèna kasorang, nèng Saamponna marè amaèn, Sattja mennang; abhadhǎ f 0.75. pèssèna sè nèng ƒ 0,75 ghella' kantos dhăddhi f 300. Mèlana abă'na onèng mennang bănnja', sabab ghi' sabelloenna amaèn atapa dhimèn è lobangnga ghoenong apoj Tangkoebănparaoe; sè èsaddjhă tadă' laèn nèng terro mennanga amaèn. Saamponna sè atapa ollè saarè samalem aba'na pas ollè lamat, ladjhoe amaèn è Pagadèn ghella', kantos mennang bănnja'. Bhab mennangnga Sattja panèka kaoela nèngalè dhibi', ta' ètotorè orèng."
Laèn dări djărèja bănnja' tjarètana Iswăèn parkara maèn sè ran-ngèrannaghi. Alnasan tjengngeng ngèding tjarètana tamojja, ladjhoe ngotja' bărijă: „ Ka', rèng amaèn panèka ponapa bădă ghoe ' -tegghoe'na ?"
Saotta Iswǎèn : ,,Tanto saos, dji'. Sè dhăddhi bhoebhoetona maèn panèka bănnè orèng sambhărăngan. Sè ghǎsèk èkasèkep orèng amaèn èngghi panèka boento'na kadhalpang sareng djhăghoeng sè bhirianna ghăndjhil. Kaoelă ampon onèng mangghi'i orèng Djhăbă, amaèn molaè dări pokol 8 kantos pokol 3 malem mennang f 1000, marghǎ abă'na bădă ghoe' -tegghoe'na toronèng ka ètonganna."
Katjatora saellana tamojja molè, Alnasan ta' ghellem ngèddhǎ tèḍoeng, marghǎ pèkkèrra tjè' adhrengnga sè terro andi'ă ghoe-tegghoe’na orèng amaèn băn èlmona, karana tjana pangrasana mon aba'na la andi' sarat sè doe parkara djărèja, mè'amè' pas lekkas soghi ta' kalaban alalakon malarat.
Ta' saapa abiddhă djărèja, napsona Alnasan sè terro pènterra amaèn ghellǎ' so'è dhaddhi, kongsè abă'na ta' kellar nahan, molana pas adjhăr amaèn. Da'-ada'na maènna nè'-kènè' tarona sabinggoelan, palèng radjă lèma essènan; tapè so'è abit so'è lèboer băn so'è ghilă, apa polè saellana tao mennang.
Alnasan, sè asalla tjè' èmananna ka pèssèna, saellana ghilǎ ka maèn, ladjhoe loppa ka kabarikkènganna, ta ' andi' pangaèman sakale ka pèssèna. Bărijă kèja abǎ'na sè asalla tjè' bhadjhengnga alalakon, satèja ladjhoe tjè' momossa, sabab taghijoer ka
