Qui soit in héaut ou bin au marchand d’ cigares, cha n' me fet ni fréod ni quéaud.
Hein!... Dieu m' pardéonne, elle me fét d' l'wel.
V'là tous mes p'tites affaires in orte, j' peux qu'mincher à m' deshabiller, .
Mossieur Fernand, vous pins'rez d' mi c' que vous voudrez, més faut que j’ vous fét eine déclaratiéon.
Eine déclaratiéon d'affaire?
Néon!!! d'amour.
V'là qu'elle se dévise.
J'ai bin compris:... eine déclaratiéon d'amour ?
A mouans qu’ si vous n' voulez pos m'acouter...
Je n' peux mal d'orfuser; més attindez que j' m'assure que vot’ n'héomme n' déquind pos (alléant vir à l'escalier) ch'est la mote à l'invers asteur.
Tin, j'ai laissé m’ capiéeau à l’ salle à minger, si j'intinds monter Fernand j' li crirai de l' printe.
- (Elle se déquéauche et mets des pantouffes).
Vous pouvez parler, i' est acore à l'ouvrage.
Vous n’ vous avez pas cor' aperchu que d'puis longtemps j'ai pour vous des intintiéons tout éautes que celle de l'amitié.
Si fét, més j'avéos peur de m'y méprinte.
