Abă'na tjè' ta' endă'na njarè kasennengnganna atèna, sè kalaban ghǎ'-nangghă', karana tja'na pèkkèrra: orèng ghǎ'nangghǎ' rèja talèbăt njossaè, sarta marogi abă'na dhibi' , sabăb :
1. mastè ngopaè,
2. mastè makanè,
3. rèng-orèng sè nèngghoe bănnja' sè kodhoe èka' angka'è,
4. marosak kas-pakakas, magheddhă' băn maromboe bengkona, la-mala dhang-kadhang madhioek ampèrra, băn polè tatamennanna è tanèjanna ta' boeroeng bănnja' matè ènjek-ènjek orèng.
Kalessoanna sè ngoros parkara djărèja tanto talèbăt. Dhinèng sopprèna orèng gha' -nangghǎ ' rèja taḍă' laèn kadjhăbhăna terro njennengngaghiă atèna è băkto djărèja kèja, sarta terro èkotja'a ,,soghi" bi' orèng.
Laèn dări kaparèmpennanna, bădă polè băbătekka Alnasan sè tjè' anèna, ijă arèja partjadja'ăn ka parkara sè hal-mohal, opana: tennong , oghem băn makam karamat.
Prandhinèng Alnasan rèja molaè dări ghi' kènè' taḍă' laèn sè èkaaddhrengngè kadjhabhăna terro soghiă. Opama abă'na nangalè djhărăn bhaghoes, bengko radjă, pakakassa bengko sè ghoes-bhaghoes, abă'na tjè' addhrengnga terro andi'ǎ kèja. Pangalèboerră abă'na ka pèssè tada' bhidhăna bi' orèng sè ghilă ka rèng binè' ; sèjang malem taḍă' laèn sè èpèkkèrè nèng terro ollèa pèssè bănnja' sè kalaban ghămpang.
Mon abă'na ngèding berta badă dhoekon sè tao masoghi orèng, maskè djhãoe kennengnganna, mastè èèntarè bi' abă'na. Saotja'na băn sapamèntana dhoekonna mastè padă ètoro' bi' abina. Atapa , njeppè băn sabhăngsana sarat tada ’ tjokbăng: apowasa, ta' tèdoeng, motè, ngakan oen-dãoenan ban sabhäng sana, ngakan palotan ban èn-laènna; panda' Alnasan rèja betta tangngè băn betta lapar. Sakabbhiănna tjatjegghan pada èdjhăcei ongghoe bi' abă'na ; rat-saratta paḍă edjhälännaghi. Sabbhăn malem Salasa bán Djhoema'at ta' tao tjokbă ngobbhăr mènnjan, sarta èsandhingè kakanan pèttong barna.
Adhat kapartjadja'ănna Alnasan bhab arodjhăghi paḍi alebbian dări orèng sè wa-towa ; pangangghebbhă abă'na ka Diwi Sri padă bi' pangangghebbhǎ ka Ghoestè Alla. Bărijă kèja mon aba'na ngèḍing berta, djhă' è Ano băḍă makam karamat, maskè kennengnganna djhãoeă bărămma, aba'na marloaghi èntar, njo'on tekkana sè èkaterroè, ijă arèja sopadjă abă'na èparrèngè soghi.
Sateja omorra Alnasan la satengnga toboe, tapè ghi' ta' ghellem soghi kèja , sabab abă'na asalla tjè' mèskènna ; maskè abă’na ghi' ta' soghi, tapè ta' malarat tjara lăn-bilănna. Sanaddjhăn aba'na la satengnga mampo, tapè atèna ghi' ta' ghellem narèma, sabab abă'na :
1macke isto ma te
